Njelemiya 45:3 - Livulu lya Shukulu Kalunga

³ ulinakwendeka ngwove, ‘Ngongo yange! Shukulu Kalunga nawezelelako vusiwa ku tuyando twange, njinazeye nakukemanga, co kunjasa kuwana kuhwima embwe!’

Njelemiya 45:3 Iomraidhean Croise

Yombi 23:2

“Na lelo vene kulinyenga kwange kunapu kwakulula, co livoko lya Njambi lyanjilemena kutuvakana kuvinjoka kwange.

Myaso 120:5

Kukala akati keni kunapu kwakuvi ngwe kukala mu Meshake, nambe kukala akati ka vanu va ku Kendale!

Myaso 27:13

Njazivuka ngeci njikamona vuvwa vwa Shukulu Kalunga mu lifuti lya vaka-kuyoya.

Myaso 42:7

yove unaka vusiwa mukuyoya kwange ngwe mankimba, vitanga vilinakwija kuli yange ngwe livazi, vinapu ngwe cipupa cikuma ku Ndonga ya Yondau, ku Munkinda wa Helemone na ku Munkinda wa Mizale.

Myaso 6:6

Vusiwa vwange vunanjizeyesa, vutsiki na vutsiki vulili vwange na musato wange vijula na misozi.

Myaso 6:7

Vusiwa vunazimbisa mesho ange, kunjasa kumona omwo ya vitozi vange!

Myaso 69:3

Mwa vushunga vene njinazeye nakulila, mulivu wange unominina, na mesho ange anatsitsivala omo njilinakuvandamena Njambi yange.

Visimo 24:10

Nga uzeya a simbu ya vukalu, co nzili yove ipwa yaindondo.

Njelemiya 45:2

Shukulu Kalunga, Njambi ya Isalele nendeka ngwendi, “Mbaluke,

Njelemiya 8:18

Naumo wai asa kunjizembeleka ku vusiwa vwange, vulinakunjivinjisa mu mbunge.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Mbimbi 1:13

“Watumine tuhya kutunda kwilu, tuhya tuje twenyele mukati kange. Ikeye wanjitelelele mweto, co wanjikokelele asi, wanjisezele njinatsi citunulu, co njonwele nzili litangwa lyoshe.

Mbimbi 1:22

“Vahise akuvulumuna kwavo kwoshe, vanyanyamese, ngwe muwanjinyanyamesele yange omwo vuvi vwange. Njilinakukemanga mu tuyando, co cinyangavili cange coshe cinahu.”

Mbimbi 3:32

Nameme atunenela vusiwa, oloni cizemo cendi ali yetu mwa vushunga anga cili na nzili.

2 Kolinte 4:1

Njambi mukutetela kwendi natwana vipangi evi, ngecivene, kutwasa kujuka.

2 Kolinte 4:16

Omwo cuma eci kutwasa kwombwa nambe muvila wetu ulinakunyonga, oloni munu wetu wa mukati akatulingisa vuhwa a litangwa na litangwa.

Ngalatiya 6:9

Ngecivene, kesi tujuke mukulinga mwamuvwa embwe, omwo nga kutujuka, simbu ikaija omo tukateja.

2 Tesalonika 3:13

Oloni yeni, vakwetu, kumwapandele kujuka kulinga mwamuvwa.