Njelemiya 4:24 - Livulu lya Shukulu Kalunga

²⁴ Njakengele ku minkinda, co yakele nakujaja, na malundu akele nakuninganga.

Njelemiya 4:24 Iomraidhean Croise

1 Vimyene 19:11

Shukulu Kalunga wendekele kuli ikeye ngwendi, “Ya ukemane akamwa ya munkinda.” Co wahuwisile lihunzi lyakama manene lije lyatavozwele malundu na mamanya, oloni Shukulu Kalunga kakelemo mu lihunzi embwe. Co lihunzi lyalikelele kuhuwa, asi ajajele, oloni Shukulu Kalunga kakelemo mukujaja kwa asi.

Myaso 18:7

Omo Njambi waluvalele, asi aningangele nakujaja, na maluvula a minkinda alinikile nakushengenya!

Myaso 77:18

Mikalateto ya cilumo cove yasholokele, na mihyato yahyahyatele mu kaye mwoshe, co asi ajajele.

Myaso 97:4

Mihyato ya Shukulu Kalunga itwila ceke a kaye, kaye kamona mihyato, co kajaja.

Kutuuka 19:18

Co vwisi vwafwikile Munkinda woshe wa Sinai, omwo Shukulu Kalunga washulukilileo mu tuhya. Co vwisi vwatundileo vwafwile ngwe vwisi vwa mu lutengo lwakama, vanu voshe valijajelele manene.

Isaya 13:13

Ngecivene, njikajajesa melu, na asi lalo akajaja, co akatunda a mitambela yao a litangwa lije omo yange Kalunga Muka-nzili yoshe njikamwesa vukalu vwange.

Isaya 24:20

Kaye kakatalyangela ngwe muka-kupenda vwala, nakuninganga ngwe kanjuvo kaninganga na lihunzi lyakama. Kaye kanalemuwa na vuvi vwako, kakawa, co kukakenduka lalo.

Isaya 5:25

Shukulu Kalunga naluvala na vanu vendi, co nolola livoko lyendi nakuvahisa. Minkinda ikajaja, co mivila ya vanu va kutsa ikalala mu vitapalo ngwe vyuma vya mazilo. Nameme ngoco, vukalu vwa Shukulu Kalunga kuvukahwilao embwe, oloni anga akolola livoko lyendi mukuvahisa.

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Njelemiya 8:16

Vitozi vetu lajoko vali mu nganda ya Ndane, tunazivi tuvalu twavo valinakulyembula, co lifuti lyoshe lilinakujaja omo vanazivi tuvalu twavo voya. Vitozi vetu vanaija nakunyongesa lifuti lyetu na vyuma vyoshe vilimo, vanaija nakunyongesa nganda yetu na vanu vamwo voshe.”

Njelemiya 9:10

Njelemiya wendekele ngwendi, “Njikalilila minkinda, co lalo njikalinyenga mitambela kwakulila vimuna, omwo vinomu cau, co naumo wai alinakwendamo. Naumo wai aziva vingombe omo vatamuna, co tuzila na tusitu vanatewa vanai.”

Ezekiyele 38:20

Isi woshe na kazila woshe, na kasitu woshe wakama nou wamundondo, na munu woshe ali ano asi vakalijajela omwo lyova lyange. Minkinda ikawa, mamanya amalaja akatavozoka, co vivumbe vyoshe vikalundumukila asi.

Mika 1:4

Asinoni minkinda ikasangunuka mwisi yendi ngwe vulongo vuli mu liko, iketikila mu vimbongo ngwe mema alinakwitikila asi kutunda ku lilundu.

Hambakuke 3:10

Omo minkinda yakumwene, co yaningangele, mema etikile kutunda mu mashelwa. Mema a mwisi ya asi akumine, co mankimba awo akatukile kuya kwilu manene.

Hambakuke 3:6

Omo alikela, co kaye kajaja, omo akenga, co vanu voshe a kaye valijajela. Alingisa minkinda yalaja ngeci isanyozoke sanyu-sanyu, na malundu kumbwitama kwisi, malundu aje ikeye wendeleo ku san̄ulu.

Kujombolola 6:14

Lilu lyatundile ngwe livulu lyakuzenga valinakulizengela amo, co minkinda yoshe na man̄anda oshe atundile ku mitambela yawo.