Njelemiya 44:3 - Livulu lya Shukulu Kalunga

³ omwo vanu vamwo valingile vuvi, co vanjiluvalesele. Vanakombelela vin̄ombelo ku vinjambi veka, nakupangela vinjambi vaje nambe vakevo, nambe yeni, nambe vakukulwila veni kuvavalemesele.

Njelemiya 44:3 Iomraidhean Croise

Nehemiya 9:33

Yove walingile mwamuvwa kutuhisa, yove wapwa wa kulongwa, nameme twalingile vuvi.

Isaya 3:8

Eyo, Yelusalema inanyongo! Co Yunda inau! Vyuma vyoshe valinakwendeka nevi valinakulinga vilinakulwisa Shukulu Kalunga, valinakushaula Njambi citona-mesho.

Njelemiya 11:17

“Yange Kalunga Muka-nzili yoshe, njakunine Isalele na Yunda, oloni ololo njivatumbwila tuyando. Vakevo vavenya vanalikokela tuyando omwo vanalingi vuvi, vananjiluvalesa akukombelela vin̄ombelo kuli Mbale.”

Njelemiya 16:10

“Omo ukavaleka vyoshe evi vakakwihula ngwavo, ‘Omwo vikajo Shukulu Kalunga nayongola kutunyanyamesa? Vuvi mukajo tunalingi, nambe vikajo tunalingi ku mesho a Shukulu Kalunga Njambi yetu?’

Njelemiya 22:9

Asinoni vakakumbulula ngwavo omwo mwasezele cikumiiyo ceni nange Njambi yeni, co mwalemesele nakupangela vinjambi veka.”

Njelemiya 29:19

Evi vikalingiwa kuli vakevo omwo kuvononokele lijwi lije njakele nakutuma kuli vakevo ali vangamba vange vaka-kwimanena. Vavyanene kutolilila.

Njelemiya 32:30

Kutunda kukushangumuka kwa vin̄anda vyavo, vanu va mu Isalele na vanu va mu Yunda vanalingi vuvi, co vananjiluvalesa.

Njelemiya 44:23

Vukalu ovu vunaija ali yeni, omwo mwakombelelele vin̄ombelo ku vinjambi veka, co mwavulumwine ku mesho a Shukulu Kalunga kwononoka mashiko endi oshe.”

Njelemiya 44:8

Omwo vikajo mulinakunjiluvalesa akulemesa tumponya, na a kukombelela ku vinjambi va mu Ingito muje mumunaija nakukala? Kuma mulinakulinga evi ngeci mulinyongese yeni vavenya, ngeci miyati ya vanu voshe va ano asi vamishendumune, co lizina lyeni lipwe cisingo ndi?

Njelemiya 5:19

Omo vakehula ngwavo omwo vikajo njinalingila vyuma vyoshe evi, Njelemiya, valeke ngwove, omwo vananjikengesa nima nakupangela vinjambi veka vaje vali mu lifuti lyavo, ngecivene, vakapangela vanu veka mu lifuti lije kesi lyavo.”

Njelemiya 5:29

“ ‘Oloni yange Kalunga, njikaminyanyamesa a vyuma evi, njikalinga shambandinga a muyati ou.

Njelemiya 7:19

Kuma yange valinakuzivisa ku mbunge kuvavala ndi? Embwe, vali na kulizivisa shwamwa vakevo vavenya.

Mbimbi 1:8

Yelusalema navulumuna manene, co napu wa mazilo, voshe vaje vamusingimikile valinakumushendumuna. Vanamumono ali mushelengwa, akemanga nakuvandesa cihanga cendi omwo shwamwa.

Mbimbi 4:13

Oloni eci calingiwile, omo vaka-kwimanena va mu Yelusalema valingile vuvi, co vaka-kukombelela vamwo vakele na mulonga wakunena kutsa kwa vanu vakujeneka mulonga.

Ezekiyele 9:9

Njambi wakumbulwile ngwendi, “Vanu va mu Isalele na vanu va mu Yunda vali na mulonga wa vuvi vwakukomokesa. Vali na mulonga wakutsiya mu lifuti mwoshe, co mu Yelusalema munashulu na mulonga wakutsiya. Valinakwendeka ngwavo yange Kalunga, njinaseze lifuti lyavo, co kunjesi nakuvamona.

Ndanyele 9:5

“Tunalingi vuvi, co tunaviisa, tunalingi vya kupenga-penga. Tunavyana viwatushikile ngeci tuvilinge, co tunatundu ku vije viwatumwesele ngeci vinapu vya vushunga.

Kwituluka mu Mashiko 13:6

“Nga ndolome yove, nambe munove wa munalume, nambe munove wa munakazi, nambe munakazi wove iwazema, nambe musamba wove wa a mbunge akushongangeya ngeci mulemese vinjambi veka, vaje yeni na vakukulwila veni kumwalemesele.

Kwituluka mu Mashiko 29:25

Co vakakumbulula ngwavo, ‘Omwo vanu va Shukulu Kalunga kuvanyungile cikumiiyo, cije Shukulu Kalunga Njambi ya vakukulwila vavo, walikumiiye navo omo wavatundisile mu Ingito.

Kwituluka mu Mashiko 29:26

Vapangelele vinjambi veka vaje kuvazivukile, vinjambi vaje vavavindikile Shukulu Kalunga kuvalemesa.

Kwituluka mu Mashiko 32:17

Vakombelelele ku vinjambi vaje kesi va vushunga, vinjambi vaje kuvazivukile vakukulwila vavo, vinjambi vavaha vaje vaIsalele kuvavononokele akulivanga.

VaHevelu 3:16

Veya vaje vazivile lijwi lya Njambi, co vamutengulukilile? Vaje voshe vatwamenenene Mosesa vene calingiwile akuvatundisa mu lifuti lya Ingito.