Njelemiya 4:13 - Livulu lya Shukulu Kalunga

¹³ Kengeni, citozi alinakwija ngwe mashelwa. Matemba endi a nzita anapu ngwe kankumba, co tuvalu twendi vashatuka manene kutuvakana vingonga. Ngongo yetu! Tunanyongo!

Njelemiya 4:13 Iomraidhean Croise

2 Samwele 1:23

“Saulu na Yonatana, vapwile vaka-cizemo cakukomokesa manene, mu mwonyo na mu kutsa kuvalyangunukile, ku lumbisi vahyanene vingonga, co ku nzili vahyanene vindumba.

Isaya 13:5

Valinakutunda ku mafuti a kulyala a ku shongo ya asi. Co Shukulu Kalunga akamwesa vukalu vwendi mukunyongesa lifuti.

Isaya 19:1

Awa akewo majwi aa Ingito. Shukulu Kalunga aija ku Ingito, nalondo a lishelwa aija lumbisi. Vanu vanazeye omwo lyova. Co tumponya twavo vanalijujukila.

Isaya 3:8

Eyo, Yelusalema inanyongo! Co Yunda inau! Vyuma vyoshe valinakwendeka nevi valinakulinga vilinakulwisa Shukulu Kalunga, valinakushaula Njambi citona-mesho.

Isaya 5:28

Mikili yavo yapwa ya vutwesi, mata avo a lusipa akunanela cimweja. Vimbemba vya tuvalu twavo vyapwa vyakukola ngwe vutale, co mavalo a ku matemba avo akalizenge ngwe kankumba.

Isaya 66:15

Shukulu Kalunga akaija na tuhya, co matemba endi akapwa ngwe kankumba. Akaluvala manene, akahisa vitozi vendi na tuhya.

Njelemiya 10:19

Co vanu va mu Yelusalema valilile ngwavo, “Kayeketu tunavulumuka manene! Vimbandu vyetu kuvikanguka. Twayongwele ngwetu tukasimpa!

Njelemiya 4:12

oloni likapwa lihunzi lya nzili manene lije lyakashika Shukulu Kalunga! Shukulu Kalunga vavenya ikeye alinakutumbula cisompelo a vanu vendi.

Njelemiya 4:31

Njazivile muteto ngwe wa munakazi ashaka kukita, muteto ngwe wa munakazi ashaka kukita munendi wa ntwatwa. Wapwile muteto wa Yelusalema wakuhwimangana, nakulombela ngeci vamukwase, co endeka ngwendi, “Njinanyongo! Valinakwija mukunjitsiya!”

Njelemiya 46:18

Yange Kalunga Muka-nzili yoshe, yange mwene. Yange Njambi wakuyoya. Ngwe kaposhi ka Munkinda wa Tambole kali akamwa ya minkinda, ngwe Munkinda wa Kalemele wemana lwii ku ngenge ya mema a kalunga, mukemwo muyikapwa nzili ya uje akamilwisa.

Njelemiya 48:40

Shukulu Kalunga nendeka ngwendi citozi akashelumukila a Mowavi ngwe ngonga ajangumuna mambava endi,

Njelemiya 49:22

Citozi akalwisa Mbozile ngwe ngonga ashelumuka nakujangumuna mambava endi, a litangwa lije mashwalale va Endome vakalijajela ngwe munakazi ashaka kukita.”

Njelemiya 6:23

Mashwalale vavo va muuka vakujeneka mema ku mbunge vanambata mata avo a lusipa na mikwale yavo, muyoyo wa tuvalu twavo omo vashatuka unalifu ngwe kungwanjanga kwa mema a kalunga, vanalivwaesela cimweja kulwisa Yelusalema.”

Njelemiya 9:19

Tolilileni mutambi wakulila mu Siyone ngwawo, “Twaviya! Cili vene tuli na shwamwa yakama! Tunapande kutunda mu lifuti lyetu, membo etu vanawasiwula.”

Mbimbi 4:19

Vaka-kutukava vatushekele vwasi kutuvakana vingonga vakupulula. Vatukavele mu malundu, nakutukwatela mu mambo cishitumukila.

Ezekiyele 26:10

Co likungu lya tuvalu twavo likakufwika. Muyoyo wa tuvalu twavo twakukoka makalu na matemba vikaningangesa vivumbe vyove, omo vaketa mu vikolo vya nganda ije ya vivumbe vyakusiwuka.

Ezekiyele 38:9

Ikeye na mashwalale vendi na miyati yaingi vaje vali amo nendi vakalwa ngwe kankumba, co vakafwika lifuti ngwe lishelwa.”

Ndanyele 11:40

“Omo simbu ya mamaneselelo ya mwene wa Silya iketa, mwene wa Ingito akamulwisa, co mwene wa Silya akamulwisa na nzili yendi yoshe, akapangesa matemba na tuvalu, na mato akama amangi. Akafungulula mafuti amangi ngwe mema a livazi.

Ndanyele 7:4

Cikashama wakulivanga wafwile ngwe ndumba, oloni wakele na mambava ngwe a ngonga. Omo njakengeleko, co aje mambava ashutukile. Co uje cikashama vamwimikile, co wemanene lwi ngwe munu. Co vamwanene mana a vunu.

Hoziya 8:1

Shukulu Kalunga alinakwendeka ngwendi, “Imbeni mwondo wa nzita! Vitozi valinakucuncumukila mu lifuti lyange ngwe vingonga! Vanu vange vanapokola cikumiiyo cije njalikumiiye navo, co vanatengulukila vilongesa vyange nakuvilwisa.

Mika 2:4

Omo ije simbu iketa, vanu vakendeka majwi amavi ali yeni kupwa cimweso ca tuyando twakama, co vakaimba mwaso uje wa vusiwa ali yeni ngwavo, ‘Tunanyongo njwa! Shukulu Kalunga natutambula lifuti lyetu nakulyana kuli vaje vatukwatele vunzinda.’ ”

Nahumi 1:3

Shukulu Kalunga kesi kuluvala vwasi embwe, oloni wakala na nzili, co simbu yoshe akanyanyamesa vanu vaje valinga vyuma vyavivi. Kuje kwoshe kwali nakwendela Shukulu Kalunga, co kukatuka kankumba kakama, mashelwa akewo likungu lije litunda ku mendi endi!

Hambakuke 1:8

“Tuvalu twavo valinalumbisi kutuvakana shonge, co vakevo vatewesa manene na vukalu kutuvakana tungunga. Vaka-kulonda a tuvalu vakatundu ku mafuti a kulyala, co tuvalu twavo vakalingi musindo asi na vimbemba vyavo. Vaka-kulonda a tuvalu twavo vakalu nzita vwasi-vwasi nakucuncumukila a vitozi vavo ngwe vingonga.

Zakaliya 6:1

Njamwene cimona cikwavo. A simbu eyi njamwene matemba awana atundile mukati ka minkinda ivali ya vunengu.

Mateo 24:30

Asinoni cizivukiso ca Muna Munu cikasholoka mwilu, co miyati yoshe ya ano asi vakalila mbimbi-mitwe omo vakamona Muna Munu alinakwija a mashelwa na nzili na vumpau vwakama.

Kwituluka mu Mashiko 28:49

Shukulu Kalunga akamitumina muyati wakutunda kulyala, muyati wa vanu vaje kumuzivuka ndaka yavo. Vakevo vakumicuncumukila ngwe ngonga.

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.