Njelemiya 43:12 - Livulu lya Shukulu Kalunga

¹² Akenyeka vinjuvo vya vinjambi va Ingito, akenyeka vinjambi vavo, nambe kuvatwala ku vunzinda. Ngwe kanyungi atwena viina a vuzalo vwendi, ngecivene, mwene wa Mbambilone akajelesa lifuti lya Ingito, co akatundamo mu kwoloka.

Njelemiya 43:12 Iomraidhean Croise

2 Samwele 5:21

Omo vaFilisitiya vatewele, vasezele tumponya twavo kunima, co Ndaviti na vanu vendi vatwambatele.

Esita 6:9

Cooni uwaneo munu umo wa ali vanu vove va vulemu ngeci azike ou munu mu vuzalo ovu vwa vulaja, co amwendese a kavalu mu tapalo ya nganda, na mutambi wa vulemu omo valinakwenda ngwendi, ‘Kengeni mwakalingi mwene na munu uje yashaka kwana vulemu!’ ”

Yombi 40:10

Nga ngoco ni, zala kasingimiko kove na kulyalesa ngwe vuzalo, co zala vukama na vumpau ngwe mwiva.

Myaso 104:2

yove walifwika ceke ngwe vuzalo. Yove wajangumwine melu ngwe mbalaka,

Myaso 132:16

Njikavezikisa vaka-kukombelela vamwo, mu vyoshe vivakalinga, co vanu vamwo vakaimba nakutambeka nakuvwaelela.

Myaso 132:18

Njikazivisa vitozi vendi shwamwa, oloni cilongo cendi cikavyazima.”

Kutuuka 12:12

“A vutsiki vuje njikaita mu lifuti lya Ingito, njikatsiya vana va vanalume voshe va va ntwatwa va vanu, na ava va tusitu vakulivanga kusemuka. Co njikahisa vinjambi voshe va mu Ingito, yange njapwa Kalunga.

Isaya 19:1

Awa akewo majwi aa Ingito. Shukulu Kalunga aija ku Ingito, nalondo a lishelwa aija lumbisi. Vanu vanazeye omwo lyova. Co tumponya twavo vanalijujukila.

Isaya 21:9

Kengeni, vaka-kulonda a tuvalu valinakwija! Vavali-vavali. Co muka-kunyunga watambekele ngwendi, “Mbambilone inau! Na tumponya twoshe tuje vakele nakulemesa vanashandokela mu livu.”

Isaya 46:1

“Awa akewo mamaneselelo a vinjambi va Mbambilone! Akulivanga valemesele Mbele na Nembo, oloni ololo vanavalondeka a vimulu, vanapu citele a myongo ya tusitu vaje vanajuka.

Isaya 46:2

Tumponya kutwasa kulyamena tuketwo vavenya, vanatufungulula nakututwala kweka. Awa akewo mamaneselelo a vinjambi va Mbambilone!

Isaya 49:18

Kenga mesho ove noku-noku umone vije vilinakulingiwa! Vanu vove valinakukunguluka, veluke kwimbo! Mwa vushunga ngwe omo njapwa Njambi wakuyoya, ukalyalesela ali vanu vove, ngwe mwakalyalesela shombolwa a vuzalo vwendi vwa seo.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Isaya 59:17

Akazala kulongwa ngwe cikoveyo ca nzita ca a nulo, kwamena kupwa ngwe tepa ya nzita ya ku mutwe. Vukalu na shambandinga vikapwa ngwe vuzalo vwendi.

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 61:5

Vanu vange, vaka-kwija vakamipangela. Vakanyunga matanga eni nakulima mahya eni nakunyunga miti ya vinyu.

Njelemiya 10:11

(Yeni vanu munapande kuvaleka ngweni vinjambi vaje kuvatangele kaye na lilu vakanyonga. Nakumo kwai kuvakakala ano asi.)

Njelemiya 10:15

Tumponya tunapu twangoco, vanapande kutuyeluwisa, omo Shukulu Kalunga akaija vakatunyongesa.

