Njelemiya 39:4 - Livulu lya Shukulu Kalunga

⁴ Omo Mwene Zendekiya na mashwalale vendi voshe vamwene vije vyakele nakulingiwa, co vesekele kutewa mu nganda a simbu ya vutsiki. Vaililile mu ngila ya citungu ca vumwene, co vetilile mu ngila ya mu cikolo ije yakulishwata mukati ka vivumbe vivali, nakutewela ku mutambela wa Cana ca Ndonga ya Yondau.

Njelemiya 39:4 Iomraidhean Croise

2 Mizimbu 32:5

Mwene wapangele manene, co wavwaesele mitambela yoshe ya civumbe, ije yatavukile myanzi, co vatungilileo tuposhi, watungile lalo civumbe ca anja. Co lalo watungulwile civumbe cije vatungilile mu ngangela ku mutambela walaja wa mu Yelusalema. Co lalo wafulile makunga amangi na vintelo.

Isaya 22:11

mwapangele lishali mukati ka vivumbe vya nganda ngeci munyungilemo mema. Oloni kumwombile vimbunge vyeni kuli Njambi, uje watumbile vutumbe vwoshe ovu ku san̄ulu, co kumwasingimikile uje watavele ngeci vilingiwe.

Isaya 22:3

Vantwama veni voshe vatewele, oloni vavafungulwile simbu kanda vacilwe nzita.

Isaya 29:2

co Njambi akanena tuyando a nganda eyi ivatumbula “Mutula wa Njambi.” Co kukakala kulila nakuulula, nganda yoshe ikapwa ngwe mutula wakufwika na maninga.

Njelemiya 32:4

co Mwene Zendekiya vakamufungulula nakumwana mu mavoko a mwene wa Mbambilone, uje akalimona nendi mesho na mesho, nakwendeka nendi.

Njelemiya 32:5

Zendekiya vakamutwala ku Mbambilone, co akakala kuje vene noo anjikamwanukila. Nameme akalwisa vaka-Mbambilone, oloni kakasa kuhyana embwe. Yange Kalunga, njinendekamo.”

Ezekiyele 12:12

Muna mwene wa munalume uje alinakuvashwana, akambata vitele vyendi a citsili mu lisusulungu, nakutewa nakutuukila mu mbengwa ije ivakamutuvila mu civumbe. Akalalameka, co kakamono kuje kwalinakuya.

Ezekiyele 12:4

Simbu kucili mutanya, longekeya citele cove ca ku vunzinda, ngeci vase kukumona, co vatave ngeci vakukengelele omo uya ku cingwezi ngwe munu aya mu vunzinda.

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

VaLevi 26:36

“Co njikalingisa cova-ova kuli vaje vanasalamo. Eli likapwa lyova lyakama manene, co vakatewa nameme cililimo ca liputa lije lilinakulipekumukila ngoco na lihunzi. Vakatewa ngwe vanu vatewa nzita, co vakaliwila-wila ngoco, nambe vitozi vavo kuvavashwenyele.

Amose 2:14

Kukwesi muka-kushatuka manene akaputumuka wai, co vanu vaka-nzili kuvakakala na nzili lalo, na mashwalale lalo kuvakasa kwamena myonyo yavo.

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.