Njelemiya 37:17 - Livulu lya Shukulu Kalunga

¹⁷ Asinoni Mwene Zendekiya wanjisanene mu vushweke mu lipela lyendi, co wanjihwile ngwendi, “Kuli lijwi limo lyatundu kuli Shukulu Kalunga ndi?” Co njamukumbulwile ngwange, “Eyo kulili, Shukulu Kalunga akakwana ku mavoko a mwene wa Mbambilone!”

Njelemiya 37:17 Iomraidhean Croise

1 Vimyene 22:15

Omo ikeye wetele ku mesho a Mwene Ahave, co mwene wamwihwile ngwendi, “Mikaya, citava ngeci Mwene Njosefati nange tuye tukalwise Lamote, indi embwe?” Co Mikaya wamukumbulwile ngwendi, “Eyo, yeni mukalwe! Mwa vushunga mukahyana. Shukulu Kalunga akamyana nzili yakuvafungulula.”

1 Vimyene 22:16

Oloni Ahave wamukumbulwile ngwendi, “Omo wendeka kuli yange mu lizina lya Shukulu Kalunga, unapande kwendeka vushunga! Visimbu vingaijo njikakuleka ngacije?”

2 Vimyene 25:7

Vana va Zendekiya vavatsiile oku ishavo Zendekiya nakengeko, asinoni Nevukaneza wativile Zendekiya mesho, wamukutile malyenge, co wamutwalele ku Mbambilone.

Njelemiya 15:11

Shukulu Kalunga, visingo vyavo vyoshe vilingiwe, nga yange kunjakupangelele mwamuvwa, nga kunjalombelele kuli yove a vitozi vange omo vakele mu tuyando.

Njelemiya 21:7

Oloni yove ni, na vamyata vove, na vanu vaje vanasalao mu nzita, na ku njala ya lyangengela, na ku mushongo, njikecelela yeni voshe vakamifungulule kuli Mwene Nevukaneza na ku vitozi veni vaje vakamitsiya. Nevukaneza akamitsiya kakasezeo umo nambe kumizivilako mema ku mbunge, nambe kutetelako munu umo. Yange Kalunga, njinendekamo.”

Njelemiya 24:8

“Ngwe ali Mwene Zendekiya wa mu Yunda, na ali vaje vaka-kuyongola vin̄anda vya lifuti vaje vali navo amo, na vanu voshe va mu Yelusalema vaje vanasala mu lifuti lino, nambe vanai ku Ingito, yange Kalunga, njikavapwisa voshe ngwe vushuka vwa mikuyu vuje vwavuvi manene kuvuvwaa kuvulya.

Njelemiya 25:35

Co kuli yeni kukwesi ngila yeka lalo yakuputumukilamo yai.

Njelemiya 37:3

Mwene Zendekiya watumine Njehukale muna Shelemiya na Zefaniya muka-kukombelela muna Maseya kunjihula ngeci njilombele kuli Shukulu Kalunga Njambi yetu kwimanena muyati wetu.

Njelemiya 38:5

Ngecivene, Mwene Zendekiya wavakumbulwile ngwendi, “Lingeni mwoshe mumushakela kulinga nendi, yange kunjasa kumivindika embwe.”

Njelemiya 52:8

Oloni mashwalale va Mbambilone vashekele Mwene Zendekiya vakamukwatelele ku vyana vya Yeliko, co mashwalale vendi voshe vamusezele.

Ezekiyele 7:26

Tuyando twakama tukalikavasana, co muzimbu wauvi ukakavasana ukwavo. Mukalomba vaka-kwimanena ngeci vamijombolwela vya kulutwe. Vaka-kakukombelela cuma nacimo cai civakalongesa vanu, co vakulunu cuma nacimo cai civakanangula.

Kulava 23:17

Ngecivene, welukile, co wakawanene Mbalake anga nemana ku n̄ombelo yendi ya kwenyeka amo na vaje vantwama va Mowavi. Mbalake wamwihwile ngwendi, “Vika vyanendeka Shukulu Kalunga?”

Mako 6:20

Omwo Helonde wakele na lyova ali Yowano omwo ikeye wazivukile ngeci Yowano wapwile muka-vushunga, co wakujela, co wamunyungile mwamuvwa. Helonde wazemene manene kutolilila kuli Yowano, nameme ikeye wakele nakumuzivisa longoto ku mbunge simbu yoshe yamutolililile.