Njelemiya 4:27 - Livulu lya Shukulu Kalunga

²⁷ (Shukulu Kalunga nendeka ngwendi kaye koshe kakapwa mambo, oloni kukakanyongo embwe.)

Njelemiya 4:27 Iomraidhean Croise

2 Mizimbu 36:21

Ngecivene, vyoshe vyendekele Shukulu Kalunga muli Njelemiya muka-kwimanena vyalingiwile ngwendi, “Lifuti likapwa ngundu a myaka makumi atanu na avali, kwana simbu ku Litangwa Lyakuhwima, lije kuvanyungile.”

Nehemiya 9:31

Omwo ngozi yove yakama, kuwavasezele nambe kuvanyongesa. Yove Njambi muka-ngozi na mema ku mbunge!

Isaya 17:6

Kuvanga vanu vavandondo lika vakasalao, co Isalele ikapwa ngwe muti wa olive uje uvanavuyu vushuka vwoshe kuvanga vuvali nambe vutatu lika vwa ku shongo-shongo vunasalako, nambe vwavundondo lika vunasala kwisi ya minango. Yange Kalunga Njambi ya Isalele, njinendekamo.”

Isaya 24:1

Shukulu Kalunga akanyongesa ano asi, co akapwa amupulungwa. Akafulumika kaye nakushandola vanu vao.

Njelemiya 18:16

Lifuti lyavo vanalipwisa lyakukomokesa, likapwa lyakushauka ku myaka yoshe. Voshe vaje vaketilamo vakalisimoka a vije vakamonamo, vakaningangesa mitwe yavo nakulikomokela.

Njelemiya 25:11

Lifuti lyoshe eli likapwa ngundu, likapwa mutambela wakukomokesa, co miyati ya vanu vavanalyata navo vakapangela mwene wa Mbambilone myaka makumi atanu na avali.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 4:20

Tuyando tulinakulikavasana, lifuti lyoshe lyasala mupulungwa. Ololo vimbalaka vyetu vinanyongo, mavamba avyo anatavozoka tavu-tavu.

Njelemiya 4:7

Ngwe ndumba atunda ku mwela wanavutama, muka-kunyongesa miyati ya vanu nakatuka laja. Alinakwija mukunyongesa Yunda. Vinganda vya Yunda vikasala vyamupulungwa, co naumo wai akakalamo.

Njelemiya 44:6

Ngecivene, kuluvala kwange na vukalu vwange vwashwamene a vinganda vya mu Yunda na a vitapalo vya mu Yelusalema, co njavyenyekele na tuhya. Ololo vinapu vingundu vyakukomokesa na ku litangwa lya lelo.

Njelemiya 46:28

Njikaija kuli yeni nakumyamena, njikanyongesa miyati yoshe ya vanu kuje kunjamishandwelele, oloni yeni kunjikaminyongesa embwe. Njikamyecela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 5:10

Njikatuma vitozi vakashinja vitungu vya mikolovozi ya vushuka vwa vinyu ya vanu vange, oloni kuvakainyongesa yoshe, njikavaleka ngeci vajokoleko minango, omwo kesi vanu vange embwe.

Njelemiya 5:18

Shukulu Kalunga alinakwendeka ngwendi, “Nameme ngoco, a matangwa aje kunjikanyongeselela muyati wa vanu vange embwe.

Njelemiya 7:34

Njikolwesa muyoyo wakujolela mu vinganda vya mu Yunda na mu vitapalo vya mu Yelusalema, co njikolwesa muyoyo wakujolela na muyoyo wakuvwaelela wa ciwano ca vulo omwo lifuti likapwa ngundu.

Njelemiya 9:11

Shukulu Kalunga alinakwendeka ngwendi, “Njikapwisa Yelusalema mambo, na vinganda vya mu Yunda kupwa mambo muje mukayoyela vimbanje, ukapwa mutambela uje naumo wai akakalamo.”

Mbimbi 2:7

Shukulu Kalunga wasezele mutula wendi, nakuseza lalo Njuvo yendi yakujela, ikeye watavele vitozi kusiwula vivumbe vyayo. Vitozi valingile muyoyo mu Njuvo ya Shukulu Kalunga, ngwe a litangwa lya ciwano.

Ezekiyele 11:13

Omo njambulwile vuka-kwimanena, Pelatiya muna Mbenaya watsile. Co vwasi-vwasi njakulamene asi nakutambeka ngwange, “Embwe, Shukulu Kalunga wa Akamwa ya Vyoshe! Kuma ukanyongesa vanu voshe vaje vanasalao mu Isalele ndi?”

Ezekiyele 20:17

“Oloni njavazivilileko mema ku mbunge. Co njayongwele ngwange kesi njivatsiile muje mu mambo.

Ezekiyele 33:28

Co lifuti njikalipwisa vingundu vyangoco, co nzili ije vakele nakulyalesela nayo ikahwa. Minkinda ya Isalele ikapwa mambo yangoco, co naumo wai akasa kwita mukati kayo.

Ezekiyele 6:14

Eyo, njikolola livoko lyange nakunyongesa lifuti lyavo. Njikalipwisa ngundu kutunda mu mambo ku mbwela nakweta ku nganda ya Limbela ku kunto, kunjikasezeo mutambela umo kuje kuvakala vaIsalele. Asinoni munu woshe akazivuka ngeci yange njapwa Kalunga.”

VaLevi 26:31

Njikapwisa membo eni vingundu, co njikanyongesa myela yeni yakulemesela, co kunjikavwaelela na vwisi vwa lwengo lwaluvwa lwa vin̄ombelo vyeni.

VaLevi 26:44

Oloni nameme ngoco, omo vacili mu lifuti lya vitozi vavo, kunjikavombila kuti embwe, nambe kuvanyongeselela. Kunjikapokola cikumiiyo cange navo, omwo yange njapwa Kalunga Njambi yavo.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.