Njelemiya 38:2 - Livulu lya Shukulu Kalunga

² Shukulu Kalunga nendeka ngwendi, “Woshe akakala muno mu nganda akatsa ku nzita, nambe kulanduka ku njala ya lyangengela, nambe ku mushongo. Oloni woshe uje aya nakuliita kuli vaMbambilone, kuvakamutsii embwe, akayoya.”

Njelemiya 38:2 Iomraidhean Croise

Njelemiya 21:4

vakaleke Zendekiya vije vyendekele Shukulu Kalunga Njambi ya Isalele ngwange Shukulu Kalunga nendeka ngwendi, “Zendekiya njikafungulula mashwalale vove vaje valinakulwa na mwene wa ku Mbambilone na mashwalale vendi. Njikakungulwila amo vitwa vya mashwalale vove mukati ka nganda.

Njelemiya 24:8

“Ngwe ali Mwene Zendekiya wa mu Yunda, na ali vaje vaka-kuyongola vin̄anda vya lifuti vaje vali navo amo, na vanu voshe va mu Yelusalema vaje vanasala mu lifuti lino, nambe vanai ku Ingito, yange Kalunga, njikavapwisa voshe ngwe vushuka vwa mikuyu vuje vwavuvi manene kuvuvwaa kuvulya.

Njelemiya 27:11

Oloni nga muyati umo ulikeesa kuli mwene wa Mbambilone nakumupangela, co njikavecelela ngeci vakale mu lifuti lyavo, kulimamo nakukalamo. Yange Kalunga, njinendekamo.”

Njelemiya 27:13

Omwo vikajo yove na vanu vove mutsila mu nzita nambe ku njala ya lyangengela nambe kutsa ku mushongo? Omu mukemwo mwanendeka Shukulu Kalunga ngwendi cikalingiwa ku muyati woshe-iwoshe uje kuwasa kulikeesa kuli mwene wa Mbambilone.

Njelemiya 29:16

Tolilileni ku vije vyendeka Shukulu Kalunga ali mwene uje nashwana vumwene vuje vwashwanene Ndaviti, na ali vanu va mu nganda eyi, vakevo vavushoko vweni, vaje kuvavatwalele mu vunzinda amo neni.

Njelemiya 29:18

Njikavayandesa na nzita, na njala ya lyangengela, na mushongo, co miyati yoshe ya mu kaye vakalikomokela a vije vakamona. Kwoshe kuje kunjikavashandwela, vanu kakalisimoka nakulikomokela a vije vinalingiwa kuli vakevo. Vanu vakavashendumuna, nakupangesa lizina lyavo kupwa cisingo.

Njelemiya 34:17

Ngecivene, yange Kalunga, njinendeka ngwange kumwanjononokele, kumwanene vakweni vaIsalele kupatuka kwavo. Mwamuvwa oni, njikamyana kupatuka, kupatuka kwakutsila mu nzita, na ku mushongo, nakulanduka ku njala ya lyangengela. Njikamiyevanganesa akati ka miyati ya vanu voshe va mu kaye. Co vakakomoka a vije njikalinga ali yeni.

Njelemiya 39:18

Njikakunyunga mwamuvwa, co naumo wai akakutsiya. Ukayoya, omwo unaka cinyangavili cove muli yange. Yange Kalunga, njinendekamo.”

Njelemiya 42:17

Vanu voshe vaje vanalivwaesela cimweja kukakala mu Ingito vakatsila mu nzita, nambe kulanduka ku njala ya ya lyangengela nambe kutsa ku mushongo. Naumo wai wa ali vakevo akasalao, naumo wai akaputumuka ku vukalu vuje vunjikanena ali vakevo.’

Njelemiya 42:22

Ngecivene, anukeni evi, mukatsila mu nzita nambe kulanduka ku njala ya lyangengela, nambe kutsa ku mushongo mu lifuti muje mushaka kuya nakukakalamo.”

Njelemiya 44:13

Njikanyanyamesa vaje vali mu Ingito, ngwe munjanyanyamesele Yelusalema na nzita, na njala ya lyangengela, na mushongo.

Njelemiya 45:5

Kuma ulinakushakezeka vyuma vyakama ndi? Kesi ulingemo embwe. Njikanena tuyando twakama ali vanu voshe, oloni nameme ngoco, yove ukakala na mwonyo kwoshe kuje kuukaya, Yange Kalunga, njinendekamo.”

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ezekiyele 6:11

Shukulu Kalunga wa Akamwa ya Vyoshe wendekele ngwendi, “Kanda vimbanda! Co lyata musindo! Lila na vusiwa omwo vuvi vwoshe, na vyuma vya vunyengwe vije vivanalingi vaIsalele. Vakatsila mu nzita, nakulanduka ku njala, na kutsa lalo ku mushongo.

Ezekiyele 7:15

Vanu valinakulwa nzita mu vitapalo, co mu vinjuvo muli mishongo na njala. Munu woshe uje ali anja ya lifuti akatsila mu nzita, co vanu voshe vali mu nganda vakakwatiwa na mushongo na njala ya lyangengela.