Njelemiya 44:17 - Livulu lya Shukulu Kalunga

¹⁷ Tukalinga vyuma vyoshe vije twakulaesele ngwetu tukavilinga. Tukakombelela vin̄ombelo kuli njambi yetu wa munakazi, Lishano lya Mwilu, co tuketila vin̄ombelo vya vinyu kuli ikeye, ngwe yetu na vakukulwila vetu, na vimyene vetu, na vantwama vetu, valingile mu vinganda vya mu Yunda na mu vitapalo vya mu Yelusalema. Twakele na vyakulya vyavingi, co twakele mwamuvwa na vukalu vwai.

Njelemiya 44:17 Iomraidhean Croise

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 22:17

Vakevo vananjivyana, co vanakombelela vin̄ombelo kuli vinjambi veka, co vanashangumuna vukalu vwange a vyoshe evi vivanalingi. Vukalu vwange vunakatuka vwakulwisa Yelusalema, co kunjikavututumwisa embwe.

2 Mizimbu 28:23

Wakombelelele vin̄ombelo ku vinjambi va vaSilya, vaje vamufungulwile. Wendekele ngwendi, “Vinjambi va vaSilya vakwasele vimyene vaSilya, ngecivene, nga njikombelela kuli vakevo, amo vakanjikwasa.” Oloni eci canenele vukalu vwakama ali ikeye na a lifuti lyendi.

Nehemiya 9:34

Vakukulwila vetu, na vimyene vetu, na vantwama vetu, na vaka-kukombelela vetu kuvanyungile Mashiko ove. Kuvatolililile kukushika kwove na kukunangula kwove.

Myaso 106:6

Tunalingi vuvi ngwe muvalingile vakukulwila vetu, tunalingi mwamuvi, co tunaviisa.

Myaso 12:4

“Na majwi etu tuwana vije vitushaka. Twendeka mwoshe mutushakela, co naumo wai atuvindika.”

Kutuuka 16:3

co vendekele kuli vakevo ngwavo, “Nga Shukulu Kalunga watutsiilile mu Ingito na livoko lyendi! Kuje twatumbamene ku vindeo vya situ nakulya vyakulya vyakukuta ngwe mutunashakela. Oloni yeni munatunene muno mu mambo mukututsisa ku njala, yetu voshe.”

Isaya 48:5

Ngecivene, njamilekele vyuma evi, simbu kanda vilingiwe, kutewa mwendeka ngweni, tumponya tweni vamukalemesa, vakevo valingile vyuma evi.

Njelemiya 1:16

Co njikahisa vanu vange omwo vanalingi vuvi akunjiseza, vanakombelela vin̄ombelo ku vinjambi veka, co vanashongo tumponya nakutulemesa.

Njelemiya 11:12

Asinoni vanu va mu Yunda na vanu va mu Yelusalema vakatambeka ku vinjambi vaje vavanakala nakukombelela. Oloni vinjambi vaje kuvakavamena omo vali mu vukalu.

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 19:13

Vinjuvo vya mu Yelusalema na vinjuvo vya vimyene va mu Yunda, na a viluli vya vinjuvo vyoshe aje vakele nakwenyekela insense ku vingongonosi, na kuje vakele nakwitilila vinyu kupwa mulambu ku vinjambi veka, vyoshe vikapwa vya mazilo ngwe ku Tofete.”

Njelemiya 44:21

“Ngwe a vin̄ombelo vyeni na vakukulwila veni, na vimyene veni, na vantwama veni, na vanu va mu lifuti na mu vinganda vya mu Yunda na mu vitapalo vya mu Yelusalema, kuma mwayongola ngweni Shukulu Kalunga kavizivukile nambe kuvyanuka ndi?

Njelemiya 44:25

“Yeni, na vanakazi veni, mwalisingile cikulaeso na Lishano lya Mwilu. Mwakulaesele ngeci mukakombelela vin̄ombelo, nakwitila milambu ya vinyu kuli ikeye, co mwanyungu cikulaeso ceni. Mwamuvwa nyungeni vikulaeso vyeni, nakunyunga lalo visingo vyeni!

