Njelemiya 45:5 - Livulu lya Shukulu Kalunga

⁵ Kuma ulinakushakezeka vyuma vyakama ndi? Kesi ulingemo embwe. Njikanena tuyando twakama ali vanu voshe, oloni nameme ngoco, yove ukakala na mwonyo kwoshe kuje kuukaya, Yange Kalunga, njinendekamo.”

Njelemiya 45:5 Iomraidhean Croise

Kushangumuka 6:12

Njambi wakengele a kaye wamwene ngeci ali vuvi omwo vanu voshe vayoyele mu vuvi.

1 Vimyene 3:11

co Njambi wendekele kuli Solomoni ngwendi, “Omwo unalombo mana akushwana mu vushunga, oloni kuwalombele mwonyo wakuyoya simbu yoshe, nambe vufuko nambe kutsa kwa vitozi vove, oloni unalombo mana akusompa mwamuvwa,

1 Vimyene 3:9

Ngecivene, unjane mana akushwana nawo vanu vove mu vushunga nakuzivuka kwangununa akati ka vuvwa na vuvi. Nga kesi mukemwo ni, co vatijo njasa kushwana vanu vove ava vavangi ngacije?”

2 Vimyene 5:26

Oloni Elisha wendekele ngwendi, “Njinakele nove mu munzinzime omo Namane washulukile mu litemba lyendi nakwendeka nove. Ngehazi, kuwesi na moko yakutambula vimbongo nambe vuzalo, na mahya a miti ya olive, nambe mikolovozi ya vushuka vwa vinyu, nambe vimanga, nambe vingombe, nambe vangamba embwe!

Myaso 131:1

Shukulu Kalunga, yange njinecela kulyalesa kwange, co njinecela kulyaka ku vukama, yange kunjesi kukundama ku vin̄anda vyakama, nambe kukundama ku vyuma vyakukomokesa.

Isaya 66:16

Mukwale wendi wa tuhya ukanena vushunga kwoshe-ikwoshe ano asi nakutsiya vanu vavangi.

Njelemiya 21:9

Woshe uje akala mu nganda vakamutsiila mu nzita nambe akalanduka ku njala, nambe akatsa ku mushongo. Oloni woshe uje atundamo, co akaliita kuli vaMbambilone vaje valinakulwisa nganda ololo, munu wa cifwa cangacije kuvakamutsii embwe, oloni akaputumukamo na mwonyo wendi.

Njelemiya 25:15

Shukulu Kalunga, Njambi ya Isalele, wendekele kuli yange ngwendi, “Nganja ya vinyu eyi inashulu na vukalu vwange. Itwale kuli voshe vaje kesi vaYunda kuje njikakutuma, co vanwiseyo.

Njelemiya 25:16

Co omo vakevo vananumo, vakapelyangela, co mana avo akaya mweka omwo a nzita ije njituma kuli vakevo yakuvalwisa.”

Njelemiya 25:26

na vimyene voshe va ku kunto, na ava vakulyala na muyehi, kulikavasana umo na mukwavo. Muyati na muyati wa vanu va ano asi vanwilemo. Co akukotoka kwa vyoshe, mwene wa mu Mbambilone akainwa.

Njelemiya 25:31

co cilumo ciketa na aje asikisila kaye. Shukulu Kalunga ali na n̄anda na vaka-mafuti. Akakungulwila vanu ku cisompelo, nakutsiya vaka-vuvi. Shukulu Kalunga nendekamo.’ ”

Njelemiya 38:2

Shukulu Kalunga nendeka ngwendi, “Woshe akakala muno mu nganda akatsa ku nzita, nambe kulanduka ku njala ya lyangengela, nambe ku mushongo. Oloni woshe uje aya nakuliita kuli vaMbambilone, kuvakamutsii embwe, akayoya.”

Njelemiya 39:18

Njikakunyunga mwamuvwa, co naumo wai akakutsiya. Ukayoya, omwo unaka cinyangavili cove muli yange. Yange Kalunga, njinendekamo.”

Zefaniya 3:8

Shukulu Kalunga alinakwendeka ngwendi, “Vandameneni litangwa lije omo njikakatuka mukusompa miyati ya vanu. Njinayongola kukungulula miyati ya vanu na vumwene amolika ngeci vamone nzili ya vukalu vwange. Co ano asi oshe akanyonga na tuhya twa vukalu vwange vwakama-kama.

Loma 12:16

Yoyeni mulizivasano umo na mukwavo. Kesi mulyalese, oloni likeeseni mu vipangi. Kesi muliyongole yeni vavenya ngwe munapu vaka-kunyanyama.

VaHevelu 13:5

Kesi mukakateye mu cizemo ca vimbongo, pweni vaka-kujauka na vyuma vije mulinavyo. Omwo Njambi nendeka ngwendi, “Kunjikamiseze nalumo lwai nambe kumivyana.”