Njelemiya 4:31 - Livulu lya Shukulu Kalunga

³¹ Njazivile muteto ngwe wa munakazi ashaka kukita, muteto ngwe wa munakazi ashaka kukita munendi wa ntwatwa. Wapwile muteto wa Yelusalema wakuhwimangana, nakulombela ngeci vamukwase, co endeka ngwendi, “Njinanyongo! Valinakwija mukunjitsiya!”

Njelemiya 4:31 Iomraidhean Croise

Kushangumuka 27:46

Lembeka wendekele kuli Isake ngwendi, “Njinajuka ali vanakazi va Isau va vaHiti. Nga na Yakomba lalo akambata umo wa vanakazi va vaHiti ngwe ava, mwamuvwa kuli yange nga kutsa vene.”

Yombi 10:1

“Njajuka kuyoya. Njikalyendekela kukulinyenga kwange. Njikendeka vyakulinyenga vije vili mu mbunge yange.

Myaso 120:5

Kukala akati keni kunapu kwakuvi ngwe kukala mu Meshake, nambe kukala akati ka vanu va ku Kendale!

Isaya 1:15

“Omo mujundula mavoko eni mukulombela, kunjikamikenge embwe, nambe mulombela malombelo amangi-mangi, kunjikamizivi, omwo mavoko eni anashulu na maninga.

Isaya 13:8

Vanu voshe vakalijujukila, vakakemanga ngwe munakazi akita mwana. Vakalikenga shwii umo na umo na lyova, co vihanga vyavo vikakala na shwamwa.

Isaya 21:3

Vije vinjamwene nakuziva mu cimona vyanjizivisile lyova nakuvinja, ngwe munakazi alinakukita.

Isaya 26:17

Ngecivene, yove Shukulu Kalunga, twafwile ngwe munakazi uje akemanga akukita mwana.

Isaya 42:14

Njambi alinakwendeka ngwendi, “Njinoloka kuluu simbu yakama, kunjakumbulwile vanu vange. Oloni ololo simbu yakulinga cuma cimo inete, njikatambeka ngwe munakazi akita.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Njelemiya 10:19

Co vanu va mu Yelusalema valilile ngwavo, “Kayeketu tunavulumuka manene! Vimbandu vyetu kuvikanguka. Twayongwele ngwetu tukasimpa!

Njelemiya 13:21

Vatijo mukendeka omo vanu vaje vapwile vasamba veni vakamifungulula nakumishwana? Mukakemanga ngwe munakazi ashaka kukita.

Njelemiya 14:18

Omo njiya mu mahya njimona mivila ya vaje vatsililile mu nzita, omo njikovela mu membo, co njimona vanu valinakulanduka ku njala. Oloni vaka-kwimanena na vaka-kukombelela valinakupanga vipangi vyavo, kuvazivuka vije vilinakulingiwa.”

Njelemiya 15:18

Omwo vikajo njilinakuyanda simbu yoshe? Omwo vikajo vimbandu vyange kuvyesi nakwola? Omwo vikajo kuvyesi nakukanguka? Kuma ushaka kunjiyeluwisa ngwe ndonga yuma a simbu ya nyangao ndi?”

Njelemiya 18:21

Oloni ololo Shukulu Kalunga tava vana vavo valanduke ku njala. Vecele vakavatsiile mu nzita. Vanakazi vajeneke vanalume vavo na vana vavo, vanalume vatse ku mushongo, co vakwenje vatsile mu nzita.

Njelemiya 22:23

Mulinakukala mwamuvwa mukati ka miti ya kendale yakutunda ku Lembanone, oloni mukakala manene na vusiwa mukakemanga omo mushongo ukamiwana, mushongo ngwe wa munakazi uje ashaka kukita.

Njelemiya 30:6

Co ololo olokeni muyongole! Kuma munalume asa kukita mwana ngeci mwakalingi munakazi ndi? Omo vikajo njinamono vanalume voshe vanakwata mavoko avo ku mafu avo ngwe munakazi ashaka kukita? Omwo vikajo munu na munu cihanga cendi citokoloka?

Njelemiya 45:2

Shukulu Kalunga, Njambi ya Isalele nendeka ngwendi, “Mbaluke,

Njelemiya 48:41

co vinganda na vimpaka vakavifungulula. A litangwa lije mashwalale va Mowavi vakalijajela ngwe munakazi ashaka kukita.

Njelemiya 49:22

Citozi akalwisa Mbozile ngwe ngonga ashelumuka nakujangumuna mambava endi, a litangwa lije mashwalale va Endome vakalijajela ngwe munakazi ashaka kukita.”

Njelemiya 49:24

Vanu va ku Ndamasiku vanazeye, co vatewa na lyova. Valinakukemanga nakuziva tuyando ngwe munakazi ashaka kukita.

Njelemiya 50:43

Mwene wa Mbambilone nazivi muzimbu wavo, co nazeye omwo lyova. Ikeye ali mu vukalu vwakama, nakukemanga ngwe munakazi ashaka kukita.

Njelemiya 6:2

Nganda ya Siyone yapwa yaivwa oloni vakainyongesa,

Mbimbi 1:17

“Njolola mavoko ange, oloni naumo wai anjikwasa, Shukulu Kalunga nanjisanena vitozi ngeci vakunjilwise ku mitambela yoshe, Vananjipwisa ngwe cuma ca mazilo.

Mbimbi 1:20

“Shukulu Kalunga, kenga tuyando twange, kenga kukemanga kwa mwonyo wange! Mbunge yange ilinakulwa mu nulo, omwo vusiwa vwa vuvi vwange. Kuli kulitsiya mu vitapalo, nameme mu vinjuvo muli kutsa.

Mbimbi 2:21

Vakwenje na tukulukazi vanalala mu vitapalo vanatsi. Vakwenje na vambanda, vitozi vanavatsii na mikwale. Yove wavatsiile kujeneka kuvazivilako mema ku mbunge, a litangwa lya vukalu vwove.

Hoziya 13:13

Co Isalele ali na simbu yakuyoya, oloni akuyimona cinapu ca vulema manene, cinapu ngwe mbututu uje ali muyehi nakusemuka, oloni kashaka kutunda mwimo!

Mika 4:10

Yeni vanu va mu Yelusalema ziveni mushongo nakulinyenga ngwe munakazi ali a funga, co ololo mukaseza nganda nakukakala mushandangala yangoco. Mukaya ku Mbambilone, oloni kuje Shukulu Kalunga akamyamena ku vitozi veni.

Mika 4:9

Omwo vikajo ulinakulilila nakutendeka? Omwo vikajo ulinakuyandela ngwe munakazi ali a funga? Omwo kuwesi na mwene, co lalo na vaka-kunangula vove vanatsi ndi?

Mika 7:1

Kukwesi cinyangavili! Njinapu ngwe uje ali na sholovya ya mukolovozi wa vushuka vwa vinyu nambe vushuka vwa miti ya mukuyu, oloni kasa kuvuwana ku miti.

Mateo 21:5

“Lekeni nganda ya Siyone ngweni, Kenga, mwene yove alinakwija kuli yove! Wa kulikeesa, co nalondo a cimulu, naa muna cimulu wamundondo.”

1 Kolinte 9:16

Omwo kunjesi na moko yakulishasha omwo akwambulula muzimbu wauvwa. A vyoshe evi, njili mwisi ya mashiko akulinga ngacije. Ngongo yange nga kunjambulula muzimbu wauvwa!

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.