Njelemiya 44:10 - Livulu lya Shukulu Kalunga

¹⁰ Oloni na ku litangwa lya lelo kumwalikeesele. Kumwanjisingimikile embwe, nambe kuyoya ngwe ku mashiko oshe aje anjamyanene yeni na vakukulwila veni.

Njelemiya 44:10 Iomraidhean Croise

1 Vimyene 21:29

“Wamono Ahave mwanalikeesa ku mesho ange ndi? Omwo nalingi ngacije, kunjikamuhisa mu simbu yakuyoya kwendi, oloni njikanena vukalu a naanga ya Ahave a simbu yakuyoya kwa munendi.”

2 Vimyene 22:19

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njikaupwisa mwela wakukomokesa, co vanu vakapangesa lizina lyawo kupwa cisingo. Oloni njazivi lilombelo lyove,

2 Mizimbu 32:26

Oloni akukotoka, Hezekiya na vanu vaje vakele mu Yelusalema valikeesele, co vukalu vwa Shukulu Kalunga kuvwezile ali vakevo noo Hezekiya watsile.

2 Mizimbu 33:12

Co omo wakele nakuyanda, walambelelele Shukulu Kalunga Njambi yendi, co walikeesele ku mesho a Shukulu Kalunga Njambi ya vakukulwila vendi ngeci amukwase.

2 Mizimbu 33:19

Lilombelo lya mwene nakukumbulula kwa Njambi, vuvi vuje vwalingile omo kanda atenguluke, na vyuma vyavivi vije vyalingile, na mitambela ije vakele nakulemesela vaka-kujeneka kukulaela, na vifwa vya Ashela njambi wa munakazi vije vyalingile, na tumponya tuje twalemesele, vyoshe vavisoneka mu Livulu lya Mizimbu ya Vaka-kwimanena.

2 Mizimbu 34:27

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njinazivile lilombelo lyove,

Myaso 34:18

Shukulu Kalunga ali muyehi na vaje vanazeye mu vimbunge, ikeye amena vaje vanajeneka cinyangavili.

Myaso 51:17

Yove Njambi, n̄ombelo yange inapu munzinzime wa kulikeesa, kuwesi kuvyana mbunge ya kulikeesa na mbunge yakutenguluka.

Myaso 78:10

Vakevo kuvanyungile cikumiiyo cavo na Njambi, vavyanene kwononoka mashiko endi.

Kutuuka 10:3

Ngecivene, Mosesa na Alone vaile kuli mwene vendekele kuli ikeye ngwavo, “Shukulu Kalunga Njambi ya vaHevelu nendeka ngwendi, ‘Visimbu vingaijo ukavyana kulikeesa ku mesho ange? Ecela vanu vange vaye ngeci vakanjilemese.

Kutuuka 9:17

Nameme ngoco anga ucilyalesa nakuvyana kwecela vanu vange vaye.

Kutuuka 9:30

Oloni njazivuka ngwange yove na vamyata vyove anga kumukakomoka Shukulu Kalunga Njambi.”

Visimo 14:16

Vaka-mana vakalinyungu ku vukalu, oloni vilema vapwa valishamena, co vakalingi vyuma kuviyongola.

Visimo 16:6

Pwa wa kulongwa nakushungama, co Njambi akakusambesa ku vuvi vwove, ononoka Shukulu Kalunga, co cuma nacimo cai cacivi cikalingiwa kuli yove.

Visimo 28:14

Navezika munu uje akomoka Shukulu Kalunga simbu yoshe, oloni uje akaluwisa mbunge yendi akakala mu tuyando.

Visimo 8:13

Kusingimika Shukulu Kalunga kukekwo kuzinda vuvi, yange njazinda kulyalesa nakulyaka ku vukama, njazinda lalo vingila vya vuvi na majwi a makuli.

Isaya 42:24

Iyajo waanene Isalele kuli vaje vavevilile? Shukulu Kalunga uje twaviisilile, ikeye walingile cuma eci! Kutwapandele kuyoya ngwe muje mwashakele ngeci tuyoyemo, nambe kwononoka vilongesa vije vyatwanene.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 66:2

Yange vene njatangele vyuma vyoshe! Njivwaelela na vaje valilumbilisa nakutengulukila kuli yange, vaje vanjikomoka nakunjononoka.

