Njelemiya 46:21 - Livulu lya Shukulu Kalunga

²¹ Nameme mashwalale vayo vakukumuna kuvesi na seo yai, vanafu ngwe vana va vingombe. Kuvasele kwimana nakulwa omo litangwa lya tuyando twakama lyetele, voshe vakengeseleko nima nakutewa, simbu yavo yakuvanyanyamesa inete.

Njelemiya 46:21 Iomraidhean Croise

2 Samwele 10:6

Omo vaAmoni vanangukile ngeci Ndaviti napu citozi cavo, co vakumwine mashwalale va vaSilya 22,000 va ku Mbetelehove, na Zova, amo na vanalume 12,000 va ku Tove, co mwene wa ku Maka wezile na vanu vendi 1,000.

2 Vimyene 7:6

Shukulu Kalunga wazivisile vaSilya cililimo cakufwa ngwe ca mashwalale vavangi vaija na tuvalu na matemba, co vaSilya vayongwele ngeci mwene wa mu Isalele nakumuna mwene wa vaHiti na mwene wa Ingito na mashwalale vavo mukuvalwisa.

Myaso 37:13

Oloni Shukulu Kalunga akajolo vaka-vuvi, omwo nazivuka ngeci kasimbu kakandondo lika vakanyonga.

Visimo 15:17

Mwamuvwa kulisa visapa-sapa ku njuvo kuje kuli cizemo, kutuvakana kulisa situ ya mazi ku njuvo kuje kuli cizindo.

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Isaya 34:7

Vanu vakawa ngwe vampakasha na vana va vingombe, co asi akavenga na maninga nakushula na mazi.

Njelemiya 18:17

Njikashandwela vanu vange kulutwe lwa vitozi vavo, ngwe lihunzi lya mu ngangela. Njikavakengesa nima, kunjikavakwasa omo tuyando twakama twija ali vakevo.”

Njelemiya 46:22

Ingito ilinakutewa, ilinakulinga muyoyo ngwe linyoka alinakutewa, omo mbunga ya mashwalale vavangi valinakwija. Vamulwise na vinjaviti ngwe vanu valinakushinja miti,

Njelemiya 46:5

Shukulu Kalunga alinakwihula ngwendi, “Vika vije vinjamono? Mashwalale vavo vanavafungulula, lyova linavakwata, co valinakutewa lumbisi manene, kuvasa kukenga kunima lalo.

Njelemiya 46:9

Shikeni tuvalu vaye, na matemba vaakoke! Co tumeni mashwalale, vanalume vakutunda ku Sundane na ku Limbiya, vambate vintelo, na vanalume vaka-vutongwe vwa mata a lusipa vakutunda ku Lindiya.”

Njelemiya 48:44

Woshe atewa omwo lyova, akawila mu citeke, co woshe uje akatuuka mu citeke, akatsa mu mweto, omwo Shukulu Kalunga nemika simbu ya tuyando twa Mowavi.

Njelemiya 49:8

Vanu va mu Ndendane tengulukeni nakutewa. Vandeni! Njikanyongesa vatekulwila va Isau, omwo simbu yange inete yakuvanyanyamesa.

Njelemiya 50:11

Shukulu Kalunga alinakwendeka ngwendi, “Vanu va Mbambilone, yeni mwapukwile vanu vange. Yeni munavwaelela nakujolela, mulinakwendangana ngwe ngombe wa lwavo alinakujungula vimbuto, nambe ngwe kavalu alinakwoya,

Njelemiya 50:27

Tsiyeni mashwalale va Mbambilone voshe! Vatsiyeni! Vanu va ku Mbambilone vanavindama! Simbu yavo yakuvanyanyamesa inete!”

Ezekiyele 30:22

Ngecivene, ololo, evi vikevyo yange Kalunga wa Akamwa ya Vyoshe njilinakwendeka ngwange, ‘Njinapu nji citozi ca mwene wa Ingito. Njikapokola mavoko endi oshe avali, lije lyalivwa na lije likwavo lyapokokele laja, co mukwale ukawa mu livoko lyendi.

Ezekiyele 35:5

“Mwapwile citozi ca Isalele ku myaka yoshe, nakutava ngeci vanu vendi vavatsiye ku simbu yendi ya tuyando twakama, a simbu yakunyanyamesa kwendi kwakumaneselela omwo vuvi vwendi.

Hoziya 9:7

Simbu yakunyanyamesa inete, simbu ije omo vanu vakatambula vije vinavapande. Omo cuma eci cikalingiwa, Isalele vakacizivuka! Mulinakwendeka ngweni, “Ou muka-kwimanena napu cikolokomba. Munalume ou wa Njambi nazaluka.” Yeni vanu mwanjizinda manene omwo vuvi vweni vunapu vwavungi manene.

Amose 6:4

Tuyando tweni yeni mulinakulala a malili akucakeya na mayo a vinjamba, co mulyolola a vulili vweni, mukali situ ya vana va vimanga vavavwa na situ yakununa ya vana va vingombe!

Ovandiya 1:13

Kumwapandele kukovela mu nganda ya vanu vange, nakwambata vufuko vwavo, a litangwa lya tuyando twavo.

Mika 7:4

Nameme vana vavavwa vakwononoka manene, oloni vanapu ngwe shaku yangoco. Litangwa likaija omo Njambi akanyanyamesa vanu, ngwe muje mwavanangwile ali vaka-kunyunga vavo vaka-kwimanena. Co ololo vali mu citanga.

Mateo 22:4

Ngecivene, watumine vangamba vakwavo lalo kuli vaje vavalanyele ngwendi, ‘Kengeni, njavwaesa laja vyakulya vyange, vingombe vange na vimuna vange vakununa vanavatsii laja, co vyuma vyoshe vinavwaa laja. Ijeni ku ciwano ca vulo!’

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.