Njelemiya 42:10 - Livulu lya Shukulu Kalunga

¹⁰ ‘Nga muli na cizango cakukala muno mu lifuti, co yange njikamivezikisa, co wai akamipesa, njikamikongweya kunjikamishandola embwe. Co cihiso cije cinjinanena ali yeni canjinenesa vusiwa vwakama.

Njelemiya 42:10 Iomraidhean Croise

2 Samwele 24:16

Omo kangelo ka Shukulu Kalunga washakele ngeci anyongese Yelusalema, Shukulu Kalunga watengulwile viyongola vyendi vyakuhisa vanu, co wendekele kuli kangelo uje wakele nakuvatsiya ngwendi, “Likele! Wapwisamo!” Kangelo wakele ku mutambela wa lijungwilo lya Alauna, kaNjevushi.

Myaso 102:16

Omo Shukulu Kalunga akatungulula Siyone, co vumpau vwendi vukasholoka.

Myaso 106:45

Shukulu Kalunga wanukile cikumiiyo cendi omo vakevo, co watengulwile viyongola vyendi omo cizemo cendi cije kucesi kutenguluka.

Myaso 37:3

Kulaela kuli Shukulu Kalunga, co linga mwamuvwa, kala mu lifuti, co yoya mwamuvwa.

Myaso 69:35

Omwo Njambi akamena Siyone, nakutungulula vinganda vya Yunda, co vangamba vendi vakakala muje, co lifuti likapwa vushwana vwavo,

Kutuuka 32:14

Co Shukulu Kalunga watengulwile viyongola vyendi, kanenele vukalu ali vanu vendi ngwe mwalishungwiiye.

Njelemiya 24:6

Njikavanyunga nakuvelwisila lalo mu lifuti eli. Yange vene njikakala navo. Kunjikavashandola embwe, njikavakongweya, kuvakatundumo embwe.

Njelemiya 26:19

“Mwene Hezekiya na vanu va mu Yunda kuvatsiile Mika. Oloni Hezekiya wasingimikile Shukulu Kalunga, nakulambelela ngozi ya Shukulu Kalunga. Co Shukulu Kalunga watengulwile viyongola vyendi ku vukalu vuje vwashakele kunena ali vakevo. Yetuco lelo tushaka kulikokela tuyando manene yetu vavenya.”

Njelemiya 27:11

Oloni nga muyati umo ulikeesa kuli mwene wa Mbambilone nakumupangela, co njikavecelela ngeci vakale mu lifuti lyavo, kulimamo nakukalamo. Yange Kalunga, njinendekamo.”

Njelemiya 31:28

Ngwe omo njavanyungile mukuvatukula, nakuvawisa, nakuvombila, nakuvanyongesa, nakuvayandesa, ngecivene, njikavanyunga mukuvakuna, nakuvatunga lalo.

Njelemiya 33:7

Njikatumisa manene Yunda na Isalele, co njikavatungulula lalo ngwe muvakele laja.

Njelemiya 43:4

Ngecivene, Yohanane na mbunga ya vakulunu va mashwalale, na vanu voshe kuvononokele majwi a Shukulu Kalunga ngeci vakale mu lifuti lya Yunda.

Ezekiyele 36:36

Asinoni miyati ya kulyata, vaje vacili nakuyoya, vakazivuka ngeci yange njapwa Kalunga, njikatungulula vinganda vyasiwukile nakukuna lalo mu mahya muje mwapwile mu mashokola. Yange Kalunga njakulaesele ngwange njikalinga vyuma evi, co njikalingamo vene.”

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Njwele 2:13

Vimbunge vyeni vyakupokoka vimwese vusiwa vweni, kutavozola vuzalo vweni kesi cikeco cuma lika munapande kulinga.” Ilukeni lalo kuli Shukulu Kalunga Njambi yeni. Ikeye muka-ngozi, washula na mema ku mbunge, ikeye muka-kusimpa, muka-kunyunga cikulaeso cendi, ikeye walivwaesela cimweja kusambesa, kesi kuhisa embwe.

Amose 7:3

Co Shukulu Kalunga watengulwile viyongola vyendi, co wendekele ngwendi, “Evi viwunamono kuvikalingiwa.”

Amose 7:6

Co Shukulu Kalunga watengulwile viyongola vyendi, co wendekele ngwendi, “Evi kuvikalingiwa lalo embwe.”

Yona 3:10

Omo Njambi wamwene vije vivalingile vaka-Nenevayi, na muje lalo muvecelele vingila vyavo vyavivi, co wavazivilile mema ku mbunge, co kavanyanyamesele ngwe muje mwashakele kulinga.

Yona 3:4

Ngecivene, Yona washangumukile kwita mu nganda, co omo wendele litangwa lyoshe, waile nakwimana-imana nakwambulula ngwendi, “Kunasala matangwa makumi awana lika Nenevayi vakayinyongesa!”

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.

Vilinga vya Miluwa 15:16

‘Shukulu Kalunga alinakwendeka ngwendi, munima ya vyuma evi njikeluka nakwilwisa lalo vumwene vwa Ndaviti. Njikavutungulula nakuvukolesa lalo.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.

Maako 2:18

Oshe aje Shukulu Kalunga aana vaIsalele lyaako, co Shukulu Kalunga wakele amo na lyaako, nakuvamena ku mavoko a vitozi vavo kutwala ku matangwa oshe akuyoya kwa uje lyaako. Shukulu Kalunga wavazivilile mema ku mbunge omo vakele nakukemanga ku mesho a vaje vavapakesele nakuvayandesa.