Njelemiya 4:22 - Livulu lya Shukulu Kalunga

²² Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Njelemiya 4:22 Iomraidhean Croise

Kushangumuka 39:16

Co watulikile cije cikoveyo noo shukulu ya Yosefa wetele ku njuvo.

2 Samwele 13:3

Oloni Aminone wakele na musamba wendi walikeelela lizina lyendi Yonandave, muna Shamema ndolome ya Ndaviti.

Myaso 36:3

Majwi avendeka anashulu na muuka na makuli, vanaseza vilinga vya mana na vilinga vyavivwa.

Myaso 36:4

Vakatumbu matumbe amavi oku vanalala a vulili vwavo, nacimo cacivwa civakalingi cai, co kuvesi kuvyana cuma cacivi.

Myaso 53:4

Njambi wehwile ngwendi, “Kuma kuvazivuka ndi? Kuma voshe vaka-kulinga vuvi vali ku nzimba ndi? Valinakuyoyela akwivila vanu vange, co kuvesi kulombela kuli yange.”

Myaso 82:5

“Kumwesi kulinga cuma ca vushunga, co vushunga vunatundu mu lifuti.

Visimo 28:5

Vaka-vuvi kuvazivuka vushunga, oloni vaje vasingimika Shukulu Kalunga vazivuka vushunga.

Isaya 1:3

Vingombe vazivuka uje wavafuka, na vimulu vazivuka kuje akavalisila shukwainavo. Oloni vanu vange va Isalele kuvazivuka Shukulu yavo. Vanu vange kuvazivuka uje akavalisa.”

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Njelemiya 10:8

Voshe valemesa tumponya vapwa vilema. Vikajo vivalilongesa ku tumponya twa viti?

Njelemiya 13:23

Munu asa kutengulula cikonde cendi, nambe ingwe kutengulula mavala endi ndi? Nga ngoconi, amo mwasa kutenguluka, nakulilongesa kulinga vyuma vyavivwa.

Njelemiya 2:8

Vaka-kukombelela kuvehwile ngwavo, ‘Shukulu Kalunga ali kulijo?’ Vaka-kukombelela vange kuvanjizivukile. Vaka-kushwana vanjitengulukilile nakunjilwisa, vaka-kwimanena vendekele vya vuka-kwimanena mu lizina lya Mbale, co valemesele tumponya twakujeneka seo.

Njelemiya 4:21

Visimbu vingaijo njikamona vipandelo vya vitozi, nakuziva kusika kwa malupembo?

Njelemiya 5:21

‘Tolilileni yeni vanu vakujeneka mana, muli na mesho, oloni kumona kwai, co muli na matwi, oloni kuziva kwai.

Njelemiya 5:4

Asinoni njayongwele ngwange, “Vanu ava vapwa tuutu vakujeneka mana. Vakalingi vyuma vya vulema, kuvazivuka vije vyashaka Shukulu Kalunga Njambi yavo ngeci vavilinge.

Njelemiya 9:2

Tawee, ngwe njakele na mutambela wakutumbama mu mambo kunjashondoloka kuli vanu vange. Omwo voshe vanapu vaka-vungungu.

Njelemiya 9:3

Simbu yoshe vendeka makuli, makuli anatumu mu lifuti kumwesi vushunga embwe. Shukulu Kalunga nendeka ngwendi, “Vanu vange valinakulinga vuvi simbu yoshe, co kuvesi nakumba mbunge kuli yange Njambi yavo.”

Njelemiya 9:5

Voshe vakalikwisa umo na mukwavo, co naumo wai endeka vushunga, valilongesa kwendeka makuli, kuvakecela vuvi vwavo.

Ezekiyele 16:30

Evi vikevyo vyendeka Shukulu Kalunga wa Akamwa ya Vyoshe ngwendi, “Unalingi vyoshe evi ngwe cikwizi wakujeneka shwamwa.

Hoziya 4:1

Yeni vaIsalele tolilileni ku majwi a Shukulu Kalunga, omwo Shukulu Kalunga alinakusompa vanu vaje vali mu lifuti eli. Shukulu Kalunga alinakwendeka ngwendi, “Kulongwa na cizemo vyaimo mu lifuti, co vanu kuvesi nakutava ngeci yange njapwa Njambi.

Hoziya 4:6

Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

Hoziya 5:4

Vuvi vuje vuvanalingi vanu vunavonwesa kwiluka kuli Njambi yavo. Vanakakateya manene tumponya, co kuvesi nakwononoka Shukulu Kalunga.

Amose 3:10

Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga.

Mika 2:1

Cikapwa cacikalu manene kuli vaje vatumba matumbe amavi oku vanalala. Omo kukya mutondo, vwasi-vwasi omo vanawana simbu, co valinga vuvi vuje vuvanayongola.

Mika 7:3

Voshe vazivuka manene kulinga vuvi. Vantwama vashaka vwana, co vaka-kusompa vatambula mazika-kanwa. Muka-kutsimana avaleka vije vyashaka, ngecivene, voshe vatumba matumbe amavi.

Luka 16:8

Co shukulu yendi washangalele uje katumwa wakujeneka kulongwa, omwo walingile cuma ca mana, omwo vanu va ano a kaye vali na mana ku vyuma vyavo kutuvakana vanu vaje vali mu ceke.”

Yowano 16:3

Co vanu vakalinga vyuma evi kuli yeni omwo kuvazivukile Tate nambe yange.

Loma 1:22

Vendeka ngwavo vanapu vaka-mana, oloni vanapu vilema,

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Loma 16:19

Omwo vanu voshe vanazivi kulongwa kweni ku muzimbu wauvwa, co a cuma eci njilinakuvwaelela ali yeni. Njishaka mupwe vaka-mana ku vyuma vyavivwa, oloni pweni mu vangoco ku vyuma vyavivi.

Loma 3:11

naumo wai ali na mana nambe muka-kulemesa Njambi.

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

Kwituluka mu Mashiko 32:28

“Isalele wapwa muyati wakujeneka mana, kuvesi na mana omwo kuvesi kuzivisisa.

Kwituluka mu Mashiko 32:6

Kuma eyi ikeyo ngila imukapangesa nayo kuli Shukulu Kalunga ndi? Eni vikolokomba vakujeneka mana! Ikeye ishweni, uje wamitangele, ikeye wamipwisile muyati.