Njelemiya 4:29 - Livulu lya Shukulu Kalunga

²⁹ Akuziva muyoyo wa vaka-kulonda a tuvalu na vaka-mata a lusipa, co vanu voshe vakatewela kulyala. Vamo vakatewela mu shwata, vakwavo vakavanda mu mamanya. Vinganda vyoshe vikasala vyamupulungwa, co naumo wai lalo akakalamo.

Njelemiya 4:29 Iomraidhean Croise

2 Mizimbu 33:11

Ngecivene, Shukulu Kalunga watavele vamyata vaka-kushika mbunga ya mashwalale vaAsilya ngeci valwise Yunda. Co vafungulwile Manase, vamukovelesele tulovo, co vamukutile malyenge, vamutwalele ku Mbambilone.

Isaya 30:17

Vanu vakupwa 1,000 vakatewa omo vakamona citozi wa lishwalale umo, co mashwalale vatanu vasa kumisheka yeni voshe. Nacimo cai ca nzita yeni cikasalao kuvanga citi ca pandelo lika cije cikasala akamwa ya lilundu.

Isaya 6:12

Yange njikashekela vanu ava kulyala nakupwisa lifuti lyoshe vingundu.

Njelemiya 16:16

Shukulu Kalunga alinakwendeka ngwendi, “Njikatuma vaka-kuta visi vavangi kwija nakukwata vanu ava. Asina lalo njikatuma viyambi vavangi mukuyomba vanu ava mu minkinda na a malundu, na mu manzenzengoma, na mukati ka mamanya.

Njelemiya 4:7

Ngwe ndumba atunda ku mwela wanavutama, muka-kunyongesa miyati ya vanu nakatuka laja. Alinakwija mukunyongesa Yunda. Vinganda vya Yunda vikasala vyamupulungwa, co naumo wai akakalamo.

Njelemiya 52:7

co vivumbe vya nganda vavituvile. Nameme vaMbambilone vazengelekele nganda, oloni mashwalale voshe vatewele ku simbu ya vutsiki. Vatuukilile ku cikolo ca ku lihya lya vumwene, co vetilile mu ngila ya ku cikolo ca mukati ka vivumbe vivali, co vatewelele ku mutambela wa ku Cana ca Yondau.

Njelemiya 6:23

Mashwalale vavo va muuka vakujeneka mema ku mbunge vanambata mata avo a lusipa na mikwale yavo, muyoyo wa tuvalu twavo omo vashatuka unalifu ngwe kungwanjanga kwa mema a kalunga, vanalivwaesela cimweja kulwisa Yelusalema.”

Amose 9:1

Njamwene Shukulu Kalunga nemana kumukulo wa mutula. Co washikile lishiko ngwendi, “Pupeni manene mitwe ya vimanda vya Njuvo yange ngeci vipamba vijaje. Vipokozoleni ngeci viwile a mitwe ya vanu. Co njikatsiila mu nzita vanu vaje vakasalao. Naumo wai akasalao, naumo wai akaputumuka.

Luka 23:30

Ije ikeyo ikapwa simbu omo vanu vakendeka ku minkinda ngwavo, ‘Tuwileni!’ Na ku malundu ngwavo, ‘Tufwikeni!’

1 Samwele 13:6

VaFilisitiya valwisile vaIsalele manene, vavaakele mu vukalu vwakama. Co vamo va vaIsalele vavandele mu manzenzengoma a mamanya, na mu viteke, na mukati ka vimbulu vya mamanya, na mu masima.