Njelemiya 38:4 - Livulu lya Shukulu Kalunga

⁴ Asinoni vamyata vaile kuli mwene nakwendeka ngwavo, “Njelemiya vanapande kumutsiya, omwo akwendeka kwendi ngeci alinakujujwisa mashwalale va mu nganda, co alinakulinga cuma cimolika kuli munu na munu uje nasala mu nganda. Njelemiya kesi nakukwasa vanu, oloni ashaka lika kuvavavalesa ku vimbunge.”

Njelemiya 38:4 Iomraidhean Croise

1 Vimyene 21:20

Omo Ahave wamwene Elinja, wendekele ngwendi, “Wanjiwana oni citozi cange?” Elinja wakumbulwile ngwendi, “Eyo, njakuwana. Yove wakakateya kulinga vije vya vunyengwe ku mesho a Shukulu Kalunga.

2 Mizimbu 24:21

Co Mwene Yowashe walipandakanene mu vutumbe vwakulwisa Zekaliya, a lishiko lya mwene vanu vashele mamanya Zekaliya mu cipango ca Njuvo ya Shukulu Kalunga.

Ezela 4:12

“Yetu tushaka yove shukulu uzivuke ngeci vaYunda vaje vezile kuno kutunda ku mitambela yove yeka, vanatungu mu Yelusalema, co valinakutungulula nganda yaivi, co yapwa yakutengulukila. Vanashangumuka kutungulula vivumbe, co ololo vamanesa.

Nehemiya 6:9

Vashakele kutuzivisa lyova tuvavoshe ngeci vipangi vimane. Co njalombelele ngwange, “Ololo, Shukulu Njambi, njipwise muka-nzili!”

Kutuuka 5:4

Oloni mwene wa Ingito wendekele kuli Mosesa na Alone ngwendi, “Omwo vikajo mutundisa vanu ku vipangi vyavo? Ilukeni ku vipangi vyeni!”

Njelemiya 11:21

Vanalume va ku Anatote vashakele kunjitsiya, co vanjilekele ngwavo tukutsiya nga ucitwalao kwambulula lijwi lya Shukulu Kalunga.

Njelemiya 18:23

Oloni Shukulu Kalunga, yove wazivuka matumbe avo oshe akunjitsiya. Kesi uvasambese a vuvi vwavo nakuvecela ku milonga yavo. Vawisile asi uvafungulule, vanyanyamese mu simbu ya vukalu vwove.”

Njelemiya 26:11

Asinoni vaka-kukombelela na vaka-kwimanena vendekele kuli vantwama na kuli vanu ngwavo, “Ou munu vanapande kumusompela kutsa, omwo nendeka vyakulwisa nganda yetu. Mwalizivila yeni vavenya na matwi eni.”

Njelemiya 29:7

Lingeni vyavivwa mu vinganda muje munjamitwalele kupwa vinzinda. Lombeleni kuli yange a vinganda evi, omwo nga evi vinganda vivezika, co neni lalo mukavezika.

Njelemiya 38:16

Ngecivene, Mwene Zendekiya wanjikulaesele mu vushweke ngwendi, “Njilisinga ali Njambi wakuyoya, Njambi uje watutangele, ngwange kunjikakutsii embwe, nambe kukwaka mu mavoko a vanalume vaje vashaka kukutsiya.”

Njelemiya 38:25

Nga vamyata vakaziva ngwavo njasimutwiya nove, co vakaija kuli yove nakukwihula vika tunasimutwiya. Vakevo vakakukulaesa ngeci kuvakakutsii nga uvaleka vyuma vyoshe.

Njelemiya 43:3

Mbaluke muna Neliya ikeye alinakukushongangeya ngeci utwende vungungu, nakutwana mu mavoko a vaMbambilone ngeci vatutsiye, nambe kututwala vunzinda ku Mbambilone.”

Ezekiyele 22:27

Vamyata va vaka-kushwana vanalifu na tungunga vaje vakasanyozola tusitu vaje vavanatsii. Vakevo vakatsii ngeci vawane vufuko.

Amose 7:10

Asinoni Amaziya, muka-kukombelela wa ku Mbetele, watumine majwi kuli Mwene Yelovowame wa mu Isalele ngwendi, “Amose nakulingila munga yakukulwisa akati ka vanu va Isalele. Co majwi endi asa kuviisa lifuti lyoshe.

Luka 23:2

Co vashangumukile kumuvangela ngwavo, “Tunawana ou munalume alinakutangula vanu vetu, alinakuvindika kufweta lisimu kuli Sezale nakulitumbula ikeye vavenya ngwendi ikeye Wakuvwavesa, mwene.”

Vilinga vya Miluwa 16:20

Co omo vavatwalele ku mesho a vamyata va vaLoma vendekele ngwavo, “Ava vanalume vanapu vaYunda, co valinakunena vukalu mu nganda yetu.

Vilinga vya Miluwa 17:6

Oloni omo kuvavawanene, vakokangeyeye Njasone na vamo vaka-kukulaela vavatwalele kuli vaka-kushwana, co vatambekele ngwavo, “Ava vanalume vananena vukalu kwoshe-ikwoshevanaija kuno lalo,

Vilinga vya Miluwa 24:5

Omwo twawana ou munalume kupwa muka-muuka, washangumukile kulinga mpindangano akati ka vaYunda mu kaye koshe, co ikeye lalo ntwama ya munga ya vaNazalite.

Vilinga vya Miluwa 28:22

Oloni tushaka kuziva viyongola vyove, omwo tuzivuka ngwetu kwoshe-ikwoshe vanu valinakwendeka nakulwisa mbunga eyi muje muuli.”