Njelemiya 42:4 - Livulu lya Shukulu Kalunga

⁴ Co njakumbulwile ngwange, “Mwamuvwa manene, njikalombela kuli Shukulu Kalunga Njambi yetu, ngwe mumunalombo, mwoshe mwakendeka, njikamileka, co kunjikamishwekela cuma nacimo cai.”

Njelemiya 42:4 Iomraidhean Croise

Myaso 40:10

Yange kunjashwekele mu mbunge yange vin̄anda vyavivwa vyakwamena embwe, oloni visimbu vyoshe njinambulula vushunga vwove nakwamena kwove. Mu vikungulukilo vya vanu vove voshe kunjolokele ngoco kuluu ngwe kaveveve, oloni njinambulula kulongwa kwove na cizemo cove cije kucesi kutenguluka.

Kutuuka 8:29

Mosesa wamukumbulwile ngwendi, “Omo yange njiciya lika, co njikalombela kuli Shukulu Kalunga ngeci imene vinzinzi vakamitunde, na vamyata vove, na vanu vove. Oloni kuwapandele kunjikwisa lalo kuvindika vanu kuya nakukombelela vin̄ombelo kuli Shukulu Kalunga.”

Njelemiya 23:28

Muka-kwimanena uje alota njozi ambulule lika vya njozi yendi, oloni muka-kwimanena uje nazivi majwi ange, napande kuwambulula mu vushunga. Vishati vili na vuvwa mukajo nga vavyeseka na tiliku?

Njelemiya 23:35

Oloni munu na munu ehule vasamba vendi na vavushoko vwendi ngwendi, ‘Shukulu Kalunga nakumbulula vatijo? Vikajo vyanendeka Shukulu Kalunga?’

Njelemiya 26:2

Shukulu Kalunga wendekele kuli yange ngwendi, “Imana mu mbanja ya Njuvo yange, wambulule vyoshe vije njakushikile kuvyendeka kuli vanu vaje vatunda mu vinganda vya mu Yunda kwija kuno mukulemesa. Kesi ukasezeo cuma cimo embwe.

Ezekiyele 2:7

Ukavaleka vyoshe vinjikuleka ngeci ukavyendeke, nambe vakakutolilila nambe kuvakakutolilila. Anuka ngeci vakevo vapwa vaka-kutengulukila.

Vilinga vya Miluwa 20:20

Mwazivuka ngweni kunjalikelele kulinga cuma cimo cije capwile cakumikwasa omo njambulwile nakulongesa mu mbunga na mu vinjuvo vyeni.

Vilinga vya Miluwa 20:27

Omwo kunjalikelele kwambulula kuli yeni vutumbe vwoshe vwa Njambi.

Loma 10:1

Vakwetu, njishaka manene na mbunge yange yoshe ngeci vanu vange vovoke! Njilinakuvalombelela manene kuli Njambi!

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.