Njelemiya 48:26 - Livulu lya Shukulu Kalunga

²⁶ Shukulu Kalunga wendekele ngwendi, “Pendeseni Mowavi omwo yanjitengulukila nakunjilwisa. Mowavi akalyalanga a vishanjo vyendi, co vanu vakamujola.

Njelemiya 48:26 Iomraidhean Croise

Yombi 15:25

“Eci cinapu ngeci omwo ikeye nolola livoko lyendi mukulwisa Njambi, nakushendumuna Muka-nzili yoshe.

Yombi 9:4

Njambi muka-mana na nzili, munu naumo wai emana nakumulwisa.

Myaso 2:4

Shukulu Kalunga uje wakala mwilu akavajola nakuvashendumuna.

Myaso 59:8

Oloni yove Shukulu Kalunga ukavajola, ukashendumuna vaka-kujeneka kukukulaela!

Myaso 60:3

Unayandesesa manene vanu vove, unatunwisa vwala vwakutupelyangesa.

Myaso 75:8

Mu livoko lya Shukulu Kalunga muli nganja inashulu na vinyu vya vukalu vwendi, akavitila asi, co vaka-vuvi voshe vakavinwa nakuvimanesa.

Kutuuka 5:2

Oloni mwene wavakumbulwile ngwendi, “Shukulu Kalunga ikeye iyajo owo njimutolilile, ngeci njitave vaIsalele kuya? Yange kunjimuzivuka owo Shukulu Kalunga, co kunjitava ngeci vaIsalele vaye.”

Kutuuka 9:17

Nameme ngoco anga ucilyalesa nakuvyana kwecela vanu vange vaye.

Isaya 10:15

Oloni Shukulu Kalunga endeka ngwendi, “Kuma njaviti yasa kukala na nzili kutuvakana uje munu alinakuyipangesa ndi? Kuma saha yasa kupwa ya vulemu kutuvakana munu uje alinakuyisaesa ndi? Mulamu kuwesi kujundula munu, oloni munu ikeye akajundula mulamu.”

Isaya 19:14

Shukulu Kalunga naaka muli vakevo munzinzime wakuvatanganesa. Vantwama va Ingito vanalingisa lifuti eli ngeci lipelyangele nakulishanjela ngwe muka-kupenda.

Isaya 28:8

Vimesa vyavo vyoshe vinashulu vishanjo na mazilo, kukwesi mutambela unasalao wai wakwonwa mazilo.

Isaya 29:9

Komokeni nakukasama! Lipwiseni vupuputwa kumona! Pendeni oloni kesi na vinyu! Pelyangeleni oloni kesi na vwala vwakulula!

Isaya 51:17

Yelusalema, induka! Katuka wimane! Unanu mu nganja ya vukalu vwa Shukulu Kalunga wainwile nakuyimanesa, co wapelyangelele.

Isaya 63:6

Mu vukalu vwange njalyatangelele miyati ya vanu voshe nakuvatsena. Njetilile maninga avo asi oshe.”

Njelemiya 48:39

Mowavi yasanyozoka! Lileni! Mowavi vanaizivisa shwamwa. Inaviya, co miyati yoshe ya vanu vaje vanazengeleka Mowavi vakashendumuna Mowavi. Yange Kalunga, njinendekamo.”

Njelemiya 48:42

Mowavi ikanyonga, co kakapu lalo muyati wa vanu, omwo nanjitengulukila nakunjilwisa.

Njelemiya 50:29

Saneni vaka-mata a lusipa valwise Mbambilone. Voshe vaje vazivuka kupangesa vuta vwa lusipa na mukili. Zengelekeni nganda, kesi mutave umo aputumukemo, ilingeni mwamuvi ku vije vyoshe vyalingile, co ipangeseni ngwe muyapangesele vakwavo, omwo yalingile na kulyalesa ku mesho ange, muka-kujela wa Isalele.

Njelemiya 51:39

Vali na nuna ndi? Njikavavwaesela ciwano nakuvapendesa nakuvavwaelelesa. Vakalala, co kuvakenduka lalo.

Njelemiya 51:57

Njikapendesa vaka-kushwana vamwo, na vanalume va mana, na vantwama, na mashwalale. Vakalala, co kuvakenduka lalo. Yange mwene, njinendekamo, yange Kalunga Muka-nzili yoshe.

Njelemiya 51:7

Mbambilone yapwile ngwe nganja ya ngolinde mu livoko lyange, kupendesa miyati yoshe. Miyati vanwile vinyu vyayo, co vapendele.

Mbimbi 1:21

“Vanu vazivile kukemanga kwange, oloni naumo wai wanjizembelekele. Vitozi vange voshe vanavwaelela omo yove unanena tuyando ali yange. Nena vwasi litangwa lije liwakulaesele, yandesa vitozi vange ngwe munjilinakuyanda yange.

Mbimbi 3:15

Wanjisindiiye kunwa vyakulula nakunjilisa vyakulya na vyakunwa vyakulula.

Mbimbi 4:21

Yeni vanu va Endome na Uze, joleleni, vwaeleleni mwoshe mumunashakela. Neni lalo tuyando tweni tulinakwija, neni lalo mukapelyangela mushelengwa na shwamwa.

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Ndanyele 8:10

Co yakolele manene na nzili yasele kulwisa mbunga ya nzita ya mwilu, vikevyo vingongonosi vene, co yawisilile vimo asi, co yavilyatangelele.

Nahumi 3:11

Nenevayi, nove lalo ukapwa mukupenda! Nove lalo ukavomboloka ku vitozi vove.

Hambakuke 2:16

Neni lalo mukaziva shwamwa nakujeneka kasingimiko. Neni vene mukanwa nakupelyangela. Shukulu Kalunga akaminwisa mu nganja yeni ya cihiso, co kasingimiko keni kakapwa shwamwa.

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

Kujombolola 16:19

Nganda yakama yatavozokele mu vimbazuvwila vitatu, co vinganda vya mu mafuti oshe vyanyongele. Co Njambi wanukile Mbambilone yakama, co wainwisile vinyu vya mu nganja yendi, vinyu vya vukalu vwendi.