Njelemiya 46:6 - Livulu lya Shukulu Kalunga

⁶ Vaka-lumbisi kuvasa kuputumuka, na mashwalale kuvasa kutewa. Ku kunto ku Ndonga ya Yufuleti, vatanozoka nakuwa.

Njelemiya 46:6 Iomraidhean Croise

2 Vimyene 23:29

Omo Yosiya wapwile Mwene, co Mwene Neko wa ku Ingito watwamenenene mbunga ya mashwalale ku Ndonga ya Yufuleti nakukwasa mwene wa Asilya. Mwene Yosiya wesekele kuvindika ije mbunga ya mashwalale vaIngito ku Mengindo, co vamutsiilile mu nzita.

2 Vimyene 24:7

Co mwene wa Ingito na mbunga yendi ya mashwalale kuvatundile lalo mu Ingito, omwo mwene wa Mbambilone washwanene mutambela woshe uje wakundamene ku Ingito, kushangumukila ku Ndonga ya Yufuleti kutwala ku nginga ya ku kunto ya Ingito.

Myaso 27:2

Omo vaka-vuvi vaija kuli yange nakunjilwisa, co vatanuka nakuwa.

Muka-kwambulula 9:11

Njanangukile cuma cikwavo lalo ngeci muno mu kaye, vaka-kushatuka manene kuvesi kuhyana kushatuka simbu yoshe, co vaka-kusimpa kuvesi kuhyana nzita simbu yoshe, co vaka-mana kuvesi kuwana vufuko simbu yoshe, na vaka-vutongwe kuvesi kuwana vitumbamo vyakama simbu yoshe. Luvinda lukaija ku munu woshe-iwoshe.

Isaya 8:15

Vavangi vakatanuka, vakawa nakutsenuka. Co vakavafungulula nakuvakokela kulyala.”

Njelemiya 1:14

Co wendekele kuli yange ngwendi, “Tuyando tukatundilila ku kunto tukaija ali vanu voshe vaje vakala mu lifuti eli,

Njelemiya 20:11

Oloni yove Shukulu Kalunga, uli amo nange kupwa muka-nzili na muka-kujujwisa, voshe vaje vanjipakesa vakonwa. Vakaziva shwamwa ku myaka yoshe omwo kuvakahyana embwe.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 4:6

Junduleni pandelo muleke vanu vaye ku Siyone! Yeni mukavande! Kesi mwishwale embwe! Shukulu Kalunga alinakunena tuyando twakama, nakunyongesa kwakama kutunda ku kunto.

Njelemiya 46:10

Eli likelyo litangwa lya Shukulu Kalunga wa Akamwa ya Vyoshe Muka-nzili yoshe, litangwa lya lelo akalinga shambandinga, litangwa lya lelo akanyanyamesa vitozi vendi. Mukwale wendi ukavatapa, nakunwa maninga ngwe munu. Litangwa lya lelo Shukulu Kalunga Muka-nzili yoshe akombelela n̄ombelo ya shambandinga ku kunto, ku Ndonga ya Yufuleti.

Njelemiya 46:12

Miyati ya vanu vanazivi shwamwa yeni, vanu voshe vanazivi kulila kweni. Mashwalale vanatanuka ali umo na mukwavo, co voshe vanawila asi.

Njelemiya 46:16

Mashwalale veni vanatanuka ali umo na mukwavo ngeci vanau, co valyendekesa umo na mukwavo ngwavo, ‘Induka! Tutewele ku lifuti lyetu, tuputumuke ku mukwale wa citozi!’

Njelemiya 50:32

Muyati wove wa kulyalesa ukatanuka nakuwa, naumo wai akakwindula. Co njikashwameka tuhya a vinganda vyove, co vyuma vyoshe vyazengelekako vikanyonga.”

Njelemiya 6:1

Vanu va Mbenjemani, teweni ngeci mwovoke! Teweni mutunde mu Yelusalema! Imbeni vimbendo mu Tekowa, co imikeni cimweso ca tuhya mu Mbete Hakeleme. Tuyando twakama nakunyonga vilinakwija kutunda ku kunto.

Ndanyele 11:19

Co mwene akeluka ku vimpaka vya mu lifuti lyendi, oloni vakamufungulula, co oku kukapwa mamaneselelo endi.

Ndanyele 11:22

Woshe akamuyeluwisa nameme vene Muka-kukombelela Wakama wa Njambi vakamunyongesa.