Njelemiya 4:15 - Livulu lya Shukulu Kalunga

¹⁵ Miluwa vakutunda ku nganda ya Ndane vakwavo vakutunda ku malundu a Efalime vanaija mukwambulula muzimbu wauvi.

Njelemiya 4:15 Iomraidhean Croise

Isaya 52:7

Cinapu cuma cacivwa a minkinda kumona muluwa aija anena vin̄anda vyavivwa, vin̄anda vya kwoloka! Ambulula vyakuhyana nakwendeka kuli Siyone ngwendi, “Njambi yove ololo napu Mwene!”

Njelemiya 10:22

Tolilileni muzimbu unaija! Kuli kalwa kakama manene ku lifuti lya ku kunto, mashwalale vakwo vakanyongesa vinganda vya mu Yunda, nakuvipwisa mutambela wakukala vimbanje.”

Njelemiya 6:1

Vanu va Mbenjemani, teweni ngeci mwovoke! Teweni mutunde mu Yelusalema! Imbeni vimbendo mu Tekowa, co imikeni cimweso ca tuhya mu Mbete Hakeleme. Tuyando twakama nakunyonga vilinakwija kutunda ku kunto.

Njelemiya 8:16

Vitozi vetu lajoko vali mu nganda ya Ndane, tunazivi tuvalu twavo valinakulyembula, co lifuti lyoshe lilinakujaja omo vanazivi tuvalu twavo voya. Vitozi vetu vanaija nakunyongesa lifuti lyetu na vyuma vyoshe vilimo, vanaija nakunyongesa nganda yetu na vanu vamwo voshe.”

Yoshwa 17:15

Yoshwa wavakumbulwile ngwendi, “Nga munapu muvavangi manene, co lifuti lya malundu lya Efalime linapu lyalindondo, lamateni mu shwata mukalishinjile yeni vavenya mu lifuti lya vaPelezi, na vaLefaime ngeci mukakalemo.”

Yoshwa 20:7

Ngecivene, mu kangombe ka yambi ya Yondau vaangunwine Kendeshe mu Ngalileya, mu lifuti lya malundu lya Nafetali, na Shekeme yakele mu lifuti lya malundu lya Efalime, na Hevelone yakele mu lifuti lya malundu lya Yunda.

Maako 18:29

Vailukile lizina lya Ndani, lizina lya kukulwila yavo Ndani, muna Yakomba. Oloni laja vaitumbwile Laishe.

Maako 20:1

Vanu va Isalele voshe kutunda ku Ndani ku kunto kutwala ku Mbelesheva mu mbwela, amo na lifuti lya Ngilyande mu ngangela, valikungulwile na mbunge imo ku mesho a Shukulu Kalunga ku Mizipa.