Njelemiya 4:14 - Livulu lya Shukulu Kalunga

¹⁴ Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Njelemiya 4:14 Iomraidhean Croise

Myaso 119:113

Njazinda vanu vaje vaka-kujeneka kulongwa kuli yove, oloni yange njazema mashiko ove.

Myaso 51:2

Njijwelese ku vuvi vwange, na ku kupenga-penga kwange!

Myaso 66:18

Nga njashwekele vuvi vwange, nga Shukulu Kalunga kanjitolilile.

Visimo 1:22

“Visimbu vingaijo eni vilema mukatwalao kulinga vulema? Visimbu vingaijo mukalikela kutomba nakujola mana? Kuma kumulilongesa ndi? Njimyana kunangula kwakuvwa nakumyana mana ange.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Njelemiya 13:27

Ikeye namimono mumuli nakulinga vije vyazinda. Ikeye namimono omo mulinakukavangeya vinjambi va makuli na nakulinga vupangala a malundu na mu mahya, ngwe munalume ashungwiya munakazi wa musamba wendi, nambe ngwe kavalu wa nkomba alinakweveyeya kavalu wa lwavo. Yeni vanu va mu Yelusalema, munavindama! Simbu mukajo mukajela?

Njelemiya 17:1

Shukulu Kalunga alinakwendeka ngwendi, “Vanu va mu Yunda vuvi vweni vanavusoneka na mufwitilo wa cikuvo, vanavusoneka mu vimbunge vyeni na shongo ya ndaimani, co vavucakeya a vimbango vya mitula yeni.

Njelemiya 18:11

Ngecivene, ololo, leka vanu va mu Yunda na vanu va mu Yelusalema ngwove njilinakutumba matumbe akuvalwisa, nakuvahisa. Valeke ngeci valikele kuyoya mu vuvi, vatenguluke ku vingila vyavo na ku vyuma vivalinakulinga.

Njelemiya 2:22

Nameme wajwelesele njapau ya nzili manene, oloni anga njicimona mapwata-mapwata a milonga yove.

Njelemiya 6:19

Tolilileni yeni vaka-asi! Njikanena cihiso ali vanu ava, omwo vanavyana vilongesa vyange, co kuvononokele majwi ange.

Ezekiyele 18:31

Sezeni vuvi vwoshe vuje munakele nakulinga, co kaleni na mana amaha na vimbunge vyaviha. Omwo vikajo yeni vaIsalele mushaka kutsa?

Zakaliya 8:17

Kesi mulitumbile matumbe akulivulumuna umo na mukwavo. Kesi mulisinge omo mwendeka makuli. Njazinda makuli kujeneka vushunga na muuka.”

Mateo 12:33

“Kukala na muti wauvwa, co na vushuka vwawo vwavuvwa, nga muti vautumbula wauvi, na vushuka vwawo vwavuvi. Muti vauzivukila ku vushuka vwawo.

Luka 11:39

Co Mwene wendekele kuli ikeye ngwendi, “Kenga, yeni vaFaliseo mukajelesa nganja na lilonga akamwa, oloni mukati munashulu na muuka na vuvi.

Yowano 13:9

Simoni Petulu wakumbulwile ngwendi, “Mwene, kesi ujwelese lika ku mendi ange embwe! Oloni jwelesa ku mavoko ange na ku mutwe wange lalo!”

Vilinga vya Miluwa 8:22

Ngecivene, tenguluka utunde ku viyongola vyove vyavivi, co lomba kuli Mwene ngeci akusambese ku viyongola vyove ngwe evi.

Loma 1:21

Omwo nameme vazivuka Njambi, oloni kuvamusingimika, nambe kumukandelela. Oloni viyongola vyavo vinapu vyangoco, co mana avo amupulungwa anashulu na lisusulungu.

1 Kolinte 3:20

co lalo visoneka vikwavo vyendeka ngwavyo, “Shukulu Kalunga azivuka ngeci viyongola vya vaka-mana vinapu vyangoco.”

Yakomba 4:8

Shwenyeni kuyehi na Njambi, co na ikeye lalo akashwenya kuyehi neni. Jweleseni mavoko yeni, yeni vaka-vuvi! Jweleseni vimbunge vyeni, yeni vaka-civembulu!