Njelemiya 48:44 - Livulu lya Shukulu Kalunga

⁴⁴ Woshe atewa omwo lyova, akawila mu citeke, co woshe uje akatuuka mu citeke, akatsa mu mweto, omwo Shukulu Kalunga nemika simbu ya tuyando twa Mowavi.

Njelemiya 48:44 Iomraidhean Croise

1 Vimyene 19:17

Woshe munu akaputumuka kuli Hazayele kumutsiya, co vakamutsiya kuli Yehu, munu woshe akaputumuka kumutsiya kuli Yehu, vakamutsiya kuli Elisha.

1 Vimyene 20:30

Co vaje vayoyeleo vatewelele ku nganda ya Afeke, kuje vivumbe vya nganda vyawililile vanu vakupwa 27,000. Co Mbenehandande lalo watewelele mu nganda, wakavandele mu mulili wa kunima ya njuvo.

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Isaya 24:17

Munu woshe atolilile kuli yange! Kuli lyova, na viteke, na myeto vije vinavandamena munu woshe.

Isaya 24:18

Munu woshe uje atewa lyova akawila mu citeke, co munu woshe uje atewa citeke akatsa mu mweto, omwo vinjanena vya mwilu vyashokoloka, co luvula lwa kaye lujaja.

Njelemiya 10:15

Tumponya tunapu twangoco, vanapande kutuyeluwisa, omo Shukulu Kalunga akaija vakatunyongesa.

Njelemiya 11:23

Njinemika simbu yakunena tuyando ali vanu va ku Anatote, co omo simbu ije iketa naumo wai akasalao.”

Njelemiya 16:16

Shukulu Kalunga alinakwendeka ngwendi, “Njikatuma vaka-kuta visi vavangi kwija nakukwata vanu ava. Asina lalo njikatuma viyambi vavangi mukuyomba vanu ava mu minkinda na a malundu, na mu manzenzengoma, na mukati ka mamanya.

Njelemiya 23:12

Vingila vije vivakakavangeya vikapwa vya lisusulungu nakuseneta, njikavatanukisa nakuvawisa. Njikanena vukalu ali vakevo, simbu yakuvanyanyamesa ilinakwija. Yange Kalunga, njinendekamo.

Njelemiya 46:21

Nameme mashwalale vayo vakukumuna kuvesi na seo yai, vanafu ngwe vana va vingombe. Kuvasele kwimana nakulwa omo litangwa lya tuyando twakama lyetele, voshe vakengeseleko nima nakutewa, simbu yavo yakuvanyanyamesa inete.

Njelemiya 49:8

Vanu va mu Ndendane tengulukeni nakutewa. Vandeni! Njikanyongesa vatekulwila va Isau, omwo simbu yange inete yakuvanyanyamesa.

Njelemiya 50:24

Mbambilone, yove wanjilwisile, ololo njinakukwata mu mweto uje njakutelelele, nameme kuwauzivukile.

Njelemiya 50:27

Tsiyeni mashwalale va Mbambilone voshe! Vatsiyeni! Vanu va ku Mbambilone vanavindama! Simbu yavo yakuvanyanyamesa inete!”

Njelemiya 51:18

Tumponya twapwa twangoco, co vanapandele kutuyeluwisa, omo Shukulu Kalunga akaija, tumponya twoshe vakatunyongesa.

Njelemiya 8:12

Yeni vanu vange, kuma kumwazivile shwamwa, omwo mwalingile vyuma vije vya vunyengwe ndi? Embwe, Kumwazivile shwamwa, omwo kumwesi kuziva shwamwa. Omo njikaminyanyamesa mukawa ngwe muvanau vakweni, co mukanyonga. Yange Kalunga, njinendekamo.

Mbimbi 3:47

Tunakala mu tuyando twakama nakunyonga, co tulinakuyoya mu vushonde na mu lyova.

Hoziya 9:7

Simbu yakunyanyamesa inete, simbu ije omo vanu vakatambula vije vinavapande. Omo cuma eci cikalingiwa, Isalele vakacizivuka! Mulinakwendeka ngweni, “Ou muka-kwimanena napu cikolokomba. Munalume ou wa Njambi nazaluka.” Yeni vanu mwanjizinda manene omwo vuvi vweni vunapu vwavungi manene.

Amose 5:19

Likapwa ngwe munu atewa ndumba, co aliwana lalo na mbeya! Nambe ngwe munu aija ku njuvo yendi, co aaka livoko lyendi a civumbe, co aje vene ashumiwa ku linyoka!

Mika 7:4

Nameme vana vavavwa vakwononoka manene, oloni vanapu ngwe shaku yangoco. Litangwa likaija omo Njambi akanyanyamesa vanu, ngwe muje mwavanangwile ali vaka-kunyunga vavo vaka-kwimanena. Co ololo vali mu citanga.