Njelemiya 46:28 - Livulu lya Shukulu Kalunga

²⁸ Njikaija kuli yeni nakumyamena, njikanyongesa miyati yoshe ya vanu kuje kunjamishandwelele, oloni yeni kunjikaminyongesa embwe. Njikamyecela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 46:28 Iomraidhean Croise

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 46:7

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Isaya 27:7

Shukulu Kalunga kahisile manene Isalele ngwe muje mwahisile vitozi vavo, nambe kuvatsiya manene ngwe muje mwatsiile vitozi vavo embwe.

Isaya 27:9

Oloni vuvi vwa Isalele vakavusambesa lika omo mamanya a mitula ya vaka-kujeneka kukulaela vakaatwa ngwe memba, co kukukakala lalo mitula ya insense nambe vimweso vya Ashela njambi wa munakazi.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 43:2

Omo ukaita mu mema akulova, njikakala nove, kuwakakuzuvika embwe. Omo ukaita akati ka tuhya, kuukenye embwe, vyeseko vyakama vije vikaija ali yove, kuvikakuvulumuna.

Isaya 44:1

Shukulu Kalunga alinakwendeka ngwendi, “Tolilila ololo Isalele, ngamba yange, vanu vange vakwangula, vatekulwila va Yakomba.

Isaya 45:23

Cikulaeso cange capwa ca vushunga, kucikatenguluka embwe. Njalikumiiya omwo yange njapwa munjapwa ngwange, munu woshe akaija nakutsikama ku mesho ange, co akalisinga kupwa wa kulongwa kuli yange.

Njelemiya 1:19

Vakevo vakakulwisa, oloni kuvakakufungulula, omwo yange njikakala nove nakukunyunga. Yange Kalunga, njinendekamo.”

Njelemiya 10:24

Njilongese yove Shukulu Kalunga oloni kesi na vukalu vwove embwe, kutewa njikanyonga.

Njelemiya 15:20

Njikakupwisa ngwe cimpaka cakukola manene ca vunengu kuli vanu ava. Vakevo vakakulwisa, oloni kuvakakufungulula embwe. Yange njikakala amo nove nakukunyunga mwamuvwa.

Njelemiya 23:4

Njikemika vaka-kushwana ngeci vavanyunge. Vanu vange kuvakazivi lalo lyova nambe kutewa, co naumo wai akazimbalao lalo. Yange Kalunga, njinendekamo.”

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 30:10

Yeni vanu vange, kesi muzive lyova, yeni vanu va Isalele kesi mujaje embwe. Njikamyovola ku lifuti lije lya kulyala, ku lifuti lije ku muli mu vunzinda. Mukeluka kwimbo, co mukayoya mu kwoloka, mukakala mwamuvwa, naumo wai akamizivisa lyova.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 4:27

(Shukulu Kalunga nendeka ngwendi kaye koshe kakapwa mambo, oloni kukakanyongo embwe.)

Njelemiya 5:10

Njikatuma vitozi vakashinja vitungu vya mikolovozi ya vushuka vwa vinyu ya vanu vange, oloni kuvakainyongesa yoshe, njikavaleka ngeci vajokoleko minango, omwo kesi vanu vange embwe.

Njelemiya 5:18

Shukulu Kalunga alinakwendeka ngwendi, “Nameme ngoco, a matangwa aje kunjikanyongeselela muyati wa vanu vange embwe.

Njelemiya 51:46

Kesi mujujuke nambe kukala na lyova, omwo a lingwavo limulinakuziva. A mwaka na mwaka kuvanga kukale lingwavo lyakuliseza-seza, lingwavo lyakulitsiya mu lifuti, na lingwavo lya mwene umo kulwisa mwene mukwavo.

Ndanyele 2:35

A simbu imolika cije cikuvo, na vuma, na vunengu, na siliva, na ngolinde, vyoshe vyavujukile. Co vyapwile ngwe lijungu lya a lijungwilo lya tiliku a simbu yakumanesa kuteja vimbuto. Co lihunzi lyavipekumwine vyoshe, co naa avyakele ai. Oloni lije limanya lyapupile kamponya lyapwile munkinda wakama uje wafwikile kaye koshe.

Hambakuke 3:2

Yove Shukulu Kalunga, njazivi lutsimo lwavije walingile, co njinazivi lyova. Linga lalo vyuma vije vyakama viwalingile. Kala na mema ku mbunge nameme uluvala.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Vilinga vya Miluwa 18:10

omwo njili amo nove. Co naumo wai asa kukuvulumuna, omwo vanu njili na vavangi mu nganda eyi.”

1 Kolinte 11:32

Oloni Mwene alinakutuhisa nakutunyanyamesa, ngeci kesi vakatuhise amo na vaka-kaye.

2 Timateo 4:17

Oloni Mwene wakele amo nange nakunjitakamesa ngeci njasele kwambulula lijwi lyamutunu kuli vaje kesi vaYunda voshe ngeci vazive, co nange lalo vanjiputumwisile ku kutsa.

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.