Njelemiya 44:23 - Livulu lya Shukulu Kalunga

²³ Vukalu ovu vunaija ali yeni, omwo mwakombelelele vin̄ombelo ku vinjambi veka, co mwavulumwine ku mesho a Shukulu Kalunga kwononoka mashiko endi oshe.”

Njelemiya 44:23 Iomraidhean Croise

1 Vimyene 9:9

Co vanu vakakumbulula ngwavo, ‘Omwo vanu va Isalele vasezele Shukulu Kalunga Njambi yavo, uje watundisile vakukulwila vavo ku Ingito. Vanongumuka na vinjambi veka nakuvalemesa. Ngecivene, Shukulu Kalunga nanena tuyando otu ali vakevo.’ ”

2 Vimyene 17:15

Kuvononokele mashiko endi, kuvanyungile cikumiiyo cije calikumiiye na vakukulwila vavo, nakwononoka kunangula kwendi. Vapwile vanu vakujeneka seo omwo valemesele tumponya twakujeneka seo, nakukavangeya futisi ya miyati ije yavazengelekele, ije yatumbwile Shukulu Kalunga ngwendi kesi vakavatembunwine.

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Nehemiya 13:18

Eci cikeco cahisilile Njambi vakukulwila veni, omo wanenele vukalu a nganda eyi. Co anga mucili nakunena lalo vukalu vwa Njambi ali vaIsalele akuviisa Litangwa Lyakuhwima.”

Myaso 119:136

Mesho ange ali na misozi manene, omwo vanu kuvesi nakwononoka lishiko lyove.

Myaso 119:150

Vaje vaka-kunjiyandesa, vanu vaje kuvesi kunyunga mashiko ove, vanatumbu matumbe amavi akunjivulumuna,

Myaso 119:155

Vaka-vuvi kuvawana kwamena, omwo kuvesi kwononoka mashiko ove.

Myaso 78:10

Vakevo kuvanyungile cikumiiyo cavo na Njambi, vavyanene kwononoka mashiko endi.

Myaso 78:56

Oloni vatengulukilile Njambi Muka-nzili yoshe nakumweseka, co kuvanyungile vizilika vyendi.

Njelemiya 26:4

Shukulu Kalunga wanjilekele njileke vanu ngwange, “Shukulu Kalunga nendeka ngwendi yeni munapande kunjononoka nakukava vilongesa vije njamyanene,

Njelemiya 40:3

ngecivene, ololo nalingi vije vyendekele ngwendi akavilinga. Vyoshe evi vinalingiwa, omwo vanu valingile vuvi ku mesho a Shukulu Kalunga, kuvamwononokele.

Njelemiya 44:10

Oloni na ku litangwa lya lelo kumwalikeesele. Kumwanjisingimikile embwe, nambe kuyoya ngwe ku mashiko oshe aje anjamyanene yeni na vakukulwila veni.

Njelemiya 44:18

Oloni omo twalikelele kukombelela kuli Lishano lya Mwilu nakulikela kwitila vin̄ombelo vya vinyu kuli ikeye, co twajeneka vyuma vyoshe, co vanu vetu vanatsila mu nzita, nakulanduka ku njala ya lyangengela.”

Njelemiya 44:2

Shukulu Kalunga Muka-nzili yoshe, Njambi ya Isalele, wendekele ngwendi, “Yeni voshe mwamwene vukalu vwoshe vuje njanenele a Yelusalema, na ku vinganda vyoshe mu Yunda. Nameme ololo anga vinapu vingundu, naumo wai wakalamo,

Njelemiya 44:21

“Ngwe a vin̄ombelo vyeni na vakukulwila veni, na vimyene veni, na vantwama veni, na vanu va mu lifuti na mu vinganda vya mu Yunda na mu vitapalo vya mu Yelusalema, kuma mwayongola ngweni Shukulu Kalunga kavizivukile nambe kuvyanuka ndi?

Njelemiya 44:3

omwo vanu vamwo valingile vuvi, co vanjiluvalesele. Vanakombelela vin̄ombelo ku vinjambi veka, nakupangela vinjambi vaje nambe vakevo, nambe yeni, nambe vakukulwila veni kuvavalemesele.

Njelemiya 44:8

Omwo vikajo mulinakunjiluvalesa akulemesa tumponya, na a kukombelela ku vinjambi va mu Ingito muje mumunaija nakukala? Kuma mulinakulinga evi ngeci mulinyongese yeni vavenya, ngeci miyati ya vanu voshe va ano asi vamishendumune, co lizina lyeni lipwe cisingo ndi?

Mbimbi 1:8

Yelusalema navulumuna manene, co napu wa mazilo, voshe vaje vamusingimikile valinakumushendumuna. Vanamumono ali mushelengwa, akemanga nakuvandesa cihanga cendi omwo shwamwa.

Ndanyele 9:13

twatambwile cihiso coshe cije ciwatumbwile mu Lishiko lya Mosesa. Oloni nameme ololo, yove Shukulu Kalunga Njambi yetu, kutwakuvwaelesele akutunda ku vuvi vwetu nambe akukavangeya vushunga vwove.

1 Kolinte 10:20

Embwe! Njilinakwendeka ngwange cije vanakombelela a mutula wa tumponya cinapu cakukombelela ku minzinzime yakujwala, kesi kuli Njambi. Co kunjishaka mulitombole nakupangela amo na tumponya.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”