Njelemiya 25:19

Ou ukewo mukana wa voshe vaje vanwile mu nganja ije, mwene wa Ingito, na vamyata vendi, na vantwama, vaka-Ingito voshe,

Njelemiya 43:13

Ikeye akanyongesa tumponya twa ku Helyopolise mu Ingito nakwenyeka lalo vinjuvo vya vinjambi va Ingito.”

Njelemiya 46:25

Shukulu Kalunga Muka-nzili yoshe, Njambi ya Isalele, nendeka ngwendi, “Njikanyanyamesa Amoni, njambi ya Tevese, amolika na vanu va mu Ingito na vinjambi vavo na vimyene vavo. Njikatwala mwene wa Ingito na voshe vaje vamukulaela,

Njelemiya 48:7

“Mowavi, yove wakulaela nzili yove na vufuko vwove, oloni vakakufungulula nakukutwala mu vunzinda, amolika na njambi yove Kemoshe, amolika na vana vendi va vimyene na vaka-kukombelela vendi.

Njelemiya 49:27

Njikashwameka tuhya a vivumbe vya Ndamasiku, nakwenyeka mapela oshe a Mwene Mbenehandande. Yange Kalunga Muka-nzili yoshe, njinendekamo.”

Njelemiya 50:2

“Leka muzimbu ou akati ka miyati ya vanu! Co wambulule! Jundula pandelo nakuwambulula! Kesi uushweke embwe, oloni wambulule ngwove, Mbambilone vakaifungulula, njambi yendi Manduke akaziva shwamwa, akashula na lyova. Tumponya twa Mbambilone tukaziva shwamwa, tumponya twendi twa vunyengwe vakatupujula!

Njelemiya 51:44

Njikanyanyamesa Mbele, njambi wa Mbambilone, nakumulingisa ngeci ecele vufuko vuje wevile, co miyati ya vanu nalumo lwai lalo vakamulemesa. “Vivumbe vya Mbambilone vinau.

Ezekiyele 29:11

Kukwesi munu nambe kasitu akaitamo. A myaka makumi awana, nacimo cai cikakalamo.

Ezekiyele 29:19

Ngecivene, evi vikevyo vinjinendeka yange Kalunga wa Akamwa ya Vyoshe ngwange, ‘Njilinakwana lifuti lya Ingito kuli Mwene Nevukaneza. Ikeye akapupa nakupukula vufuko vwoshe vwa ku Ingito kuvupwisa fweto ya mashwalale vendi.

Ezekiyele 30:13

Shukulu Kalunga wa Akamwa ya Vyoshe alinakwendeka ngwendi, “Njikanyongesa tumponya na vinjambi va makuli mu Mefise, naumo wai akashwana Ingito, njikajujwisa vanu voshe.

Ndanyele 11:8

Ikeye akelwisa ku Ingito vifwa vya vinjambi vavo na vivala vya ngolinde na siliva vije vivakundikile ku vinjambi vaje. Munima ya myaka imo ya kwoloka,

Zefaniya 2:11

Shukulu Kalunga akavajujwisa. Akatengulula vinjambi va ano asi nakuvapwisa vangoco, asinoni muyati na muyati wa vanu mu lifuti lyawo vakalemesa Shukulu Kalunga.

Loma 13:12

Vutsiki ololo vukya, litangwa ololo lituuka. Tulikeleni kulinga vyuma vije vyakundama ku lisusulungu, co twambateni vitwa vyakulwa navyo mu mutanya.

Efeso 4:24

co munapande kuzala vunu vwavuhwa, vuje vuvanatanga mu cifwa ca Njambi, co vunasholoka vukewo vavenya mu mwonyo wa vushunga uje wauvwa nakujela.

Efeso 6:11

Zaleni vitwa vyoshe vije vyanamyana Njambi, ngeci mwase kwimana nakulwisa matumbe amavi a Liyavola.

Kolose 3:12

Yeni munapu vanu va Njambi, wamizemene, co wamyangwile kupwa mu vendi. Ngecivene, munapande kuzala lyovwa-ovwa, na ngozi, na kulilumbilisa, na vuvwa na lukakateya.

Kolose 3:14

Co ku vyoshe evi wezeleleniko cizemo, cije cikakutila vyuma vyoshe amolika mu vumo vwavuvwa.