Njelemiya 46:26 - Livulu lya Shukulu Kalunga

²⁶ nakuvakundika ku mavoko a vaje vashaka kuvatsiya, kuli Mwene Nevukaneza wa Mbambilone na ku mbunga ya mashwalale vendi. Oloni kulutwe, vanu vakakala lalo mu Ingito, ngwe muje muvakelemo laja ku visimbu vya kunima. Yange Kalunga, njinendekamo.”

Njelemiya 46:26 Iomraidhean Croise

Isaya 19:4

Njikana vaka-Ingito ku mavoko a mwene wa vukalu na muuka, Yange Kalunga Muka-nzili yoshe, njinendekamo.”

Njelemiya 44:30

Njikakundika Mwene Hofela wa Ingito mu mavoko a vitozi vendi vaje vashaka kumutsiya, ngwe munjakundikile Mwene Zendekiya wa mu Yunda mu mavoko a Mwene Nevukaneza wa Mbambilone, uje wapwile citozi cendi, co washakele kumutsiya.”

Njelemiya 48:47

Oloni ku matangwa a kulutwe, Shukulu Kalunga akavwaesa lalo Mowavi. Vyoshe evi vyanendeka Shukulu Kalunga, vikalingiwa ku Mowavi.

Njelemiya 49:39

Oloni kulutwe njikavezikisa lalo vanu va Elame. Yange Kalunga, njinendekamo.”

Ezekiyele 32:11

Shukulu Kalunga wa Akamwa ya Vyoshe alinakwendeka kuli mwene wa Ingito ngwendi, “Mukwale wa mwene wa ku Mbambilone ukaija kuli yove nakukulwisa.

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.