Njelemiya 44:9

Kuma munevala vyuma vya kupenga-penga vyoshe vije vivalingile vakukulwila veni mu vinganda vya mu Yunda, na mu vitapalo vya mu Yelusalema, vije vivalingile vimyene va mu Yunda na mashano vavo, neni, na vanakazi veni?

Njelemiya 7:17

Kuma yove kuwesi nakumona vivalinakulinga vanu va mu Yunda mu vinganda vyavo, na mu vitapalo vya mu Yelusalema ndi?

Njelemiya 7:18

Vanike vacava vitale, vanalume vavweka tuhya, co vanakazi vashinga vunga nakwoca makende a njambi wa munakazi uje ivatumbula ngwavo Lishano lya Mwilu. Co vetila lalo n̄ombelo ya vinyu kuli vinjambi veka, ngeci vanjizivise ku mbunge kuvavala.

Ezekiyele 20:32

Munayongola ngeci mushaka kupwa ngwe miyati yeka, nakufwa ngwe vanu vaje vayoya mu mafuti eka nakulemesa tumponya twa viti na mamanya. Oloni eci kucikalingiwa embwe.”

Ezekiyele 20:8

Oloni vanjitengulukilile, co kuvanjitolililile. Kuvombilile kuti tumponya twa vunyengwe, nambe kwecela vinjambi va vaka-Ingito. Njalivwaesela cimweja kuvatava ngeci vazive nzili ya vukalu vwange vwoshe muje mu Ingito.

Ezekiyele 23:41

Vatumbamene a vulili vwavuvwa, na mesa yakujala mwamuvwa kulutwe lwavo. Co a mesa yavo akele insense, na mazi a olive anjavanene.

Ezekiyele 8:16

Ngecivene, wanjitwalele mukati ka cipango ca ku Njuvo ya Shukulu Kalunga. Co kuje kuyehi na cikolo ca mwela wakujela, mukati ka mutula na cikolo, mwakele vanalume makumi avali na vatanu. Vakengesele nima ku mwela wakujela, co vatsikamene a mavuli oku vanakenge mu ngangela, vakele nakulemesa litangwa omo lituuka.

Hambakuke 1:16

Vakalemesa manimbwa avo nakuwakombelela vin̄ombelo ngwe vinjambi, omwo manimbwa avo akavapangela cipangi cacivwa.

Kulava 30:12

Oloni nga munalume wendi amuvindika kushulisa cisingo omo navizivi laja, co kucapandele lalo uje munakazi acinyunge embwe. Co Shukulu Kalunga akamusambesaco, omwo munalume wendi namuvindika kunyunga cije cisingo cendi,

Kulava 30:2

“Omu mukemwo mwanashiki Shukulu Kalunga. Omo munu alisinga cisingo cakwana cuma cimo kuli Shukulu Kalunga nambe kulisinga kulikela kulinga cuma cimo, kapandele kupokola cikulaeso cendi, oloni napande kulinga vyuma vyoshe vije vyanakulaesele kulinga.

Mako 6:26

Co mwene wakele na vusiwa manene, oloni kasele lalo kumuvyana omwo a cikulaeso cije walisingile ku mesho a voshe vaje vatumbamene nendi amo ku mesa.

Kwituluka mu Mashiko 23:23

Ngecivene, cuma coshe cije mukendeka na tunwa tweni mukanyanyame nakucilinga ngwe omo munalisingi kuli Shukulu Kalunga Njambi yeni, omwo mwalisingile na cizango.

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.

1 Petulu 1:18

Omwo mwazivuka ndando ije ivamipatwile nayo mukumitundisa ku mwonyo wangoco uje mwatambwile kuli vakukulwila veni. Kucapwile cuma cije casa kunyonga ngwe siliva nambe ngolinde,

Maako 11:36

Co ikeye wamulekele ngwendi, “Tate, nga yove unakulaesa laja Shukulu Kalunga, co linga kuli yange cuma cije ciwunakulaesa, omwo Shukulu Kalunga nakulingilako shambandinga vitozi vove vaAmoni.”