Njelemiya 46:5 - Livulu lya Shukulu Kalunga

⁵ Shukulu Kalunga alinakwihula ngwendi, “Vika vije vinjamono? Mashwalale vavo vanavafungulula, lyova linavakwata, co valinakutewa lumbisi manene, kuvasa kukenga kunima lalo.

Njelemiya 46:5 Iomraidhean Croise

Kushangumuka 19:17

Asinoni kangelo umo wendekele ngwendi, “Teweni mwamene myonyo yeni! Kesi mukenge kunima nambe kwimana mu cimbongo! Teweleni ku malundu ngeci mukayoyeleko!”

Isaya 13:8

Vanu voshe vakalijujukila, vakakemanga ngwe munakazi akita mwana. Vakalikenga shwii umo na umo na lyova, co vihanga vyavo vikakala na shwamwa.

Isaya 19:16

Omo Shukulu Kalunga Muka-nzili yoshe akolola livoko lyendi lya nzili mukuhisa Ingito, vaka-Ingito vakazeya manene-nene nakulijajela na lyova.

Isaya 42:17

Voshe vaje valemesa tumponya, kuvapwisa vinjambi vavo, vakavelwisa munima nakuvazivisa shwamwa!”

Isaya 5:25

Shukulu Kalunga naluvala na vanu vendi, co nolola livoko lyendi nakuvahisa. Minkinda ikajaja, co mivila ya vanu va kutsa ikalala mu vitapalo ngwe vyuma vya mazilo. Nameme ngoco, vukalu vwa Shukulu Kalunga kuvukahwilao embwe, oloni anga akolola livoko lyendi mukuvahisa.

Njelemiya 20:10

Njinazivi vanu vavangi vanjifweya ngwavo, “Kwoshe-ikwoshe kuli munjunju! Tumwambululeni ku vaka-kushwana!” Nameme vene vasamba vange va a mbunge vanavandamena ngeci njiwe. Vendeka ngwavo, “Amo twasa kumukwisa ngeci tumukwate tumulinge shambandinga.”

Njelemiya 46:15

Omo vikajo Apise njambi yeni muka-nzili nau? Shukulu Kalunga namuwisila asi!’

Njelemiya 46:21

Nameme mashwalale vayo vakukumuna kuvesi na seo yai, vanafu ngwe vana va vingombe. Kuvasele kwimana nakulwa omo litangwa lya tuyando twakama lyetele, voshe vakengeseleko nima nakutewa, simbu yavo yakuvanyanyamesa inete.

Njelemiya 49:29

Ambateni vimbalaka vyavo, na matanga avo a vimanga, na mavamba a mbalaka, na vyuma vyoshe vili mu vimbalaka vyavo. Ambateni na tumelo twavo, lekeni vanu ngweni, ‘Cova-ova cinamizengeleka!’

Njelemiya 49:5

Co njikamizivisa lyova kuli vaje voshe vanamizengeleka noku-noku. Muvavoshe mukatewela kulyala. Co munu na munu akatewesa mwonyo wendi, co kukwesi umo lalo wa ali yeni akakungulwila amolika vaje vanaputumukao.

Njelemiya 6:25

Kesi mutuuke nakuya ku mahya nambe kwenda mu vingila, omwo vitozi vali na vitwa, co vushonde vuli kwoshe-ikwoshe.”

Ezekiyele 32:10

Vije vinjikalinga kuli yove vikakomokesa miyati yaingi. Omo njikahwingisa mukwale wange, co vimyene vakalijujukila manene. A litangwa lije ukawa, voshe vakajaja na lyova omwo myonyo yavo vavenya.”

Ezekiyele 39:18

Vakalya situ ya mashwalale nakunwa maninga a vaka-kushwana va ano asi, voshe vakavatsiya ngwe majamba a vimanga, nambe ngwe vana va vimanga, nambe ngwe vimembe, nambe ngwe vingombe vakununa.

Nahumi 2:8

Vanu vatunda vwasi mu nganda ya Nenevayi ngwe mema atunda mu lishali lyakusita omo linatuvika! Co mutambi ngwawo, “Imaneni! Imaneni!” Oloni naumo wai atenguluka.

Nahumi 2:9

Pukuleni siliva! Pukuleni ngolinde! Nganda inashulu na vufuko!

Zefaniya 1:14

Litangwa lije omo Shukulu Kalunga akasompa vanu lili muyehi-yehi, lilinakwija vwasi-vwasi! Litangwa lije likapwa lya vusiwa manene, nameme mashwalale vakusimpa vakalila nakutendeka cinyangavili cakutambula vukwasi!