Njelemiya 38:22 - Livulu lya Shukulu Kalunga

²² Mu cimona eci, njinamwene vanakazi voshe vaje vasalele mu lipela lya vumwene vwa Yunda, valinakuvatwala kuli vamyata va mwene wa Mbambilone. Omo vaile vakele nakwendeka ngwavo, ‘Vasamba va mwene va a mbunge vaje vakulaelele vanamukwisa nakumufungulula. Ololo myanja yendi omo inakovela mu mandova, vanamuseze endi lika.’ ”

Njelemiya 38:22 Iomraidhean Croise

Yombi 6:15

Oloni yeni vasamba vange munanjikwisa, ngwe vana va vindonga vaje vakuma a simbu ya lilanga.

Myaso 41:9

Nameme musamba wange vene wa a mbunge, uje njakulaelele manene, nanjitengulukila nakunjilwisa.

Myaso 69:14

Njitundise mu vutome, njinyunge mwamuvwa ku vitozi vange, nakunjinyunga ku nzinga ya mema akulova.

Myaso 69:2

njinatomena mu vutome vwakulova, muje kumwesi livu lyakukola akwimana, mema akulova ashaka kunjikupula, co mankimba ao alinakunjikoka ngeci anjikupule.

Isaya 42:17

Voshe vaje valemesa tumponya, kuvapwisa vinjambi vavo, vakavelwisa munima nakuvazivisa shwamwa!”

Njelemiya 13:21

Vatijo mukendeka omo vanu vaje vapwile vasamba veni vakamifungulula nakumishwana? Mukakemanga ngwe munakazi ashaka kukita.

Njelemiya 20:10

Njinazivi vanu vavangi vanjifweya ngwavo, “Kwoshe-ikwoshe kuli munjunju! Tumwambululeni ku vaka-kushwana!” Nameme vene vasamba vange va a mbunge vanavandamena ngeci njiwe. Vendeka ngwavo, “Amo twasa kumukwisa ngeci tumukwate tumulinge shambandinga.”

Njelemiya 27:14

Kesi utolilile kuli vaka-kwimanena vaje vakuleka ngwavo kesi uliite kuli ikeye. Valinakukukwisa.

Njelemiya 27:15

Vavenya Shukulu Kalunga nendeka ngwendi kavatumine, valinakumikwisa mu lizina lyendi. Ngecivene, akamisheka, co vakamitsiya, yeni na vaka-kwimanena vaje valinakumileka vya makuli.”

Njelemiya 38:19

Oloni mwene wakumbulwile ngwendi, “Yange njili na lyova lya vaYunda vaje vatewelele kuli vaMbambilone, amo vakanjana ku mavoko ava vaYunda, co vakanjiyandesa manene.”

Njelemiya 38:21

Oloni Shukulu Kalunga nanjimwesa laja mu cimona vije vikalingiwa nga uvyana kuliita.

Njelemiya 41:10

Ngecivene, wapwisile vana va vimyene va vanakazi vinzinda, na vanu voshe vaje vasaleleo ku Mizipa, vaje Nevuzalandane muka-kushika wa mukulunu wavaakele mu mavoko a Ngendaliya. Ishimela wavapwisile vinzinda, co waile ku lifuti lya Amoni.

Njelemiya 43:6

vanalume, na vanakazi, na vanike, na vana va vimyene va vanakazi. Vatwalele voshe vaje vasezele Nevuzalandane mukulunu wa vaka-kunyunga mu mavoko a Ngendaliya ngeci avanyunge mwamuvwa, amo na Mbaluke nange.

Njelemiya 46:21

Nameme mashwalale vayo vakukumuna kuvesi na seo yai, vanafu ngwe vana va vingombe. Kuvasele kwimana nakulwa omo litangwa lya tuyando twakama lyetele, voshe vakengeseleko nima nakutewa, simbu yavo yakuvanyanyamesa inete.

Njelemiya 46:5

Shukulu Kalunga alinakwihula ngwendi, “Vika vije vinjamono? Mashwalale vavo vanavafungulula, lyova linavakwata, co valinakutewa lumbisi manene, kuvasa kukenga kunima lalo.

Njelemiya 6:12

Vinjuvo vyavo vakavyana kuli veka, amo na mahya avo na vanakazi vavo. Njikanyanyamesa vanu va mu lifuti eli.

Njelemiya 8:10

Ngecivene, njikana mahya avo kuli vanu veka, na vanakazi vavo kuli vanalume veka. Omwo mwanike nambe mukulunu voshe vali na cipululu ca vimbongo. Nameme vaka-kwimanena na vaka-kukombelela valinakukwisa vanu.

Mbimbi 1:13

“Watumine tuhya kutunda kwilu, tuhya tuje twenyele mukati kange. Ikeye wanjitelelele mweto, co wanjikokelele asi, wanjisezele njinatsi citunulu, co njonwele nzili litangwa lyoshe.

Mbimbi 1:2

Vutsiki vwoshe alinakulila, co misozi yendi ilinakwolomokela ku vinana vyendi. Vasamba vendi voshe vaje vakele navo, naumo wai aliko ngeci amuzembeleke. Vasamba vendi voshe vanamwende vungungu, ololo voshe vanamutengulukila nakumulwisa.

Mbimbi 5:11

Vawisile vanakazi amolika na vambanda va mu vinganda vya mu Yunda nakulinga navo vuvi a munkinda wa Siyone.

Mika 7:5

Kesi utave mundambo wove nameme kukulaela musamba wove. Nyanyama nameme vije wendeka na munakazi wove.