Njelemiya 44:7 - Livulu lya Shukulu Kalunga

⁷ “Ngecivene, yange Kalunga Muka-nzili yoshe, Njambi ya Isalele, njimihula ngwange, omwo vikajo mulinakulinga vuvi vwa cifwa cangacije? Kuma yeni mushaka kunena vukalu ali vanalume, na vanakazi, na vanike, na vimbututu, ngeci naumo wai wa ali vanu veni akasaleo?

Njelemiya 44:7 Iomraidhean Croise

Visimo 1:18

Oloni vanu vakufwa ngacije valinakulitela mweto vakevo vavenya, mweto muje muvakatsa vakevo vavenya.

Visimo 15:32

Nga uvyana kulilongesa, ulinakuliyeluwisa lika yove vavenya, oloni nga utava kukunangula, co ukapwa muka-kunyanyama.

Visimo 5:22

Vaka-vuvi vatsa mu ciliva cavo vavenya. Vatsa mu linimbwa lya vuvi vwavo vavenya.

Visimo 8:36

Woshe uje kanjiwana, alivulumuna lika ikeye vavenya, voshe vaje vanjizinda, vazema kutsa.”

Njelemiya 25:6

Vamilekele ngeci kesi mulemese nakupangela vinjambi vangoco, co kesi muluvalese Shukulu Kalunga akulemesa tumponya tuje tumunashongo. Nga mwononokele Shukulu Kalunga, nga kaminyanyamesele embwe.

Njelemiya 25:7

Oloni vavenya Shukulu Kalunga nendeka ngwendi mwavyanene kumutolilila. Oloni mwamuluvalesele na tumponya tweni, nakulikokela cihiso yeni vavenya.

Njelemiya 26:19

“Mwene Hezekiya na vanu va mu Yunda kuvatsiile Mika. Oloni Hezekiya wasingimikile Shukulu Kalunga, nakulambelela ngozi ya Shukulu Kalunga. Co Shukulu Kalunga watengulwile viyongola vyendi ku vukalu vuje vwashakele kunena ali vakevo. Yetuco lelo tushaka kulikokela tuyando manene yetu vavenya.”

Njelemiya 3:24

Kulemesa Mbale njambi wakujeneka seo cinatujenekesa kukala na matanga a vimuna, na matanga a vimanga, na vana va vanalume na ava va vanakazi, na vyuma vyoshe vije vivapangelele vakukulwila vetu tunde ku san̄ulu.

Njelemiya 38:17

Asinoni njalekele Zendekiya ngwange Shukulu Kalunga Muka-nzili yoshe, Njambi ya Isalele nendeka ngwendi, “Zendekiya nga uliita kuli vamyata va mwene wa Mbambilone, kuvakakutsii, na nganda eyi kuvakayenyeka, yove na naanga yove mukayoya.

Njelemiya 42:20

mwaviisile manene. Mwanjitumine kuli Shukulu Kalunga Njambi yeni nakwendeka ngweni, ‘Tulombelele kuli Shukulu Kalunga Njambi yetu, nakutuleka vyuma vyoshe vije vyanendeka, co tukavyononoka.’

Njelemiya 44:14

Naumo wai wa ali vanu va mu Yunda vaje vasaleleo vaile kukakala ku Ingito vakayoya nambe kwiluka ku Yunda, kuje valinakushaka ngeci vakakaleko lalo simbu yakama. Naumo wai akelukako kuvanga vavandondo lika.”

Njelemiya 44:8

Omwo vikajo mulinakunjiluvalesa akulemesa tumponya, na a kukombelela ku vinjambi va mu Ingito muje mumunaija nakukala? Kuma mulinakulinga evi ngeci mulinyongese yeni vavenya, ngeci miyati ya vanu voshe va ano asi vamishendumune, co lizina lyeni lipwe cisingo ndi?

Njelemiya 51:22

mukutsiya vanalume na vanakazi, mukutsiya vakulunu na vanike, mukutsiya vakwenje na vambanda,

Njelemiya 7:19

Kuma yange valinakuzivisa ku mbunge kuvavala ndi? Embwe, vali na kulizivisa shwamwa vakevo vavenya.

Njelemiya 9:21

Kutsa kunatukovelela mu vinjanena vyetu, co kunakovela na mu vinjuvo vyetu, nakutsiya vanike mu vitapalo, na vakwenje mu mitambela ya vulandeselo.

Mbimbi 2:11

Mesho ange avenga ngengu nakulila, mwonyo wange uli mu vukalu. Njinazeye na vusiwa akunyonga kwa vanu vange. Vanike na vimbututu valinakulezumukila mu vitapalo vya mu nganda.

Mbimbi 2:22

Yove walanyele vitozi vange ngwe ku litangwa lya ciwano, ngeci vanjizivise munjunju. Co naumo wai waputumukile a litangwa lya vukalu vwove. Vatsiile vana vange, vaje njalelele nakuvazema.

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Ezekiyele 9:6

Tsiyeni vakulunu, na vakwenje, na vambanda, na vainavo, na vana. Oloni kesi mukwate uje ali na cizivukiso a luholo lwendi. Shangumukileni vene kuno ku Njuvo yange.” Ngecivene, vashangumukilile kuli vantwama vaje vemanene ku Njuvo ya Shukulu Kalunga.

Hambakuke 2:10

Oloni matumbe eni ananena shwamwa a naanga yeni, mwalikokela n̄ole yeni vavenya akunyongesa miyati ya vanu vavangi.

Kulava 16:38

Co vikango vya vanu vaje vavanatsiile omwo vuvi vwavo vakavifule nakuvipasha ngeci vipwe vyakufwika a mutula omwo vavikombelele kuli Shukulu Kalunga, co vikapwa canukiso kuli vanu va Isalele.”

Kwituluka mu Mashiko 32:25

Vanu vakatsa mu vitapalo ku moko ya mukwale, na munjunju ukakala mu membo. Vakwenje na vambanda vakatsa, co vimbututu na tukulukazi vakatsa.

Yoshwa 6:21

Vanyongesele vyuma vyoshe vya mu nganda, co vatapele vanalume, na vanakazi, na vanike, na tukulukazi na moko ya mukwale. Vatsiile lalo vingombe, na vimanga, na vimulu.

Maako 21:11

Eci cikeco cimukalinga na vanalume voshe na vanakazi voshe vaje valimona laja na vanalume.”

1 Samwele 15:3

Ngeci yeni mukalwise vaAmaleke, co mukanyongese vyuma vyoshe vije valinavyo. Kesi mukasezeo cuma cimo, oloni yeni mukatsiye vanalume voshe, na vanakazi, na vanike, na vimbututu, na vimanga, na tumelo, na vimulu.”

1 Samwele 22:19

Ngecivene, Saulu watapele lalo vanalume, na vanakazi, na vanike, na vimbututu, na vingombe, na vimulu, na vimanga, na voshe vaje vakele mu Nombe, nganda ya vaka-kukombelela.