Njelemiya 41:1 - Livulu lya Shukulu Kalunga

¹ Mu ngonde yamucitanu na vivali ku mwaka uje vene, Ishimela, muna Netaniya mutekulu wa Elishama, wa ku naanga ya vumwene, uje wapwile umo wa vakulunu vakama va mwene, waile ku Mizipa na vanalume likumi mukumona Nguvulu Ngendaliya. Omo voshe vakele nakulya vyakulya amo,

Njelemiya 41:1 Iomraidhean Croise

2 Samwele 3:27

Omo Avinele wetele ku Hevelone, co Yowave wamutwalele kwavo lika ku cikolo, ngwe ashaka kumuleka vyakushweka, kuje vene wamutivile mu lifu. Co watsile omwo ikeye watsiile Ashahele ndolome ya Yowave.

2 Vimyene 11:1

Omo Ataliya vaina ya Mwene Ahaziya wazivile a kutsa kwa munendi, co washikile ngeci vatsiye vanu voshe va ku naanga ya vumwene.

2 Vimyene 25:22

Mwene Nevukaneza wa Mbambilone waangwile Ngendaliya, muna Ahikame mutekulu wa Shafane, kupwa nguvulu wa mu Yunda, co wamwanene moko ya ali vanu voshe vaje kuvaile ku Mbambilone.

2 Vimyene 25:25

Oloni ku ngonde yamucitanu na vivali mu mwaka uje vene, Ishimela, muna Netaniya mutekulu wa Elishama, uje wapwile wa ku naanga ya vumwene, waile ku Mizipa amo na vanalume likumi, wakalwisile Ngendaliya, nakumutsiya. Co watsiile lalo vaIsalele na vaMbambilone vaje vakele amolika nendi kuje.

2 Mizimbu 22:10

Omo Ataliya vaina ya Mwene Ahaziya wazivile kutsa kwa munendi, co washikile ngeci vatsiye vanu voshe va ku naanga ya vumwene.

Myaso 109:5

Vakevo vanjiilwisila vuvi ku vuvwa vuje njikalingi, nakunjiilwisila cizindo a cizemo cange kuli vakevo.

Myaso 41:9

Nameme musamba wange vene wa a mbunge, uje njakulaelele manene, nanjitengulukila nakunjilwisa.

Visimo 13:10

Kulyalesa kunena vukalu, oloni mana ali muli vaje vatolilila kukuvanangula.

Visimo 27:4

Kuluvala kwapwa muuka, nakushandola, oloni cipululu cinahyana kuluvala.

Njelemiya 36:12

Co waile ku lipela, ku mulili wa muka-kusoneka wa mu mbanja, kuje kuvakungulukilile vamyata voshe, Elishama, muka-kusoneka wa mu mbanja, na Ndelaya muna Shemaya, na Elenatane muna Akambole, na Ngemaliya muna Shafane, na Zendekiya muna Hananiya, na vamyata veka voshe vakele kuje.

Njelemiya 36:20

Vamyata vaakele lije livulu mu mulili wa Elishama, muka-kusoneka wa mu mbanja, co vaile ku mbanja ya mwene, kuje kuvatwalele vukaleo vwa vyuma vyoshe.

Njelemiya 39:14

vakanjishakele ku cipango ca vaka-kunyunga lipela. Co vanjikundikile kuli Ngendaliya muna Ahikame mutekulu wa Shafane ngeci anjinyunge nakunjetesa kwimbo mwamuvwa, ngecivene, njakakele kuje amolika na vanu va Yunda vaje vasaleleo.

Njelemiya 40:13

Munima yevi, Yohanane na vantwama va mashwalale vaje kuvaliitile, vezile kuli Ngendaliya ku Mizipa,

Njelemiya 40:5

Simbu kanda Nevuzalandane eluke, wendekele ngwendi, “Iluka kuli Ngendaliya, muna Ahikame mutekulu wa Shafane, uje yapwisile mwene wa Mbambilone nguvulu wa vinganda vya mu Yunda. Ya ukakale nendi nakuyoya akati ka vanu, nambe uye kwoshe kuushaka kuya.” Asinoni wanjanene vwana na vyakulya vyakuya navyo, co wanjecelele.

Njelemiya 40:6

Njaile nakukakala na Ngendaliya ku Mizipa, co njakakele akati ka vanu vaje vasalele mu lifuti.

Njelemiya 40:7

Vamyata vamo va vaYunda na mashwalale vakevo kuvaliitile. Vazivile ngwavo mwene wa Mbambilone napwisa Ngendaliya nguvulu wa lifuti, co namupwisa muka-kukenga voshe vaje kuvavatwalele ku Mbambilone, vaka-kuutwa vaje vakele mu lifuti.

Njelemiya 40:8

Ngecivene, Ishimela muna Netaniya, na Yohanane muna Kaleya, na Selaya muna Tanehumete, na vana va Efai va ku Netofa, na Njezaniya wa ku Maka vaile na vanu vavo kuli Ngendaliya ku Mizipa.

Ezekiyele 17:13

Co waangwile umo wa ku naanga ya mwene, walingile nendi cikumiiyo, nakumusingisa ngeci apwe wa kulongwa. Watwalele vanalume va vulemu kupwa vakwatika,

Yowano 13:18

“Kunjesi nakwendeka yeni voshe embwe, njinazivuka vaje njinaangula. Oloni visoneka vipwe vya vushunga omo vyendekele ngwavyo, ‘Munu uje walile vyakulya nange nemuka citozi cange.’