Njelemiya 48:3 - Livulu lya Shukulu Kalunga

³ Vanu va ku Holonaime valinakutambeka mitambi ya kuuya-uya nakunyonga.

Njelemiya 48:3 Iomraidhean Croise

Isaya 15:2

Vanu va ku Ndimboni vanalamata a lilundu kukalilila ku tuzangu twavo. Vanu va ku Mowavi valilila vinganda vya Nembo na Mendeva, vanateula mitwe yavo na minjezi yavo mukumwesa kuviilila kwavo.

Isaya 15:5

Mbunge yange ilinakulinyenga a Mowavi! Vanu vamwo vanatewela ku membo a Zowale, na ku Engelate Shelishiya. Vamo vanalamata ku tapalo ya ku Luhite, valinakulila oku vaya, vamo vanakavanda ku Holonaime, nakulila manene.

Isaya 15:8

Ku vinginga vyoshe vya Mowavi valinakuziva mutambi wakulila. Valinakuuziva mu vinganda vya ku Engelaime na ku Mbelelime.

Isaya 22:4

Ngecivene, njisezeni ange lika njilile manene vanu vange voshe vaje vanatsi. Kesi munjizembeleke embwe.

Njelemiya 20:16

Apwe ngwe vinganda vije vyanyongesele Shukulu Kalunga, kwonwa kuvizivilako mema ku mbunge. Azive mutambi wa kuuya-uya ku simbu ya mutondo na mutambi wa nzita ku simbu ya mutanya,

Njelemiya 47:2

Wendekele ngwendi, “Kenga, mema alinakukatuka ku kunto, akapwa ngwe ndonga yakujalela. Akakupula lifuti na vyoshe vilimo, na vinganda na vanu vaje valinakukalamo. Vanu vakatambeka ngeci vavakwase, voshe vaje vakala mu lifuti vakatendeka manene.

Njelemiya 48:34

“Vanu va ku Heshevone na Elyale valinakulila, co mutambi wavo vanauzivi ku Njahaze, vanauzivi vanu va ku Zowale, co lalo vanauzivi na ku Holonaime na ku Engelate Shelishiya. Nameme muna ndonga Nimelime nomu cau.

Njelemiya 48:4

“Mowavi inanyongo, tolilileni vanike omo valinakulila.

Njelemiya 48:5

Ziveni muyoyo wakusikoka kwavo, omo valinakuya ku Luhite, vakendeka a tuyando, omo vaya ku nganda ya Holonaime.

Njelemiya 51:54

Shukulu Kalunga alinakwendeka ngwendi, “Tolilileni mbimbi yakulila mu Mbambilone, kulila kwakunyongesa mu lifuti.