Njelemiya 46:10 - Livulu lya Shukulu Kalunga

¹⁰ Eli likelyo litangwa lya Shukulu Kalunga wa Akamwa ya Vyoshe Muka-nzili yoshe, litangwa lya lelo akalinga shambandinga, litangwa lya lelo akanyanyamesa vitozi vendi. Mukwale wendi ukavatapa, nakunwa maninga ngwe munu. Litangwa lya lelo Shukulu Kalunga Muka-nzili yoshe akombelela n̄ombelo ya shambandinga ku kunto, ku Ndonga ya Yufuleti.

Njelemiya 46:10 Iomraidhean Croise

2 Vimyene 24:7

Co mwene wa Ingito na mbunga yendi ya mashwalale kuvatundile lalo mu Ingito, omwo mwene wa Mbambilone washwanene mutambela woshe uje wakundamene ku Ingito, kushangumukila ku Ndonga ya Yufuleti kutwala ku nginga ya ku kunto ya Ingito.

Yombi 24:1

“Omwo vikajo Njambi Muka-nzili yoshe kemikile simbu yakusompesa, kupwa litangwa lya vushunga kuli vaje vamupangela?

Isaya 13:6

Lileni, nakukangoka! Litangwa lili muyehi, omo Shukulu Kalunga Muka-nzili yoshe akaija mukunyongesa.

Isaya 2:12

A litangwa lije, Shukulu Kalunga Muka-nzili yoshe akakeesa munu woshe, munu woshe uje muka-kulyalesa nakulijundula.

Isaya 31:8

VaAsilya vakavatsiila mu nzita, oloni kesi na mikwale ya vanu embwe. Vakwenje vavo vakeseka kuputumuka, oloni vakavakwata nakuvapwisa vindungo.

Isaya 61:2

Nanjitumu mukwambulula ngeci simbu inete omo Shukulu Kalunga akaamena vanu vendi, nakufungulula vitozi vavo. Nanjitumu mukuzembeleka voshe vaje valinakulila,

Isaya 63:4

Njalingile ngeci omwo simbu yakwamena vanu vange inete, yapwile simbu yakulinga shambandinga vitozi vavo.

Njelemiya 12:12

Ku mitambela yoshe ya lifuti lya malundu amalaja mu mambo, vanu vanaija nakupukula, njinatumu nzita inyongese lifuti lyoshe, co naumo wai akakala mu kwoloka.

Njelemiya 46:14

“Ambululeni mu vinganda vya Ingito, na mu Mingendole, na mu Mefise, na mu Tafanehese ngweni, ‘Livwaeseleni cimweja mukulyamena yeni vavenya, vyoshe vije vimuli navyo vikanyongela mu nzita!

Njelemiya 46:2

kushangumukila na vaka-Ingito. Evi vikevyo vyendekele Shukulu Kalunga a mbunga ya mashwalale va Mwene Neko wa Ingito, vaje vaafungulwile Mwene Nevukaneza wa Mbambilone ku Kalekemishe kuyehi na Ndonga ya Yufuleti mu mwaka wamuciwana uje Yehoyakime wapwile mwene wa mu Yunda ngwendi,

Njelemiya 46:6

Vaka-lumbisi kuvasa kuputumuka, na mashwalale kuvasa kutewa. Ku kunto ku Ndonga ya Yufuleti, vatanozoka nakuwa.

Njelemiya 50:15

Tambekeni mutambi wa nzita nakuzengeleka nganda! Ololo Mbambilone inaliiti. Vivumbe vyayo vinau. Co vinasanyozokela asi, njilinakulinga shambandinga ali vaMbambilone. Ngecivene, neni lalo velwisileni shambandinga, valingeni ngwe muje vakevo valingile ku vakwavo.

Njelemiya 50:18

Omwo a vyuma evi, yange Kalunga Muka-nzili yoshe, Njambi ya Isalele, njikahisa Mwene Nevukaneza na lifuti lyendi, ngwe munjahisile Mwene wa Asilya.

Njelemiya 51:6

Teweni mutunde mu Mbambilone! Teweseni myonyo yeni! Kesi vamitsiye omwo vuvi vwa vaka-Mbambilone. Yange ololo njilinakulinga shambandinga, nakuvahisa ngwe mucinavapande.

Ezekiyele 21:28

“Muna munu, ambulula vuka-kwimanena. Ambulula evi yange Kalunga wa Akamwa ya Vyoshe, njilinakwendeka kuli vaAmoni vaje valinakushaula Isalele, endeka kuli vakevo ngwove, ‘Mukwale vanauvwaesela cimweja kunyongesa, vanaukalula mukutsiya, uvyakula ngwe muhyato.’

Njwele 1:15

Litangwa lya Shukulu Kalunga lili muyehi, litangwa lije omo Muka-nzili yoshe akanena kunyonga. Litangwa lije likapwa lyakujujwisa!

Njwele 2:1

Imbeni lupembo, co imbeni mwondo a Siyone, lilundu lya Njambi lyakujela. Jajeni, yeni vanu va mu Yunda! Litangwa lya Shukulu Kalunga lili muyehi.

Zakaliya 6:6

Co litemba lije livakokele tuvalu vakuzivala lyaile ku kunto ku Mbambilone, co tuvalu vakutoka vakengeselele mu kangombe ka yambi, co tuvalu vakuvenguluka vaile ku lifuti lya ku mbwela.

Luka 21:22

Omwo aje akewo matangwa akunyanyamesa ngeci vyuma vyoshe vije vivendekele mu visoneka vipwe vya vushunga.

Kwituluka mu Mashiko 32:42

Mikili yange ikandweka na maninga avo, co mukwale wange ukatsiya voshe vaje vaka-kunjipopolola. Naumo wai injikayoyesa akati ka vaje vaka-kunjilwisa, nameme vishwalonda na vinzinda vakatsa.’