Njelemiya 48:2 - Livulu lya Shukulu Kalunga

² vanu kuvashangazala lalo Mowavi, vitozi vanafungulula Heshevone, co vayongola kunyongesa muyati wa Mowavi. Nganda ya Mandemene ikoloka kuluu, mbunga ya mashwalale vakailwisa.

Njelemiya 48:2 Iomraidhean Croise

Isaya 15:1

Awa akewo majwi aa lifuti lya Mowavi. Vinganda vya Ale na Kile vikanyonga vutsiki vumo, co kwoloka kukakala mu lifuti lya Mowavi mwoshe.

Isaya 15:5

Mbunge yange ilinakulinyenga a Mowavi! Vanu vamwo vanatewela ku membo a Zowale, na ku Engelate Shelishiya. Vamo vanalamata ku tapalo ya ku Luhite, valinakulila oku vaya, vamo vanakavanda ku Holonaime, nakulila manene.

Isaya 16:14

Co Shukulu Kalunga nendeka ngwendi, “Mwa vushunga vene a myaka itatu vufuko vwavungi vwa Mowavi vukahwa. Akati ka vanu vamwo vavangi, vavandondo lika vakasalao, vakapwa va seo.”

Isaya 25:10

Shukulu Kalunga akanyunga Munkinda wa Siyone, oloni vanu va Mowavi vakavalyatangela ngwe muje vakalyatangela vishati ngeci vipwe vwilo.

Njelemiya 25:15

Shukulu Kalunga, Njambi ya Isalele, wendekele kuli yange ngwendi, “Nganja ya vinyu eyi inashulu na vukalu vwange. Itwale kuli voshe vaje kesi vaYunda kuje njikakutuma, co vanwiseyo.

Njelemiya 25:17

Njatambwile ije nganja mu livoko lya Shukulu Kalunga, njayanene kuli vaje kesi vaYunda kuje Shukulu Kalunga wanjitumine, co njavanwisileyo.

Njelemiya 31:36

Ikeye nakulaesa ngwendi, kakevala kwana mashiko, co Isalele vakapwa muyati ku myaka yoshe.

Njelemiya 33:24

“Wazivuka ngeci vanu valinakwendeka ngwavo yange njinavyana Isalele na Yunda, vinaanga vivali vije njaangwile? Co valinakukenga vanu vange na kayengu, nakuvayongola ngwe kesi muyati.

Njelemiya 46:28

Njikaija kuli yeni nakumyamena, njikanyongesa miyati yoshe ya vanu kuje kunjamishandwelele, oloni yeni kunjikaminyongesa embwe. Njikamyecela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 48:17

“Lileni muyati wa Mowavi, yeni miyati ya vanu muli kuyehi, yeni voshe mwazivuka lutsimo lwawo. Endekeni ngweni, ‘Vatijo vanapokola nzili ya vushwana vwa Mowavi? Oloni ololo vumpau vwendi na nzili yendi vanavinyongesa.’

Njelemiya 48:42

Mowavi ikanyonga, co kakapu lalo muyati wa vanu, omwo nanjitengulukila nakunjilwisa.

Njelemiya 48:45

Vaka-kwija vakuzeya vakavanyungila mu Heshevone, nganda ije yashwanene laja Mwene Sihone, oloni inashwama na milangi ya tuhya. Tuhya tuje tunenyeka vimpaka na minkinda yailaja ya vanu va ku Mowavi vaje vazema nzita.

Njelemiya 49:3

Vanu va ka Heshevone, lileni manene! Nganda ya Ai inanyongo! Vanakazi va mu Lamba, lileni! Zaleni vikeleya nakulila. Shatozokeni mu kuuya-uya, omwo njambi yeni Moleki vakamutwala mu vunzinda amolika na vaka-kukombelela vendi na vamyata.

Njelemiya 49:37

Njikazivisa vanu va Elame lyova lyakutewa vitozi vavo, vaje vashaka kuvatsiya. Akuluvala kwange kwakama njikanyongesa vanu va Elame, nakutuma mbunga ya mashwalale vakuvalwisa noo njinavamanesa voshe.

Kulava 32:37

Vanu va Luvena vatungulwile Heshevone, na Elyale, na Kilyataime,