Njelemiya 44:14 - Livulu lya Shukulu Kalunga

¹⁴ Naumo wai wa ali vanu va mu Yunda vaje vasaleleo vaile kukakala ku Ingito vakayoya nambe kwiluka ku Yunda, kuje valinakushaka ngeci vakakaleko lalo simbu yakama. Naumo wai akelukako kuvanga vavandondo lika.”

Njelemiya 44:14 Iomraidhean Croise

Isaya 10:20

Simbu ilinakwija omo va Isalele vaje vanasalao kuyoya kuvakakulaela a muyati uje wavayandesele. Oloni mwa vushunga vakakulaela lika kuli Shukulu Kalunga, Njambi wakujela wa Isalele.

Isaya 4:2

Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Njelemiya 22:10

Yeni vanu va mu Yunda, kesi mulile Mwene Yosiya nambe mulinyenge a kutsa kwendi. Oloni lileni manene munendi Yowahaze, valinakumutwala kulyala kakeluka lalo embwe, nambe kumona lifuti lyendi lya cisemwa.

Njelemiya 42:17

Vanu voshe vaje vanalivwaesela cimweja kukakala mu Ingito vakatsila mu nzita, nambe kulanduka ku njala ya ya lyangengela nambe kutsa ku mushongo. Naumo wai wa ali vakevo akasalao, naumo wai akaputumuka ku vukalu vuje vunjikanena ali vakevo.’

Njelemiya 42:22

Ngecivene, anukeni evi, mukatsila mu nzita nambe kulanduka ku njala ya lyangengela, nambe kutsa ku mushongo mu lifuti muje mushaka kuya nakukakalamo.”

Njelemiya 44:26

Oloni ololo tolilileni ku cisingo eci. Yange Kalunga, njalisingi mu lizina lyange lya nzili kuli yeni voshe vaIsalele muli mu Ingito ngwange, naumo wai lalo injikatavesa kupangesa lizina lyange akulisinga ngwendi, ‘Njilisinga ali Shukulu Kalunga wakuyoya wa Akamwa ya Vyoshe!’

Ezekiyele 20:38

Co njikatundisa vaje vaka-kutengulukila na vaka-vuvi akati keni. Njikavatundisa mu lifuti muje muvali nakukala ololo, oloni kunjikavatava lalo kwiluka ku lifuti lya vaIsalele embwe. Co mukazivuka ngeci yange njapwa Kalunga.”

Ezekiyele 6:8

“Oloni njikecela vamo vakayoye, co njikavashandwela akati ka miyati,

Mateo 23:33

Eni manyoka na vana va manyoka! Vatijo mutewa kusompa kwakuya ku tuhya twa myaka yoshe?

Loma 2:3

Oloni yove musamba wange, ulinga vyuma vije uhisila vakweni! Wayongola ngwove wasa kuputumuka kuhisa kwa Njambi ndi?

Loma 9:27

Co Isaya atambeka ali vaIsalele ngwendi, “Nameme vanu va Isalele vanatumu ngwe lishen̄avu lya ku kenge ya mema a kalunga, oloni vavandondo lika vakovoka,

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.