Njelemiya 46:2 - Livulu lya Shukulu Kalunga

² kushangumukila na vaka-Ingito. Evi vikevyo vyendekele Shukulu Kalunga a mbunga ya mashwalale va Mwene Neko wa Ingito, vaje vaafungulwile Mwene Nevukaneza wa Mbambilone ku Kalekemishe kuyehi na Ndonga ya Yufuleti mu mwaka wamuciwana uje Yehoyakime wapwile mwene wa mu Yunda ngwendi,

Njelemiya 46:2 Iomraidhean Croise

2 Vimyene 18:21

Yove ulinakuyongola ngeci Ingito ikukwasa, oloni eci cinapu ngwe munu apangesa lihongo kupwa mulamu, omo lipokoka, co likulengula mu livoko. Mukemwo mwanafu mwene wa Ingito omo munu ajendamena ali ikeye.”

2 Vimyene 23:29

Omo Yosiya wapwile Mwene, co Mwene Neko wa ku Ingito watwamenenene mbunga ya mashwalale ku Ndonga ya Yufuleti nakukwasa mwene wa Asilya. Mwene Yosiya wesekele kuvindika ije mbunga ya mashwalale vaIngito ku Mengindo, co vamutsiilile mu nzita.

2 Vimyene 23:33

Kushwana kwendi kwahwile omo Mwene Neko wa ku Ingito wamutwalele ku Limbela mu lifuti lya Hamate, nakumupwisa cinzinda, co wafwetesele Yunda mulambu wa makilo 3,400 a siliva, na makilo 34 a ngolinde.

2 Vimyene 24:7

Co mwene wa Ingito na mbunga yendi ya mashwalale kuvatundile lalo mu Ingito, omwo mwene wa Mbambilone washwanene mutambela woshe uje wakundamene ku Ingito, kushangumukila ku Ndonga ya Yufuleti kutwala ku nginga ya ku kunto ya Ingito.

Isaya 10:9

Njafungulwile vinganda vya Kaleno na Kalekemishe, na vinganda vya Hamate na Alepande. Njafungulwile Samaliya na Ndamasiku.

Isaya 19:1

Awa akewo majwi aa Ingito. Shukulu Kalunga aija ku Ingito, nalondo a lishelwa aija lumbisi. Vanu vanazeye omwo lyova. Co tumponya twavo vanalijujukila.

Isaya 19:19

Omo simbu ije iketa, kukakala mutula wa Shukulu Kalunga mu lifuti lya Ingito, co na manda ya limanya vakaikundika kuli ikeye ku nginga ya vaka-Ingito mukusingimika Shukulu Kalunga.

Njelemiya 25:1

Mu mwaka wamuciwana uje Yehoyakime muna Yosiya wapwile mwene wa mu Yunda, njatambwile lijwi lyakutunda kuli Shukulu Kalunga ali vanu va mu Yunda. (Wapwile mwaka wakulivanga uje Nevukaneza wapwile mwene wa Mbambilone.)

Njelemiya 25:19

Ou ukewo mukana wa voshe vaje vanwile mu nganja ije, mwene wa Ingito, na vamyata vendi, na vantwama, vaka-Ingito voshe,

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 36:1

Mu mwaka wamuciwana omo Yehoyakime muna Yosiya wapwile mwene wa mu Yunda, Shukulu Kalunga wendekele kuli yange ngwendi,

Njelemiya 43:11

Nevukaneza akaija nakufungulula Ingito. Co vanu vaje vanavindama kutsa ku mushongo, vakatsa ku mushongo vene, co vaje vanavindama kuvatwala ku vunzinda, vakavatwala vene ku vunzinda, co vaje vanavindama kuvatsiila mu nzita, vakavatsiila vene mu nzita.

Njelemiya 45:1

Mu mwaka wamuciwana uje Yehoyakime muna Yosiya wapwile mwene wa mu Yunda, Mbaluke wasonekele vije vinjendekele kuli ikeye. Asinoni njamulekele ngwange

Njelemiya 46:14

“Ambululeni mu vinganda vya Ingito, na mu Mingendole, na mu Mefise, na mu Tafanehese ngweni, ‘Livwaeseleni cimweja mukulyamena yeni vavenya, vyoshe vije vimuli navyo vikanyongela mu nzita!