Njelemiya 37:15 - Livulu lya Shukulu Kalunga

¹⁵ Vamyata valuvalele manene nange, co vashikile mashwalale ngeci vanjipupe nakunjishokela mu njuvo ya Yonatana, muka-kusoneka wa mu mbanja, njuvo yendi ikeyo ivapwisile kamenga.

Njelemiya 37:15 Iomraidhean Croise

Kushangumuka 39:20

co vakwatele Yosefa nakumwaka mu kamenga muje vakele nakunyungila vinzinda va mwene, co wakele muje.

2 Mizimbu 16:10

Co Asa waluvalele manene na muka-kwimanena, co wamushokele mu kamenga. Eyi ikeyo simbu ije Asa wayandesele vanu vamo na muuka.

2 Mizimbu 18:26

Valekeni vamwake mu kamenga, co vamwane lika likende na mema noo njiiluka mwamuvwa.”

Njelemiya 18:23

Oloni Shukulu Kalunga, yove wazivuka matumbe avo oshe akunjitsiya. Kesi uvasambese a vuvi vwavo nakuvecela ku milonga yavo. Vawisile asi uvafungulule, vanyanyamese mu simbu ya vukalu vwove.”

Njelemiya 26:16

Asinoni vantwama na vanu vendekele kuli vaka-kukombelela na kuli vaka-kwimanena ngwavo, “Munu ou kapandele kutsa omwo nakala nakwendeka kuli yetu mu lizina lya Shukulu Kalunga Njambi yetu.”

Njelemiya 32:2

A simbu ije vene, mbunga ya mashwalale va mwene wa Mbambilone valwisile Yelusalema, co yange vanjipatelele mu cipango ca vaka-kunyunga lipela.

Njelemiya 37:20

Co ololo shukulu, njikulomba unjitolilile, nakulinga evi vinjikulomba. Shukulu kesi unjiilwisile lalo mu kamenga ku njuvo ya Yonatana. Nga ulingamo, co mwa vushunga njikatsila muje vene.”

Njelemiya 37:4

Aje te kanda vanjake mu kamenga, co njacikele nakulyendela ngoco akati ka vanu.

Njelemiya 38:26

Nga vakwihula valeke lika ngwove unakele nakunjilomba ngeci kesi njikwilwisile lalo mu kamenga ku njuvo ya Yonatana nakukatsilamo.”

Njelemiya 38:6

Ngecivene, vanjitwalele, vanjikutile mikole nakunjisosela mu lisima lya muna mwene Malekiya, lije lyakele mu cipango ca vaka-kunyunga lipela. Muje mu lisima kumwakele mema, kuvanga lindova lika, co njambombomanene mu lindova.

Njelemiya 39:15

Omo njakele mu kamenga mu cipango ca vaka-kunyunga lipela, co Shukulu Kalunga wanjilekele,

Mateo 21:35

Co vaje vaka-kupanga vakwatele vaje vindungo, co vapupileo umo, mukwavo vamutsiile, co mukwavo vamwashele mamanya.

Mateo 23:34

Ngecivene, njimileka ngwange, njikamitumina vaka-kwimanena na vaka-mana, na valongisi va majwi a Lishiko, vamo mukavatsiya, co vakwavo mukavashukika a cilindakano, veka lalo mukavapupanga makote mu masinangonge eni, co mukavasheka ku nganda na nganda.

Luka 22:64

Vamukutile nanga ku mesho, co vamwihwile ngwavo, “Tuleke! Iya nakupupu?”

Yowano 18:22

Omo Yesu wendekele ngacije, umo wa vaka-kunyunga wemanene kuje wapupile Yesu mbanda wendekele ngwendi, “Yove ukumbulula Muka-kukombelela Wakama ngacije ndi?”

Vilinga vya Miluwa 5:18

Vakwatele miluwa nakuvaka mu kamenga ka mbunga.

Vilinga vya Miluwa 5:28

“Twamishikile ngwetu kesi mulongese lalo mu lizina lya munalume ou, oloni kengeni evi vimunalingi! Munashandola laja vilongesa vyeni mu Yelusalema mwoshe, co mushaka lalo mutuwanese mulonga wa kutsa kwendi!”

Vilinga vya Miluwa 5:40

Ngecivene, vasanene vaje miluwa ngeci vakovele, vavapupile nakuvashika ngwavo kesi vendeke lalo mu lizina lya Yesu, asinoni vavecelele.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.