Njelemiya 4:2 - Livulu lya Shukulu Kalunga

² cikapwa ca vushunga kulisinga mu lizina lyange. Asinoni miyati ya vanu voshe vakanjilomba ngeci njivavezikise, co vakanjishangazala.”

Njelemiya 4:2 Iomraidhean Croise

Kushangumuka 22:18

Muli vatekulwila vove miyati yoshe ya asi ikavezika, omwo yove unononoka kushika kwange.”

1 Vimyene 3:6

Solomoni wamukumbulwile ngwendi, “Simbu yoshe wamwesele tate Ndaviti ngamba yove, cizemo cakama, ikeye walikongomekele, na kulongwa na kasingimiko mu kulitombola nove. Co yove watwaleleo kumumwesa vukama vwove na cizemo cove cije kucesi kutenguluka akumwana mwana ou ku litangwa lya lelo alinakushwana mu mwela wendi.

Myaso 72:17

Lizina lyendi likale ku myaka yoshe, lutsimo lwendi lukale simbu yoshe ngwe mulyakala litangwa. Vanu voshe vakavezika muli ikeye, miyati yoshe vehule Njambi ngeci avavezikise ngwe muje mwanavezikisa mwene!

Myaso 99:4

Mwene wa nzili wazema vushunga, yove unanena kushungama mu Isalele, kenga ngeci vushunga vulinakulingiwa.

Isaya 45:23

Cikulaeso cange capwa ca vushunga, kucikatenguluka embwe. Njalikumiiya omwo yange njapwa munjapwa ngwange, munu woshe akaija nakutsikama ku mesho ange, co akalisinga kupwa wa kulongwa kuli yange.

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Isaya 65:16

Woshe uje ali mu lifuti ashaka civezikiso, vakamuvezikisa kuli Njambi wa kulongwa. Woshe uje alisinga, alisinge a lizina lya Njambi wa kulongwa. Tuyando twa kunima tukahwa, co vakatwivala.”

Njelemiya 10:10

Oloni yove Shukulu Kalunga, wapwa Njambi wa vushunga, yove Njambi wakuyoya na mwene wa ku myaka yoshe. Omo uluvala, co kaye kajaja, miyati ya vanu kuvasa kusimpa ku vukalu vwove.

Njelemiya 12:15

Oloni omo njinavatundisamo, njikavazivila mema ku mbunge, nakuvelwisila lalo mu lifuti lyavo.

Njelemiya 12:16

Miyati ya vanu ava vakevo valongesele vanu vange kulemesa Mbale. Oloni nga vakendeka ngwavo yange Kalunga njapwa Njambi wa vushunga, co vatava lalo vanu vange ngeci vavalongese muje vanapande kunjilemesela, miyati ya vanu veka ava navo lalo vakapwa vanu vange.

Njelemiya 16:19

Yove Shukulu Kalunga, u muka-kunjinyunga nakunjana nzili, u muka-kunjikwasa a visimbu vya tuyando. Miyati vakaija kuli yove kutunda ku shongo ya kaye nakwendeka ngwavo, “Vakukulwila vetu vakele lika na vinjambi va makuli, tumponya twakujeneka seo.

Njelemiya 3:17

Simbu ikaija omo Yelusalema vakaitumbula ngwavo, ‘Litanda lya Shukulu Kalunga,’ co miyati yoshe ya vanu vakakungulukilako mukunjilemesa. Co kuvakakavangeya vilinga vya vimbunge vyavo vyakukaluwa.

Njelemiya 33:9

Yelusalema kuli yange ikwapwa nsina ya kujolela, na kasingimiko, nakushangazala, co miyati yoshe ya mu kaye vakakomoka nakujaja omo vakaziva a vyuma vyavivwa vije vinjikalinga kuli vanu va mu Yelusalema, na a kwoloka kuje kukakala mu nganda.”

Njelemiya 5:2

Nameme mulemesa Shukulu Kalunga, oloni kumwesi kulinga vije mwendeka.

Njelemiya 7:5

“Tundeni mu ngila eyi mulinakuyoyelamo, likeleni kulinga vyuma vije mulinakulinga. Lingeni mwamuvwa kuli umo na mukwavo.

Njelemiya 9:24

oloni uje alyalesa, napande kulyalesa ngeci anjizivuke nakunjizivisisa, omwo cizemo cange capwa ca myaka yoshe, co njikalingi vya vushunga nakushungama. Evi vikevyo vyuma vikanjivwaelelesa. Yange Kalunga, njinendekamo.”

Hoziya 2:19

Isalele, njikakupwisa u munakazi wange, njikapwa wa vushunga na kulongwa, co njikakumwesa cizemo cije kucesi kutenguluka na mema ku mbunge nakukupwisa u wange ku myaka yoshe.

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Zakaliya 8:8

njikavatundisa mu ngangela na mu kangombe ka yambi ngeci vakukale mu Yelusalema. Vakevo vakapwa vanu vange, nange lalo njikapwa Njambi yavo, njikavashwana na kulongwa na vushunga.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

1 Kolinte 1:31

Ngecivene, ngwe muvyendeka visoneka ngwavyo, “Woshe uje ashaka kulishasha napande kulishashela a vije vyanalingi Mwene.”

2 Kolinte 10:17

Oloni ngwe muje muvyendeka visoneka ngwavyo, “Woshe uje ashaka kulyalesa, napande kulyalesa kuli vije vyanalingi Mwene.”

Ngalatiya 3:8

Co visoneka vyenikile ngeci Njambi akaka vaje kesi vaYunda kupwa vaka-vushunga ku mesho endi akukulaela. Ngecivene, visoneka vyambulwile Vin̄anda Vyavivwa kuli Avilahama ngwavyo, “Muli yove Njambi akavezikisa miyati yoshe ya vanu.”

Kwituluka mu Mashiko 10:20

Ononokeni Shukulu Kalunga Njambi yeni nakumupangela. Kakateyeni kuli ikeye nakulisinga mu lizina lyendi lika.

Kwituluka mu Mashiko 4:30

Omo mukamona tuyando na vyoshe vije vikasholoka kuli yeni, asinoni akukotoka mukatengulukila kuli Shukulu Kalunga Njambi yeni nakumwononoka.

Kwituluka mu Mashiko 6:13

Mukasingimika Shukulu Kalunga Njambi yeni, nakupangela ikeye lika, nakulisinga a lizina lyendi lika.

Filipu 3:3

Omwo yetu, kesi ngwe vakevo embwe, twatambula kutuuka kwa vushunga, omwo yetu tukalemesa Njambi a Munzinzime wendi, co tunavwaelela a mwonyo wetu ou muli Kilistu Yesu. Kutwasa kukulaela cisemwa ca vunu.

Lute 3:13

Ngecivene, kala kuno noo kukya, co imene mutondo tukamona nga ashaka, nambe kashaka kukwambata. Nga shendi, co yange njilisinga ali Shukulu Kalunga wakuyoya ngwange njikakukongweya. Co ololo lala kuno noo mutondo.”

1 Samwele 20:3

Oloni Ndaviti wakumbulwile ngwendi, “Isho nazivuka mwamuvwa ngeci yove wanjizema manene, evi nayongola kasa kukulekavyo ngeci uvizivuke, omwo vikuzivisa ku mbunge longoto. Njilinakulisinga kuli yove a lizina lya Shukulu Kalunga wakuyoya ngwange yange kunjesi kulyala na kutsa!”