Njelemiya 4:30 - Livulu lya Shukulu Kalunga

³⁰ Yelusalema, unanyongo! Omwo vikajo uzalela vyakuvenga? Omwo vikajo uzalela vya senga nakukwita mufwitilo ku mesho ove? Ulisina ngoco kulivwaesa! Vaka-cizemo cove vanakuvyana, vashaka kukutsiya.

Njelemiya 4:30 Iomraidhean Croise

2 Vimyene 9:30

Yehu wezile ku Njezelele. Co Njezevele akuziva vije vyalingiwile, wakwitile vyemba ku mesho endi, nakuvwaesa vin̄ambu vyendi, wemanene mu njanena ya lipela nakukengelela ku ngila.

Visimo 6:25

Kesi utave munakazi wa cifwa cangacije akukokweye na vuvwa vwendi, nambe na mesho endi embwe.

Visimo 7:10

Co uje munakazi waliwanene na uje mukwenje, uje munakazi wazalele vuzalo vwa vukwizi, co wakele na vutumbe mu mbunge yendi.

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Isaya 20:6

Omo vyuma evi vikalingiwa, vanu vaje vatungila ku ngenge ya ndonga ya mema a kalunga ya Filisitiya vakendeka ngwavo, ‘Kengeni vije vinalingiwa ku vanu vaje twajendamenene ngeci vatunyunge kuli mwene wa Asilya! Twasa kuyoya vatijo?’ ”

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Njelemiya 13:21

Vatijo mukendeka omo vanu vaje vapwile vasamba veni vakamifungulula nakumishwana? Mukakemanga ngwe munakazi ashaka kukita.

Njelemiya 22:23

Mulinakukala mwamuvwa mukati ka miti ya kendale yakutunda ku Lembanone, oloni mukakala manene na vusiwa mukakemanga omo mushongo ukamiwana, mushongo ngwe wa munakazi uje ashaka kukita.

Njelemiya 30:14

Vaje vamizemene voshe vanamivala, kuvesi nakumyumba lalo mbunge. Njinamilwisa ngwe citozi, cihiso ceni cinapu cacikalu, omwo vivi vyeni vinapu vyavingi na kupenga-penga kweni kunapu kwakama manene.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Mbimbi 1:19

“Njasanene vasamba vange, oloni vavyanene kunjikwasa. Vaka-kukombelela amo na vantwama vatsililile mu vitapalo vya mu nganda, mukushakezeka vyakulya ngeci vivayoyese.

Mbimbi 1:2

Vutsiki vwoshe alinakulila, co misozi yendi ilinakwolomokela ku vinana vyendi. Vasamba vendi voshe vaje vakele navo, naumo wai aliko ngeci amuzembeleke. Vasamba vendi voshe vanamwende vungungu, ololo voshe vanamutengulukila nakumulwisa.

Mbimbi 4:17

Twakengelelele vukwasi kwija kuli yetu noo twajukile kukengelela. Twakengelelele ngeci tumone vukwasi vutunda ku muyati umo wa vanu, oloni muyati wa vanu naumo wai watwanene vukwasi.

Ezekiyele 28:13

Yove wakele mu Endeni lihya lya Njambi, wazalele vya mamanya a miyati yoshe, mamanya a lumbi, na ndaimani, na topaze, na mbelilu, na kanelya, na njasipa, na safile na emalinde, na nganete. Yove wakele na makai a ngolinde. Vakulingililewo a litangwa lije vakutangele.

Ezekiyele 28:9

Omo vakaija nakukutsiya, kuma lalo ukendeka ngwove unapu u njambi ndi? Ukapwa u munu kesi u njambi omo vakakutsiya.

Ovandiya 1:7

Vanu vaje mwalizivasanene navo, vanamisheke mu lifuti lyeni. Vanu vaje vakele mu kwoloka neni, ololo vanamifungulula. Vasamba veni va a mbunge vanamitela mweto, co vendeka ali yeni ngwavo, ‘Kuje kunyanyama kwavo vakelenakwo kuli kulijo?’

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.

Kujombolola 17:13

Ava likumi voshe vali na vutumbe vumo, co vaana nzili na moko yavo kuli uje cikashama.

Kujombolola 17:2

Vimyene va ano asi valingile nendi vupangala, co vanu va mu kaye vapendele mukunwa vinyu vya vupangala vwendi.”

Kujombolola 17:4

Uje munakazi wazalele nanga yakuvenguluka neyi yakuvenga, co vaicakeyeye na ngolinde na mamanya a seo na makwalale. Wakwatele nganja ya ngolinde mu livoko lyendi yakushula na vunyengwe na vyuma vya mazilo, vikevyo vyakutunda ku vupangala vwendi.