Njelemiya 38:11 - Livulu lya Shukulu Kalunga

¹¹ Ngecivene, Evendemeleke waile na vanalume vaje ku lipela ku njuvo yakutulikila vyuma, co wakanonele vuzalo vwalaja vwakusanyozoka, nakuvusosela kuli yange na mikole.

Njelemiya 38:11 Iomraidhean Croise

Njelemiya 38:10

Asinoni mwene washikile Evendemeleke kuya amo na vanalume vatatu nakunjitundisa mu lisima simbu kanda njitse.

Njelemiya 38:12

Co wanjilekele ngeci njake vuje vuzalo vwakusanyozoka mu vin̄ondondwa vyange, ngeci mikole kesi injivulumune. Njalingile ngacije vene.

Njelemiya 38:6

Ngecivene, vanjitwalele, vanjikutile mikole nakunjisosela mu lisima lya muna mwene Malekiya, lije lyakele mu cipango ca vaka-kunyunga lipela. Muje mu lisima kumwakele mema, kuvanga lindova lika, co njambombomanene mu lindova.

Njelemiya 38:7

Nameme ngoco, Evendemeleke kaSundane, kayunuke uje wakele nakupanga mu lipela lya vumwene, wazivile ngeci vananjaka mu lisima. A simbu ije mwene wakele mu mbanja ku Cikolo ca Mbenjemani.

Yoshwa 6:19

Oloni siliva yoshe, na ngolinde, na vivala vya vunengu, na vikuvo vinapu vyakukundika kuli Shukulu Kalunga. Munapande kuvyaka mu cipau ca Shukulu Kalunga.”