Njelemiya 44:15 - Livulu lya Shukulu Kalunga

¹⁵ Co vanalume voshe vaje vazivukile ngwavo vanakazi vavo vakombelelele vin̄ombelo ku vinjambi veka, na vanakazi voshe vaje vemanene kuje, amo na vaIsalele vaje vakele mu mbwela ya lifuti lya Ingito, voshe vapwile mbunga yakama, omo vazivile vije vinjendekele, co vakumbulwile ngwavo,

Njelemiya 44:15 Iomraidhean Croise

Kushangumuka 19:4

Omo kanda vangenzi vaciye ku vulili, vanalume va mu Sondoma vazengelekele njuvo. Vanalume voshe va mu nganda, vakwenje na vakulunu, vakele kuje.

Nehemiya 13:26

Co njavalekele ngwange, “Ava vene vanakazi vaka-kwija vakevo valingisile Mwene Solomoni vuvi. Wapwile munalume muka-nzili kuhyana vimyene voshe va miyati yeka. Njambi wamuzemene, co wamupwisile mwene wa Isalele yoshe, oloni walingile vuvi ovu vene.

Visimo 11:21

Zivukeni ngeci vaka-vuvi vakavahisa, oloni vaka-vushunga vakovoka.

Isaya 1:5

Omwo vikajo mulinakunjitengulukila? Mushaka ngeci njimihise lalo manene ndi? Isalele, ku mutwe wove kulilaja vimbandu, co mbunge yove na viyongola vyove vinazeye.

Isaya 48:5

Ngecivene, njamilekele vyuma evi, simbu kanda vilingiwe, kutewa mwendeka ngweni, tumponya tweni vamukalemesa, vakevo valingile vyuma evi.

Njelemiya 44:1

Shukulu Kalunga wendekele kuli yange ali vanu va Isalele voshe vaje vakele mu Ingito, mu vinganda vya Mingendole, na Tafanehese, na Mefise, na ku mutambela wa ku mbwela ya lifuti.

Njelemiya 44:19

Co vanakazi vendekele ngwavo, “Omo twakele mu Yunda, twakele nakwoca makende akulifwa na Lishano lya Mwilu nakukombelela vin̄ombelo kuli ikeye, nakwitila vin̄ombelo vya vinyu kuli ikeye, vanalume vetu vazivukile, co vatavele vije vitwalingile.”

Njelemiya 44:24

Njalekele vanu voshe vunene vene vanakazi, vije Shukulu Kalunga Muka-nzili yoshe, Njambi ya Isalele, wendekele kuli vanu va mu Yunda vaje vakele mu Ingito ngwendi,

Ezekiyele 29:14

co vakakala mu mbwela ya Ingito, lifuti lya cisemwa cavo. Vakapwa muyati wakuzeya.

Ezekiyele 30:14

Njikapwisa mbwela ya Ingito ngundu, nakwenyeka tuhya a nganda ya Zowane ku kunto. Njikanyanyamesa nganda yakama ya Tevese.

Mateo 7:13

“Koveleni mu cikolo cacindondo, omwo cikolo cakama na ngila yakujanjavala viya kukunyongesa, co vavangi valinakuyamo.

Kwituluka mu Mashiko 13:7

Umo wavo asa kumikokweya ngeci mulemese vinjambi va vanu vaje vanamizengeleka vaje vali muyehi neni, nambe vinjambi va vanu vaje vali kulyala neni.