Njelemiya 39:17 - Livulu lya Shukulu Kalunga

¹⁷ Oloni yange Kalunga, njikakunyunga, oloni kuvakakwana ku mavoko ava vanalume vaulinakuzivila lyova.

Njelemiya 39:17 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

2 Samwele 24:14

Ndaviti wakumbulwile ngwendi, “Njili mu vukalu! Oloni mwamuvwa tuwile mu livoko lya Shukulu Kalunga, omwo ikeye muka-mema ku mbunge, oloni kesi tuwile mu livoko lya munu embwe.”

1 Vimyene 18:15

Elinja wamukumbulwile ngwendi, “Ali Shukulu Kalunga Muka-nzili yoshe, ou injapangela, njikuleka ngwange njikalisholola yange vavenya kuli mwene ku litangwa lya lelo.”

1 Vimyene 18:16

Ngecivene, Ovandiya waile kuli Mwene Ahave nakumuleka, Ahave wakatukile nakukaliwana na Elinja.

2 Vimyene 6:16

Elisha wamukumbulwile ngwendi, “Kesi uzive lyova embwe. Yetu ku mutambela wetu tuli navo vavangi kutuvakana ava vali ku mutambela wavo.”

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Njelemiya 1:19

Vakevo vakakulwisa, oloni kuvakakufungulula, omwo yange njikakala nove nakukunyunga. Yange Kalunga, njinendekamo.”

Njelemiya 38:1

Shefatiya muna Matane, na Ngendaliya muna Pashehule, na Njehukale muna Shelemiya, na Pashehule muna Malekiya vazivile ngeci njakele nakuleka vanu ngwange,

Njelemiya 38:9

“Shukulu yange, eci vanalingi ava vanalume cinapu cacivi. Vanaaka Njelemiya mu lisima, muje nasa kutsilamo na njala nga muno mu nganda mukajeneka vyakulya.”

Ndanyele 6:16

Ngecivene, mwene washikile ngeci vakatwale Ndanyele nakumumbila mu mbulu ya vindumba. Co wendekele kuli Ndanyele ngwendi, “Njambi yove, uje iwapangela simbu yoshe na kulongwa, akwamene.”

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’