Njelemiya 46:17 - Livulu lya Shukulu Kalunga

¹⁷ “Lukeni mwene wa Ingito lizina lyaliha ngweni, ‘Kujokota manene oloni kesi kupanga.’

Njelemiya 46:17 Iomraidhean Croise

1 Vimyene 20:10

Vaje miluwa vaile, co velukile lalo na muzimbu wakutunda kuli Mbenehandande ngwendi, “Njikanena vanu vakupwamo ngeci vakanyongese nganda eyi nakwambata vije vivanaviisa mu mavoko avo. Nga kunjikalingimo, co vinjambi vange vanjitsiye!”

1 Vimyene 20:11

Mwene Ahave wakumbulwile ngwendi, “Lekeni Mwene Mbenehandande ngweni lishwalale wamuvwa akalishasha omo nzita inahu, kesi omo kanda ihwe embwe.”

1 Vimyene 20:18

Mbenehandande washikile ngwendi, “Vakwateni na myonyo yavo kukwesi mulonga nambe vanaija mukulinga nzita nambe mu kwoloka.”

Kutuuka 15:10

Yove Shukulu Kalunga wahuwisile lihunzi lyove, co mema a kalunga avafwikile, vaselyamene ngwe shumbu mu mema akukomokesa.

Kutuuka 15:9

Citozi wendekele ngwendi, ‘Njikavakava, co njikavakwata, njikaangununa vufuko vwavo, co njikambata vyoshe vinjishaka, njikashomona mukwale wange, co njikavanyongesa na livoko lyange.’

Muka-kwambulula 3:1

Vyuma vyoshe vili ano asi vili na simbu yavyo ije yanemika Njambi.

Isaya 31:3

Vaka-Ingito kesi vinjambi embwe, vanapu lika vanu. Co tuvalu twavo vapwa situ lika kesi minzinzime. Omo Shukulu Kalunga amwesa vukalu vwendi, co anyongesa vaka-Ingito na voshe vaje vajendamenene ali vakevo. Co voshe vakanyonga.

Ezekiyele 29:3

Leka mwene wa Ingito ngwove evi vikevyo vyalinakwendeka Shukulu Kalunga wa Akamwa ya Vyoshe ngwendi, ‘Yange nji citozi cove, yove cikashama ngandu, walala mu ndonga. Wendeka ngwove Nailo yapwa yove, co waipangele.

Ezekiyele 31:18

“Muti unapu mwene wa Ingito na vanu vendi voshe. Kukwesi miti ya mu Endeni yapwile yailaja ngacije na vuvwa. Oloni ololo, ngwe ku cifwa ca miti ya Endeni, muti ou ukashelumukila ku vukalo vwa vatsi, nakulipandakana na vaje vaka-kujeneka kukulaela, na vaje vatsiilile mu nzita. Munjinendeka yange Kalunga wa Akamwa ya Vyoshe.”