Njelemiya 4:6 - Livulu lya Shukulu Kalunga

⁶ Junduleni pandelo muleke vanu vaye ku Siyone! Yeni mukavande! Kesi mwishwale embwe! Shukulu Kalunga alinakunena tuyando twakama, nakunyongesa kwakama kutunda ku kunto.

Njelemiya 4:6 Iomraidhean Croise

Isaya 62:10

Eni vanu va Yelusalema, tuukeni mu nganda, vwaeseni tapalo ya vanu veni vaje valinakwiluka! Vwaeseni tapalo, kombenimo mamanya! Junduleni cizivukiso ngeci miyati ya vanu vazivuke kwakuya.

Njelemiya 10:22

Tolilileni muzimbu unaija! Kuli kalwa kakama manene ku lifuti lya ku kunto, mashwalale vakwo vakanyongesa vinganda vya mu Yunda, nakuvipwisa mutambela wakukala vimbanje.”

Njelemiya 18:11

Ngecivene, ololo, leka vanu va mu Yunda na vanu va mu Yelusalema ngwove njilinakutumba matumbe akuvalwisa, nakuvahisa. Valeke ngeci valikele kuyoya mu vuvi, vatenguluke ku vingila vyavo na ku vyuma vivalinakulinga.

Njelemiya 21:7

Oloni yove ni, na vamyata vove, na vanu vaje vanasalao mu nzita, na ku njala ya lyangengela, na ku mushongo, njikecelela yeni voshe vakamifungulule kuli Mwene Nevukaneza na ku vitozi veni vaje vakamitsiya. Nevukaneza akamitsiya kakasezeo umo nambe kumizivilako mema ku mbunge, nambe kutetelako munu umo. Yange Kalunga, njinendekamo.”

Njelemiya 22:7

Njikatuma vanu ngeci vakalinyongese. Voshe vakaija na vinjaviti vyavo mukushinja vimanda vyayo vyavivwa vya kendale, nakuvyumbila mu liko.

Njelemiya 25:9

‘Njikanena miyati ya vanu voshe vakutunda ku kunto na ngamba yange, Mwene Nevukaneza wa Mbambilone. Njikavanena ngeci vakulwise Yunda na vanu vamwo, nakulwisa miyati ya vaje muvanalyatela. Njikanyongesa muyati ou na vandambo vavo, co kukakala vingundu lika, cikapwa cimweso cakukomokesa nakulisimoka. Yange Kalunga, njinendekamo.

Njelemiya 4:21

Visimbu vingaijo njikamona vipandelo vya vitozi, nakuziva kusika kwa malupembo?

Njelemiya 50:2

“Leka muzimbu ou akati ka miyati ya vanu! Co wambulule! Jundula pandelo nakuwambulula! Kesi uushweke embwe, oloni wambulule ngwove, Mbambilone vakaifungulula, njambi yendi Manduke akaziva shwamwa, akashula na lyova. Tumponya twa Mbambilone tukaziva shwamwa, tumponya twendi twa vunyengwe vakatupujula!

Njelemiya 50:22

Muyoyo wa nzita vanauzivi mu lifuti, unapu muyoyo wakuviisa kwakama.

Njelemiya 51:12

Mweseni cimweso cakulwisa vivumbe vya Mbambilone. Vaka-kunyunga vakolese! Akeni vaka-kunenga! Akeni vaka-kuvandamena!” Shukulu Kalunga nalingi vije vyendekele ngwendi akavilinga kuli vanu va Mbambilone.

Njelemiya 51:27

“Mweseni cimweso cakulwa! Co imbeni lupembo ngeci miyati yoshe ya vanu vazive! Kungululeni miyati vakalwise Mbambilone! Lekeni vumwene vwa Alalate, Mini, na Ashekenaze ngeci valwe. Anguleni mwata muka-kutwamenena nzita. Neneni tuvalu valwe ngwe vinjame vya vimbimba.

Njelemiya 51:54

Shukulu Kalunga alinakwendeka ngwendi, “Tolilileni mbimbi yakulila mu Mbambilone, kulila kwakunyongesa mu lifuti.

Njelemiya 6:1

Vanu va Mbenjemani, teweni ngeci mwovoke! Teweni mutunde mu Yelusalema! Imbeni vimbendo mu Tekowa, co imikeni cimweso ca tuhya mu Mbete Hakeleme. Tuyando twakama nakunyonga vilinakwija kutunda ku kunto.

Njelemiya 6:22

Shukulu Kalunga alinakwendeka ngwendi, “Vanu valinakwija kutunda ku lifuti lya ku kunto, muyati wa vanu va nzili wa kulyala ulinakulivwaesela kulwa nzita.

Ezekiyele 9:1

Asinoni njazivile Njambi atambeka ngwendi, “Ijeni kuno, yeni vanalume vavanaangula mukuhisa nganda. Ijeni na vitwa vyeni.”

Ezekiyele 9:2

Co vwasi-vwasi vanalume vatanu na umo vezile kutundilila ku cikolo ca ku kunto ca ku Njuvo ya Shukulu Kalunga, umo na umo wambatele citwa cendi ca vushungu. Akati kavo akele munalume umo wazalele vuzalo vwa linyu, wambatele cisonekeso. Voshe vakovelele mu Njuvo ya Shukulu Kalunga vemanene kuyehi na mutula wa vunengu.

Zefaniya 1:10

“A litangwa lije mukaziva muyoyo wakulila ku Cikolo ca Visi ca Yelusalema. Mukaziva kutendeka kwakama mu mutambela wamucivali wa mu nganda na muyoyo wa vinjuvo vilundumuka akamwa ya malundu a Yelusalema.

Zakaliya 6:6

Co litemba lije livakokele tuvalu vakuzivala lyaile ku kunto ku Mbambilone, co tuvalu vakutoka vakengeselele mu kangombe ka yambi, co tuvalu vakuvenguluka vaile ku lifuti lya ku mbwela.