Njelemiya 46:11 - Livulu lya Shukulu Kalunga

¹¹ Vanu vaka-Ingito, yeni ku Ngilyande nakushakezeka vumbanda! Vumbanda vweni vwoshe kuvwesi na seo, nacimo cai casa kumikangwisa.

Njelemiya 46:11 Iomraidhean Croise

Kushangumuka 37:25

Omo vatumbamene nakulya, vandwile mesho avo, co vamwene cendo ca vaIshimaela valinakwita vatunda ku Ngilyande vaya ku Ingito na tumelo twavo, vambatele vyemba vyakunika lwengo na kenya.

Kushangumuka 43:11

Asinoni ishavo wendekele kuli vakevo ngwendi, “Nga eci cinapu ngoconi, co mwamuvwa lingeni ngeci ambateleni owo munalume vushuka vwavuvwa vwa mu lifuti lino mu vinjeke vyeni ngeci mutwale vwana kuli mwata wakama. Ambateni kenya imo, na vuki vumo, na vyemba vyakunika lwengo lwaluvwa, na micuku-cuku.

Isaya 47:1

Shukulu Kalunga alinakwendeka ngwendi, “Mbambilone, shuluka a litanda lyove, co tumbama asi mu livu. Laja wapwile u mumbanda, nganda ije kuvasele kufungulula, oloni kuwesi lalo na cikonde cacivwa cakuvotsiya, ololo unapu u ndungo!

Njelemiya 14:17

Shukulu Kalunga wanjishikile ngeci njileke vanu ngwange Shukulu Kalunga nendeka ngwendi, “Mesho ange alinakuyengela misozi mutanya na vutsiki, kunjilikele kulila, omwo vanu vange vanavetwa manene, co vanavulumuka mwamuvi.

Njelemiya 31:21

Aka vimweso, twa vipalo mu ngila, co wana ngila ije iwaililile. Ilukeni, yeni vanu va Isalele, ilukeni kwimbo ku vinganda vije mwasezele.

Njelemiya 31:4

Co lalo njikakala neni, co lalo mukambata tumbulumbumba tweni nakukina nakujolela manene.

Njelemiya 51:8

Vwasi-vwasi Mbambilone inau nakuyinyongesa! Yeni vaka-kwija lileni Mbambilone! Ishakezekeleni vumbanda vwa vimbandu vyayo amo yasa kukanguka.

Njelemiya 8:22

Nga mu Ngilyande mwakele vyemba, nambe nga mwakele vimbanda, omwo vikajo vanu vange kuvakangukile?

Ezekiyele 27:17

Yunda na Isalele valandakanene vufuko vwove na tiliku, na vuki, na mazi a olive, na n̄undu.

Mika 1:9

Vimbandu vya vaka-Samaliya kuvasa kuvisaka. Yunda na ikeye ashaka kuvinja vimbandu vyakulifwa, tuyando tunete laja mu vikolo vya Yelusalema, kuje kuvakala vanu vange.”

Nahumi 3:19

Kukwesi cemba cakukwita a vimbandu vyove caiko, co lalo naumo wai asa kusaka vimbandu vyove. Vaje voshe vaziva muzimbu wakunyonga kwove vajolela nakutwa tuwelele. Naumo wai waputumukile ku muuka wove.

Mateo 5:26

Mwa vushunga njikuleka ngwange, kuukatundumo kuvanga unafwete vimbongo kumanesa mulonga wove.