Njelemiya 4:28 - Livulu lya Shukulu Kalunga

²⁸ Kaye kakalila, co lilu likazivala. Shukulu Kalunga nendekamo, co kakatengulula viyongola vyendi. Mukemwo mwanayongola, co kakatengululako mweka lalo.

Njelemiya 4:28 Iomraidhean Croise

Isaya 24:4

Kaye kauma nakujujwama, nakuzeya, kaye na lilu vikanyongolokota.

Isaya 34:4

Litangwa, na ngonde, na vingongonosi vikanyongolokota. Lilu vakalizenga ngwe livulu, co vingongonosi vikawa ngwe maputa atotomoka ku mukolovozi wa vushuka vwa vinyu nambe ku muti wa mukuyu.

Isaya 5:30

Omo litangwa lije likaija, vakakuma a Isalele ngwe mema a kalunga. Kengeni a lifuti eli! Lisusulungu na tuyando! Ceke cinatenguluka kupwa lisusulungu.

Isaya 50:3

Njasa kutengulula lilu kupwa lyakuzivala, ngwe vikeleya vije mukazala, omo mulila vatsi.”

Njelemiya 12:11

Vanalipwisa ngundu, linasala lyangoco ku mesho ange ngwe ngundu. Lifuti lyoshe linapu mambo ku mesho ange, co naumo wai nombuko mbunge.

Njelemiya 12:4

Visimbu vingai lifuti lyetu likauma, na mwila wa mu mahya oshe ukajujwama? Tusitu na tuzila valinakutsa omwo vuvi vwa vanu vetu, vanu ava valyalesa nakwendeka ngwavo, “Njambi kamono evi tulinakulinga.”

Njelemiya 14:2

“Yunda alinakulila omwo vikolo vyamwo vinazeye, vanu vamwo vanatumbama asi valinakulila, co Yelusalema ilinakulila manene.

Njelemiya 23:10

Lifuti lyashulu na vanu vakujeneka kulongwa kuli Shukulu Kalunga vapangesa nzili yavo mukulinga vyuma vyavivi. Omwo ya cisingo ca Shukulu Kalunga lifuti lilinakulila, co mu vyana vyakulila vimuna munomu cau.

Njelemiya 23:20

vukalu vwa Shukulu Kalunga kuvukahu kuvanga noo namanesa kulinga vyuma vyoshe vije vyayongwele kulinga. Ku matangwa a kulutwe vanu vendi vakazivisisa vyuma evi mwamuvwa.”

Njelemiya 30:24

Vukalu vwa Shukulu Kalunga kuvukahu kuvanga noo namanesa kulinga vyuma vyoshe vije vyayongwele kulinga. Ku matangwa a kulutwe, vanu vendi vakazivisisa mwamuvwa vyuma evi.

Njelemiya 51:12

Mweseni cimweso cakulwisa vivumbe vya Mbambilone. Vaka-kunyunga vakolese! Akeni vaka-kunenga! Akeni vaka-kuvandamena!” Shukulu Kalunga nalingi vije vyendekele ngwendi akavilinga kuli vanu va Mbambilone.

Njelemiya 7:16

Shukulu Kalunga wendekele ngwendi, “Njelemiya, kesi ulombelele vanu ava. Kesi uvatambekeleko nambe kuvalombelelako akuvemanenako, kesi uvaakwile omwo kunjikakutolilila.

Mbimbi 2:17

Shukulu Kalunga nalingi vije vyashakele kulinga, ikeye natunyongesa kujeneka mema ku mbunge, ngwe muje mwatunangwile ku san̄ulu. Ikeye nahyanesa vitozi vetu, navaana kujolela omo tunau.

Ezekiyele 24:14

Munjinendeka yange Kalunga. Cikalingiwa, yange njikacilinga. Kunjikombuko mbunge ku vuvi vwove, nambe kumwesa ngozi nambe kuziva mema ku mbunge. Njikakuhisa a vije viwunalingi.” Munjinendeka yange Kalunga wa Akamwa ya Vyoshe.

Hoziya 13:14

Kunjikasa kwamena vanu ava kutunda ku vukalo vwa vatsi, nameme kuvovola ku nzili ya kutsa. Yove kutsa, nena mishongo yove, yove vukalo vwa vatsi, nena kunyongesa kwove. Kunjikazivila vanu ava mema ku mbunge.

Hoziya 4:3

Ngecivene, lifuti likauma cau, co vyuma vyoshe vije vyakalamo vikatsa. Tusitu na tuzila voshe nameme visi vakatsa.”

Njwele 1:10

Mahya anaviya, lifuti lilinyenga, omwo vimbuto vinanyongo, na mikolovozi ya vushuka vwa vinyu inomu yoshe cau, na miti ya olive yajujwama.

Zakaliya 8:14

Shukulu Kalunga Muka-nzili yoshe alinakwendeka ngwendi, “Omo vakukulwila veni vanjiluvalesele, co njayongwele kuvalinga mwamuvi, co kunjatengulwile viyongola vyange embwe, oloni njalingile ngwe vene muje njayongwele.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Mateo 27:45

Kushangumuka akati ka mutwe, kwakele lisusulungu mu lifuti lyoshe, a maola atatu.

Mako 15:33

Co omo litangwa lyakele akati ka mutwe, kwakele lisusulungu mu lifuti lyoshe a maola atatu.

Luka 23:44

Omo simbu yapwile akati ka litangwa, co litangwa lyazivalele, kwakele lisusulungu mu lifuti lyoshe lije lyakeleko noo a maola atatu,

Efeso 1:11

Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.

Efeso 1:9

Njambi walingile vije watumbwile kulinga, co watusholwelele vutumbe vwendi vwakushweka vuje vwayongwele laja ngeci vuhwile ali Kilistu.

VaHevelu 7:21

Oloni Yesu vamupwisile Muka-kukombelela a ngila ya cisingo omo Njambi wendekele kuli ikeye ngwendi. “Shukulu Kalunga nalisingi, co kakatengulula viyongola vyendi, Yove ukapwa vene Muka-kukombelela ku myaka yoshe.”

Kujombolola 6:12

Co njamwene Muna Manga avatula kasateso kamucitanu na kamo. Co kenga, kwakele mandunduma akama manene, litangwa lyazivalele ngwe cikeleya cakuzivala na ngonde yemukile lalo yakuvenga ngwe maninga.

1 Samwele 15:29

Njambi ya Isalele Muka-nzili yoshe kesi kwendeka makuli nambe kesi kutengulula viyongola vyendi embwe. Omwo ikeye kesi munu, ngeci atenguluke embwe.”