Njelemiya 4:17 - Livulu lya Shukulu Kalunga

¹⁷ co vakazengeleka Yelusalema ngwe vanu vanyunga lihya, omwo vanu vamwo vanatengulukila Shukulu Kalunga nakumulwisa. Shukulu Kalunga nendekamo.

Njelemiya 4:17 Iomraidhean Croise

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Isaya 1:8

Yelusalema lika ivanazengeleka vitozi, inapu ngwe cipundo ca muka-kunyunga citungu ca mikolovozi ya vushuka vwa vinyu, nambe ngwe cipundo ca muka-kunyunga lihya lya vinende.

Isaya 30:9

Simbu yoshe valinakutengulukila Njambi, simbu yoshe vapwa vaka-makuli, simbu yoshe vakavyana kutolilila ku vilongesa vya Shukulu Kalunga.

Njelemiya 5:23

Oloni yeni vanu mwakaluwa vimbunge, mu vaka-kutenguluka, co munanjiseze nakutengulukila kweka.

Njelemiya 52:4

co Nevukaneza wezile na mbunga ya mashwalale vendi voshe walwisile Yelusalema, a litangwa lyamulikumi ku ngonde yamulikumi mu mwaka wamucitanu na iwana wakushwana kwa Zendekiya. Co vatungile cilombo cavo anja ya nganda, co valingile mikinya noo vetele ku vivumbe vya nganda,

Mbimbi 1:18

“Oloni Shukulu Kalunga napu wa vushunga, omwo yange kunjononokele mashiko endi. Yeni vanu muli kwoshe-ikwoshe njitolilileni, kengeni vusiwa vwange. Vakwenje vange na vambanda vange vanavatwala ku vunzinda.

Mbimbi 1:8

Yelusalema navulumuna manene, co napu wa mazilo, voshe vaje vamusingimikile valinakumushendumuna. Vanamumono ali mushelengwa, akemanga nakuvandesa cihanga cendi omwo shwamwa.

Kwituluka mu Mashiko 9:24

Tunde aje anjamizivukila, munakala nakutengulukila Shukulu Kalunga.