Njelemiya 39:16 - Livulu lya Shukulu Kalunga

¹⁶ ngeci njileke Evendemeleke kaSundane ngwange Shukulu Kalunga Muka-nzili yoshe, Njambi ya Isalele, nendeka ngwendi, “Ngwe munjendekele ngwange njikanena cihiso a nganda eyi, kunjikanene vuvwa embwe. Omo vyuma evi vikalingiwa, co ukavimona.

Njelemiya 39:16 Iomraidhean Croise

2 Mizimbu 36:21

Ngecivene, vyoshe vyendekele Shukulu Kalunga muli Njelemiya muka-kwimanena vyalingiwile ngwendi, “Lifuti likapwa ngundu a myaka makumi atanu na avali, kwana simbu ku Litangwa Lyakuhwima, lije kuvanyungile.”

Myaso 92:11

Njinamono kufunguluka kwa vitozi vange, co njinazivi mitambi ya vaka-vuvi.

Njelemiya 26:15

Oloni zivukeni ngweni nga munjitsiya, co yeni, na nganda ino, mukakala na mulonga wakutsiya munu wakujeneka mulonga, omwo Shukulu Kalunga ikeye wanjitumine ngeci njiminangule.”

Njelemiya 26:18

“Omo Hezekiya wapwile mwene wa mu Yunda, Mika muka-kwimanena wa ku Moleshete walekele vanu voshe ngwendi Shukulu Kalunga Muka-nzili yoshe nendeka ngwendi, ‘Siyone vakailima ngwe muvakalimi lihya, Yelusalema ikapwa mutumbo, na munkinda wa Njuvo ya Shukulu Kalunga ukapwa ngwe malundu a mu shwata.’

Njelemiya 26:20

(Kwakele munalume umo lalo, lizina lyendi Uliya muna Shemaya wa ku Kilyate Njelime, uje wambulwile mu lizina lya Shukulu Kalunga kulwisa nganda eyi na lifuti eli ngwe mwalingile Njelemiya.

Njelemiya 34:22

Njikavana mashiko, co vakeluka ku nganda ino. Vakailwisa nakuyifungulula, co vakayenyeka njwa. Njikapwisa vinganda vya mu Yunda vingundu. Yange Kalunga, njinendekamo.”

Njelemiya 35:17

Ngecivene, ololo, yange Kalunga, Muka-nzili yoshe, Njambi ya Isalele, njikanena ali yeni vanu va mu Yunda na vanu va mu Yelusalema, n̄avava yoshe ije injamitumbwilile. Njikalinga evi omwo kumwatolililile ku vije njendekele kuli yeni, co kumwanjikumbulwile omo njamisanene.”

Njelemiya 36:31

Njikakunyanyamesa, na vatekulwila vove, na vamyata vove, omwo a vuvi vuje vumunalingi muvavoshe. Nambe yove, nambe vanu va mu Yelusalema na mu Yunda kumwombile vimbunge kukunangula kwange, ngecivene, njikanena tuyando twakama ali yeni voshe tuje njalishungwiiye.”

Njelemiya 40:3

ngecivene, ololo nalingi vije vyendekele ngwendi akavilinga. Vyoshe evi vinalingiwa, omwo vanu valingile vuvi ku mesho a Shukulu Kalunga, kuvamwononokele.

Njelemiya 44:27

Kunjikamivezikisa embwe, oloni njikaminyongesa. Muvavoshe mukatsa ku nzita, nambe ku mushongo, naumo wai wa ali yeni akasalao.

Njelemiya 5:14

Ngecivene, Shukulu Kalunga Njambi Muka-nzili yoshe wendekele kuli yange ngwendi, “Njelemiya, omwo vanu ava vanendeka vyuma evi, lijwi lyange njikalipwisa ngwe tuhya mu kanwa kove. Vanu va mu Isalele na mu Yunda vakapwa ngwe vitale, co tuhya tukavenyeka njwa.”

Ndanyele 9:12

Yove walingile vije wendekele ngwove ukavilinga kuli yetu na kuli vaka-kushwana vetu. Wanyanyamesele manene Yelusalema kutuvakana vinganda vyoshe vya ano asi,

Amose 9:4

Nambe nga vitozi vavo vakavatwala ku vunzinda, co njikavashika ngeci vakavatsiye. Njinayongola kuvanyongesa, kesi kuvakwasa embwe.”

Zakaliya 1:6

Ali vangamba vange vaka-kwimanena njanene vakukulwila veni mashiko nakunangula, oloni vawayengwile, co vakele mu luvinda omwo kujeneka kwononoka kwavo. Asinoni vatengulukile nakuzivuka ngwavo yange, Kalunga Muka-nzili yoshe, njavanyanyamesele ngwe mucavapandele kwesekesa na muje munjayongwele ngwange njikalingamo.’ ”

Mateo 24:35

Lilu na asi vikaita, oloni majwi ange kuwakaiti embwe.