Njelemiya 43:1 - Livulu lya Shukulu Kalunga

¹ Njamanesele kuleka vanu majwi oshe aje Shukulu Kalunga Njambi yavo, wanjitumineo kuvaleka.

Njelemiya 43:1 Iomraidhean Croise

Kushangumuka 19:14

Asinoni Lote waile kuli vanalume vaje vashakele kwambata vana vendi, wavalekele ngwendi, “Zambuleniko mutunde muno, omwo Shukulu Kalunga ashaka kunyongesa nganda ino.” Oloni vakevo vayongwele ngwavo alinakulinga lyepe.

Kutuuka 24:3

Co Mosesa waile walekele vanu vyoshe vyashikile Shukulu Kalunga na vilongesa vyendi vyoshe, co vanu voshe vakumbulwile ngwavo, “Tukalinga vyuma vyoshe vije vyanendeka Shukulu Kalunga.”

Njelemiya 1:17

Ngecivene, Njelemiya, katuka uye, ya ukavaleke vyuma vyoshe vije vinjikushika. Kesi uvazivile lyova embwe, nga uziva lyova ni, co njikakuzivisa manene lyova ku mesho avo.

Njelemiya 1:7

Oloni Shukulu Kalunga wendekele kuli yange ngwendi, “Kesi wendeke ngwove u mwanike wamundondo embwe, oloni unapande kuya ku vanu kuje kunjikutuma, nakuvaleka vyuma vyoshe vije vinjikushika.

Njelemiya 26:2

Shukulu Kalunga wendekele kuli yange ngwendi, “Imana mu mbanja ya Njuvo yange, wambulule vyoshe vije njakushikile kuvyendeka kuli vanu vaje vatunda mu vinganda vya mu Yunda kwija kuno mukulemesa. Kesi ukasezeo cuma cimo embwe.

Njelemiya 26:8

co omo njamanesele kwendeka vyoshe vije vyanjishikile Shukulu Kalunga, vaka-kukombelela, na vaka-kwimanena, na vanu voshe vanjikokangeyeye nakutambeka ngwavo, “Vanapande kukutsiya a evi unendeka.

Njelemiya 42:21

Co ololo njinamileka, oloni kumwesi nakwononoka vyuma vyoshe vije vyananjitumu Shukulu Kalunga Njambi yetu ngeci njimileke.

Njelemiya 42:22

Ngecivene, anukeni evi, mukatsila mu nzita nambe kulanduka ku njala ya lyangengela, nambe kutsa ku mushongo mu lifuti muje mushaka kuya nakukakalamo.”

Njelemiya 5:12

Vanu vanavyana Shukulu Kalunga, co vanendeka ngwavo, “Nacimo cai cakalinga. Shukulu Kalunga kakatunyanyamesa, kukukakala nzita nambe njala ya lyangengela embwe.”

Njelemiya 51:63

Omo unamanesa kulavela vanu livulu eli, likutiiye ku limanya nakulyumbila mu Ndonga ya Yufuleti,

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Vilinga vya Miluwa 20:27

Omwo kunjalikelele kwambulula kuli yeni vutumbe vwoshe vwa Njambi.

Vilinga vya Miluwa 5:20

“Yeni mukemane mu Njuvo ya Shukulu Kalunga, co mukaleke vanu vyoshe vya mwonyo ou wauha.”

1 Samwele 8:10

Co Samwele wambulwile kuli vanu vaje vamulombele mwene vyuma vyoshe vije vyamulekele Shukulu Kalunga.