Njelemiya 42:2 - Livulu lya Shukulu Kalunga

² co vendekele kuli yange ngwavo, “Mwane tulingile vije vitukulomba. Tulombelele kuli Shukulu Kalunga Njambi yetu. Tulombelele yetu voshe tunasalao na mwonyo. Twapwile tuvavangi, oloni ololo twasalao lika tuvavandondo, ngwe muwamwena.

Njelemiya 42:2 Iomraidhean Croise

1 Vimyene 13:6

Mwene Yelovowame wendekele kuli muka-kwimanena ngwendi, “Mwane njilombeleleko kuli Shukulu Kalunga Njambi yove, ngeci akangwise livoko lyange!” Co muka-kwimanena walombelele kuli Shukulu Kalunga, co livoko lya mwene lyakangukile.

Myaso 119:170

Tolilila kulomba kwange, co njamene, ngwe ku lijwi lyove!

Kutuuka 8:28

Mwene wendekele ngwendi, “Njamitava muye nakukombelela vin̄ombelo kuli Shukulu Kalunga Njambi yeni mu mambo, oloni kesi muye kulyala. Nange njilombeleleniko.”

Kutuuka 9:28

Lombeleni kuli Shukulu Kalunga omwo tunapwisamo a cililimo na nyonzi ya mamanya! Njikamitava ngeci muye, kumukakala lalo muno.”

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Isaya 37:4

Mwene wa vaAsilya natumu mwata wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Isaya 42:20

Isalele, wamono vyavingi, cooni vyalumbunuka vikajo kuli yove? Uli na matwi akuziva lalo, oloni vyuma mukajo viwunazivi?”

Njelemiya 15:11

Shukulu Kalunga, visingo vyavo vyoshe vilingiwe, nga yange kunjakupangelele mwamuvwa, nga kunjalombelele kuli yove a vitozi vange omo vakele mu tuyando.

Njelemiya 2:27

voshe vaje vendeka ngwavo muti wapwa ishweni, co limanya lyapwa vanyoko. Eci cikalingiwa omwo munatundu kuli yange, kumwelukile kuli yange embwe. Oloni omo muli mu tuyando, co munjilomba ngeci njimikwase.

Njelemiya 21:2

“Twendekeleko kuli Shukulu Kalunga, omwo Mwene Nevukaneza wa ku Mbambilone ashaka kutulwisa. Amo Shukulu Kalunga akalinga cikomokeso cimo ngeci Nevukaneza eluke.”

Njelemiya 36:7

Amo vakalomba kuli Shukulu Kalunga, nakutenguluka kutunda ku vingila vyavo vya vuvi, omwo Shukulu Kalunga nashungwiya vanu vaje na vukalu vwakama.”

Njelemiya 37:20

Co ololo shukulu, njikulomba unjitolilile, nakulinga evi vinjikulomba. Shukulu kesi unjiilwisile lalo mu kamenga ku njuvo ya Yonatana. Nga ulingamo, co mwa vushunga njikatsila muje vene.”

Njelemiya 37:3

Mwene Zendekiya watumine Njehukale muna Shelemiya na Zefaniya muka-kukombelela muna Maseya kunjihula ngeci njilombele kuli Shukulu Kalunga Njambi yetu kwimanena muyati wetu.

Njelemiya 38:14

A simbu ikwavo, Mwene Zendekiya washikile ngeci vanjinene kuli ikeye, ku cikolo camucitatu ca ku Njuvo ya Shukulu Kalunga, co wendekele ngwendi, “Njikwihula cihula, njishaka unjileke vushunga vwoshe.”

Njelemiya 40:15

Asinoni Yohanane wendekele nendi mu vushweke ngwendi, “Njitave njikatsiye Ishimela, naumo wai akazivuka uje namutsii. Vikajo vyakutsiila? Eci cikalingisa vaYunda voshe vaje vanakunguluka kuli yove ngeci valishandoke, eci cikanena vukalu ali vanu voshe vaje vanasalao mu Yunda.”

Njelemiya 42:20

mwaviisile manene. Mwanjitumine kuli Shukulu Kalunga Njambi yeni nakwendeka ngweni, ‘Tulombelele kuli Shukulu Kalunga Njambi yetu, nakutuleka vyuma vyoshe vije vyanendeka, co tukavyononoka.’

Mbimbi 1:1

Yelusalema, nganda ije yashulile na vanu, ololo inapu ngundu! Nganda ije vakele nakusingimika mu kaye mwoshe, ololo inapu ngwe fwile. Nganda ije yapwile ngwe lishano a vinganda vyoshe, ololo inapu ngwe ndungo.

Ezekiyele 12:16

Njikatava vavandondo lika kuputumuka mu nzita, na ku njala ya lyangengela, na ku mushongo, ngeci akati ka miyati ije, vakananguke vati muvyafwa vilinga vyavo vya vunyengwe, co vakazivuka ngeci kuma yange Kalunga.”

Hoziya 8:10

Oloni ololo njikavakungulula nakuvanyanyamesa. Ololo vakalikotinga mukuvinjoka omo mwene wa Asilya akavayandesa.

VaLevi 26:22

Co njikatuma tusitu vavavi akati keni, co vakevo vakatsiya vana veni, nakunyongesa vimuna veni, vakaseza lika vavandondo, na vingila vyeni vikapunda.

Amose 7:2

Mu cimona cange njamwene vimbimba valya vimena vyoshe mu lifuti, co njendekele ngwange, “Shukulu Kalunga wa Akamwa ya Vyoshe sambesa vanu vove! Vatijo vayoya? Omwo vakevo vapwa vavandondo, vakuzeya!”

Mateo 24:22

Co nga Njambi kaakeesele matangwa aje, nga munu naumo wai akovoka. Oloni naakeesa omwo vanu vendi vaje vaangwile.

Vilinga vya Miluwa 8:24

Co Simoni wendekele kuli Petulu na Yowano ngwendi, “Njilombeleleniko kuli Mwene ngeci vyuma evi vimunendeka kesi vilingiwe kuli yange.”

Kwituluka mu Mashiko 28:62

Nameme munatumu ngwe vingongonosi vya mwilu, oloni vavandondo lika veni vakasalao, omwo kumwononokele mashiko a Shukulu Kalunga Njambi yeni.

Kwituluka mu Mashiko 28:63

Ngwe mwavwaelelele Shukulu Kalunga akumivezikisa nakumitumisa, co a ngila eyi vene akavwaelela akumiyandesa nakuminyongesa. Co vakamitundisa mu lifuti lije mulinakukovela nakulishwana.

Kwituluka mu Mashiko 4:27

Ngecivene, Shukulu Kalunga akamishandwela akati ka mafuti eka, co vavandondo lika va ali yeni vakasalao akati ka mafuti aje akamishandwela Shukulu Kalunga.

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.

1 Samwele 12:19

co vendekele kuli Samwele ngwavo, “Shukulu, mwane, tulombeleleko kuli Shukulu Kalunga Njambi yove, ngeci kesi tutse. Omwo ku vuvi vwetu tunakumbasanako lalo vuvi vwakulomba mwene.”

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.

1 Samwele 7:8

vendekele kuli Samwele ngwavo, “Kesi ulikele ku tulombelela kuli Shukulu Kalunga Njambi yetu ngeci atwamene kuli vaFilisitiya.”