Njelemiya 10:7

Iyajo kasa kukusingimika, yove mwene wa miyati yoshe? Yove wafwila kasingimiko. Kukwesi weka wakulifwa nove akati ka miyati yoshe ya vaka-mana, nambe akati ka vimyene vavo.

Njelemiya 26:4

Shukulu Kalunga wanjilekele njileke vanu ngwange, “Shukulu Kalunga nendeka ngwendi yeni munapande kunjononoka nakukava vilongesa vije njamyanene,

Njelemiya 32:23

Omo vetele mu lifuti lino, co lyapwile vufuko vwavo, oloni kuvononokele mashiko ove, nambe kuyoya ngwe ku vilongesa vyove, nacimo civalingile cai a vyuma wavashikile kulinga. Co yove wanenele vukalu vwoshe ovu ali vakevo.

Njelemiya 36:24

Oloni nambe mwene, nambe umo wa ali vamyata vendi uje wazivile vyoshe vije vasonekele muje mu livulu, kuvazivila lyova nambe kumwesa cimweso cimo ca vusiwa.

Njelemiya 44:23

Vukalu ovu vunaija ali yeni, omwo mwakombelelele vin̄ombelo ku vinjambi veka, co mwavulumwine ku mesho a Shukulu Kalunga kwononoka mashiko endi oshe.”

Njelemiya 5:3

Mwa vushunga Shukulu Kalunga akakenge a kulongwa. Waminyanyamesele, oloni kumwamutolililile, wamisindakanene, oloni kumwalilongesele. Mwakaluwisile vimbunge vyeni, co kumwatengulukile ku vuvi vweni.

Njelemiya 6:15

Kuma vazivile shwamwa omwo valingile vyuma vya vunyengwe ndi? Embwe, kuvazivile shwamwa omwo kuvesi kuziva shwamwa. Omo njikavanyanyamesa, co vakawa ngwe muvanau vakwavo, co vakanyonga. Yange Kalunga, njinendekamo.”

Njelemiya 8:12

Yeni vanu vange, kuma kumwazivile shwamwa, omwo mwalingile vyuma vije vya vunyengwe ndi? Embwe, Kumwazivile shwamwa, omwo kumwesi kuziva shwamwa. Omo njikaminyanyamesa mukawa ngwe muvanau vakweni, co mukanyonga. Yange Kalunga, njinendekamo.

Ezekiyele 9:4

“Ya wite mu nganda yoshe ya Yelusalema, nakwaka cizivukiso a luholo lwa munu na munu uje alinyenga, co ali na vusiwa, omwo a vyuma vya vunyengwe vije vilinakulingiwa mu nganda.”

Malakiya 4:2

Oloni kuli yeni munjononoka, nzili yakwamena kwange ikakala ali yeni ngwe litangwa, co ikanena vukangwisi ngwe misha ya litangwa. Co mukapwa vaka-kupatuka nakuvwaelela ngwe vana va vingombe vatuuka mu licakana.

Mateo 27:54

Omo uje mukulunu wa mashwalale na mashwalale vaje vakele amo nendi nakunyunga Yesu, vamwene mandunduma, na vyuma vyeka vije vyalingiwile, vazivile lyova manene, co vendekele ngwavo, “Mwa vushunga kuma wapwile Muna Njambi!”

Luka 23:40

Ngecivene, uje mukwavo lipwepwe wamukandele ngwendi, “Kuma yove kuwesi kukomoka Njambi ndi? Yove watambula cihiso ngwe ikeye.

Loma 11:20

Eci cinapu ca vushunga. Vavajokweleko omwo kuvakulaelele, oloni yeni munatumbama mu mwela weni omwo munakulaela. Oloni kesi mulyalese a viyongola evi, munapande kuziva lyova.

1 Petulu 5:6

Likeeseni yeni vavenya mwisi ya livoko lya nzili lya Njambi, ngeci amijundule a simbu yendi yaivwa.

Kujombolola 15:4

Iyajo kasa kukukomoka yove Shukulu Kalunga? Iyajo avyana kushangazala vukama vwove? Yove lika wapwa wakujela! Miyati yoshe ya vanu vakaija nakukulemesa, omwo vilinga vyove vya vushunga vinasholoka kuli vanu voshe.”